31/12/06(sun)→烏來→國聯大飯店
尋晚浸咗兩次温泉，整個身體真係好温暖，一晚瞓過天光
今朝醒來，梳洗後，便行去隔離吃早餐
↑早餐處竟然沒有太多人，只見一家四口的台灣人啫
他們走後便得番我倆了
↑台灣嘅早餐，很是一般
↑吃罷…便返酒店抖抖
房間外的露台
↑往外看的風景
↑沖身
↑浸温泉嘅地方
早上浸多一次後，便離開酒店喇
叫職員幫我們call的士離開烏來往新店站去
在新店站再乘捷運到國父紀念館站下車
↑今晚住宿國聯大飯店
↑喺酒店隔離的春水堂吃午餐
叫咗一個雞扒午餐另加一份雞亦，完全唔好食，啲雞亦又肥又冇味，認真把鬼
我只鐘意飲胚芽奶茶，但我同伴就唔欣賞喇，他只愛港式奶茶
↑沿途而行，見一攤檔飼養的"伯恩山犬"(我都好鐘意喱種狗狗)，就咁瞓在地上，好似好歎咁，有人經過佢身邊，都話知你架
↑一路行到去敦化南路
再在"君悅排骨"吃過
我最鐘意食嘅豆腐，好味道，每次必叫，而排骨飯亦都唔錯架
↑在不遠處有一間充滿時尚嘅餅店
"糖村"它的精緻包裝很是吸引，而招牌點心是蛋糕和朱古力
路經可一看，好有日本風味
我亦買了一盒超人氣的甜點(唔知好唔好食呢)
↑隔離有一間樹屋，係有人住架，但睇落去都幾陰森恐怖
↑晚上在旅遊書推介嘅"談話頭"食晚飯(本應唔係食佢，但想食的又冇位，因今晚係除夕，好多食店都滿座，而佢有位，便只好選擇它囉)
叫咗炒菜、蘿蔔牛腩、湖南蛋加白飯，完全係唔好食
整出嚟都冇厘味道，唔落味精嘅意思，結果係唔好食架，咁佢標榜三不政策已沒有意思喇，嘥鬼氣
(好鬼憎啲旅遊書時常話某某藝人食過架，咁又點啫，難道他們係唔食嘢咩，就算他們去過咁又點喎，不一定好食架，好似蔡san在他主持的節目話過，某某人嚟吃過，但他可惜不是食家而是一個政治家，咁又何來好食呢)
唔怪得佢有位喇，原來係唔好食，吹漲
↑國聯酒店浴缸，我諗浸浴就好囉，如果好似我哋只用花灑沖涼，結果係攪到通地濕晒，好睇唔好食，好彩唔係喺屋企用這個咋，不然真係要日日抹地囉
↑喺洗手間可望出房間外
↑這個東西就係今日喺"糖村"買
"Macaron"裏面有六種口味
超甜兼難食到死，真係唔好攪我喇
↑今晚係除夕，好多人在街上一早霸有利位置看烟花，可惜我住嘅房間看不見烟花，只可喺窗縫邊望到少少咋
如不…便要下樓在街上同人一齊迫，才可看得清楚，我哋本應諗住落樓睇架，但沖咗涼兼又懶，當然冇去喇
不過我哋從窗口望落樓下，街上行人都向酒店窗旁旅人揮手同大叫"新年快樂"，真係感受到新的一年來臨，大家都好開心呀
好眼瞓lu
