呢餐甜品，已食咗三個星期喇
店舖位於將軍澳區
因拜山關係，又順便走去食吓囉…
"聰嫂私房甜品"
開咗都幾耐吓喇，又係所謂明星效應
因唔啱路都未曾去嚐過
店內不算大，尚算企理、乾淨
"楊枝金露"
吃甜品就最愛這個了
芒果香甜、柚子唔苦
真係好鬼屎好味，食極唔厭
最近食過間甜品店，很是難食啊…
"士多啤梨涼粉"
在外某啲甜品店，未食過這個
其實係用新鮮士多啤梨加鮮奶攪拌而成的
食落口感像雪糕，又有粒粒士多啤梨肉，非常唔錯
下面黑色便是涼粉，兩者配合又有唔同效果
"花生、芝麻糯米糍"
花生做饀嗰個較為香口、好吃些
不過呢啲我就麻麻哋喜愛咋
價錢唔貴，相當抵食
如冇記錯，廿蚊一個，比好多甜品店還要便宜
好想再去幫襯啊
不過可能又要等拜山先去喇…