都冇諗過會再做呢啲高糖食物
喺網上見人PO出嚟
個模又幾得意
攪到我心亂如麻
即淘一個玩吓先
唔係我玩佢呀
係佢玩我咋
雖然做烘焙都有好幾年了
因不是時常做
沒有怎練習
係差好遠的‥
點做吖、兩條友吃，甜點係有時見到好靚
有心郁郁想做㗎
奈何又肥又得2個人吃
好多時係放棄多
曲奇皮唔同月餅食譜
個面係唔夠月餅咁光亮
綠色葉子有好多缺口呀‥
因用多咗抹茶囉
太乾喇
黏住個模都甩唔到囉
如果唔係都尚算叫做成功㗎
可惜吖
呢啲係第二次做
第一次做得還要好、冇影相呀、因整到對手好油
包波蘿饀都唔易
好多都爛晒
焗咗又唔太覺
第二次既波蘿饀我榨乾了好多水
見好多人都係有咁操作
係就係好快炒乾
但好似唔靚囉‥
呢個係第一次的
沒有榨乾水份
用麵包機操作，都用了2個鐘
還未夠乾身
都要放入鍋中炒了半個鐘
但色澤同濕潤度
係好好多
都幾多嘢攪呀
真係見到都覺煩
嗱！你睇
印到一忽忽㗎
葉部份太乾
甩唔到出嚟‥
第一次用包機做的
兩個鐘加半個鐘用明火
靜置時都係未夠乾身
呢個饀係超甜
頂唔順
第二次做已減了好多
都係覺甜
呢個網誌轉咗新功能
攪到我唔識點用
煩
在此祝大家中秋快樂
人月兩團圓
唔記得係舊年還是前年做過喇
上次做已亂晒龍
今次做都唔係好得去邊喇
叫做有小小經驗咁咋
忘記加錫紙
個頂燶咗
醜醜的(笑)
咸蛋黃唔靚
個心係白色的
好似話係醃唔夠日子喎
不過，我見好多人Po出嚟都係蛋黃咁樣
認真大煞風景
再做咗兩款
黑芝麻粉同抹茶粉
都係做得唔夠千層
加上自己唔識將個饀包入
攪到好肉酸
本諗住做流心黑芝麻饀的
其實應係成功的
自己又屎蠢
一早拎咗啲流心芝麻饀放室温
咪攪到咁囉
係就係話咗唔再做磅蛋
因為自己愛吃百香果
未試過用百香果做蛋糕
真想試試
又做埋蜂蜜蛋糕仔
百香果磅蛋好食
唔加果籽較好
蜂蜜蛋糕仔唔好食
冇味道
實在做得太多
都要揾銷路㗎。。
包裝好送人了
好少整磅蛋
因知肥到屎、牛油多到都怕怕
糖都係唔少得
唔難做
不過實在太肥喇
都唔想再做囉
得兩個人吃、老公吃大大份
唉！我唔想攪到佢有三高
唔知係咪入咗雪柜
唔好食
回室温一陣較為好啲
買咗幾扎斑蘭葉
洗乾淨
之前有做過
不過已好耐了
剪開一段段
方便入機打呀
榨完汁再用手揸到佢盡
入樽等第二日收成
我未試過咁做
滿晒一樽的
精華只係得咁多咋
食譜睇Utube
見人話做過、只改動菜油轉做椰奶
牛奶改做斑蘭汁
咁簡單又玩吓
真係好難脫模呀
做咗一大一細
大係加高模
都脫到一忽忽呀
我覺得食味一般
唔夠香口好味
可能只改動咁樣
未係完美
如下次再做
再發掘另一個吧
好少做咁大個包包
屋企個模買咗好耐、真係好耐喇
係初學包包時買的
根本都冇用過
麵糰有110g
屋企又冇生白芝麻
用咗已經烘烤過既‥
所以好快燶
口都冇咁大 (笑)
