Oisix 入咗會好耐
真的從未幫襯過
今次是什麼挑起我條根呢
咪佢囉
見佢專頁一日在fb 洗版
每次見到都流口水想吃了
第一次訂點知冇晒貨
心頭火熄了
冇幾耐又見有喎
急不及待飛撲 (笑)
訂兩個咁少
非也
點會訂兩個咁簡單吖
訂得少都唔受你玩
雞蛋都訂
老公話
我就係一個見人賣廣告話點正點巴閉而中計的人
不過唔蠢 (笑)
咪試吓囉
至愛點會得兩個呀
想訂好多、好多
不過冇錢囉
真心架
我唔會像某些人咁
人贊助就講到點好呀
當然人家俾So 你
必定要大吹大擂喇
不過‥最後要真金白銀自掏腰包買才是最真
點吹也沒有用的
本人好憎呢啲人囉
六個中有一個少少撞損
冇得投訴喇
免責已說明了
撕開皮係冇樹的
網頁讚到伊東さん啲桃咁鬼正
嗱、嗱、嗱我又嚟喇
係咪又伏呢
今次冇‥真的又多水又多汁
又香甜
所言非虛
不過我又未吃晒日本所有
很難定案佢係最GOOD
冇伏、同佢網頁介紹一樣已心滿意足了
吃完一個真的唔多夠喉
給了一個老媽
佢一日提在口邊
話很好吃
這個千葉懸的索湯油豆皮
喺香港日式超市都有買來吃
皆因愛吃囉
當然又講到點巴閉喇
我信佢咋
嚴選國產原料
使用100％國産丸大豆，不使用消泡劑，以海水鹽滷製成豆腐，再以無基因改造的菜種油炸成油豆皮。
油當然有
吃時我用熱水拖一拖
減少油膩
再放入湯稍煮
便可以了
最後才記得在温泉酒店買了瓶飛驒牛肉醬
終可拿來吃了
這個都冇伏
好香、有味ge肉醬咁
都唔錯
埼玉懸產的熟日本國產銀魚仔
我又係鐘意吃這的
雖然係熟
我多手拎去再蒸一會
點知實在太腍喇
攪到口感超差
放入口一pat 嘢咁
嘥料呀
鬼叫自己衰多手咩
牛蒡不是第一次食同整
這個佢話可以做沙律菜咁食
用削刀刨絲
我覺口感仲正
凍吃一流
福崗懸產的青辣椒
點解會吸引買呢
咪上次去北陸吃過
以為同呢個一樣
所以咪訂
之前係有諗點煮架
諗同做往往係兩回事嚟
剪了頂部、唔剪都得
想將辣椒籽移除
但‥當時唔知又縮窒冇做喎
算喇‥全部落鑊煎喇
加了個豉油芡
可食了
吃了幾條、真的嚟料喇
口中噴火
名符其實辣椒仔
都好鬼辣吓
係佢令我喉嚨痛足幾天
真的冇諗過咁鬼屎辣
可能吃時有嗆喉
而令喉嚨痛
這味餸係好好食架
只是唔知佢咁勁囉‥
喺Oisix 訂的食物都大致煮了
除咗雞蛋
唔駛多講囉
普通料啫
算叻喇‥買了這而迫自己做
所以真的怕怕架
賞味期有限
唔做唔得
我好怕咁囉
會唔會再訂Oisix ，我唔會答不
唔想閂自己後門
短期係唔會囉‥