其實去旅行，完全唔會分早或午餐
想食就食
"麵屋武蔵"
買票、買票
店舖 11:00 am 開門，我哋約 11:30 am 左右到逹
已經差唔多滿座
全部清一色年輕力壯的"帥哥"
係真唔係，唔好作大喎
一啲啲喇！
就係得番呢兩個唔係相連的座位
不過佢哋冇安排我哋坐喎
只係叫我哋喺啲食客後面排隊等
稍後有一位男性入嚟，佢哋都冇安排呢個位佢坐
都係同我哋一齊排
比著香港，做生意先喇，點會待慢客人呢！
其實有好有壞喇，唔可以打尖，唔係有一個位就比你一個人坐
佢哋要公平，但…又幾執著
嘩！如果一大班人，咁跟住後面的，就有排等囉……慘
呢啲拉麵店，食客真係全部"麻甩佬"嚟架
叫咗兩個唔同湯底
"味噌"
"つけ"
嚿肉幾厚身
好彩唔太肥的五花腩
夠軟熟、唔韌、唔嚡好味道，隻溏心蛋又正
麵質像極油麵
從未食過咁"粗"同咁鬼"彈牙"既拉麵
口感一流
(呢句說話，畀"亞蘇"睇到，一定嘈，唔明點解唔比人講，畸形)
嗱！唔好誤會，佢唔係唔好食呀
只係我倆唔係十分太愛呢兩個湯底咋
人家出名個湯底 (好人都畀你激死)
被"食誌"品評第一位
都唔執輸食咗喇，不過唔係食佢介紹嗰款啫
其實佢有幾間分店，有唔同的招牌麵
