好似喺"東京"寫食嘅嘢
寫極都寫唔完咁
hahahahaaaaaaaaaaaaaaaaaaa
好…又嚟過
"吉野家"
好多人話喺日本好食過香港喎
(我唔排除外國月亮係圓)
不過我哋叫呢兩個就認真差勁
"親子丼"
食物唔太熱，已經唔太 good
雞肉冇味道，都唔想再食落去了
這個係差架
"牛すき鍋"
食物又係唔太熱，只有色冇香味
如果下次再去的話
都係穏穏陣陣叫番個"牛肉丼"好過
無謂博吖
@@@@@@@@@@@@@@@@
吉列炸物
我自己只是一般愛吃
"和幸"
時間尚早，店內冇乜人
唔駛一陣
已差唔多爆滿
兩個人食，呢個 set 幾好吖，唔貴喎(同香港比)
又唔駛諗叫乜，每樣有啲，合晒河車
就呢個喇
又有嘢飲
睇嚟蒸得唔多靚喎，咁多窿窿
唔理喇，最緊要好食
不過就相當滑
"沙律"
呢個又醒胃好吃
"正"
一樽滿滿既柚子醋
我把它用了大半樽淋在沙律上
真係好好味架，都唔係好過份啫…
一 set 有豬、牛、蝦不過可惜冇"蠔"
好唔好味，愛吃呢啲炸物咪好食囉
我覺只一般，越食越漏
有啲反胃…
細細粒蜆肉
其實我唔鐘意麵豉湯架
呢個又幾好喝喎
掟咗個彎去"元朗"，唔係行街
係掛住食、食、食
只係三粒鐘咋，已食到肚滿腸肥
"串皇"
專賣燒烤嘅店舖，舖仔細細，有各款唔同食物
一牛、一雞
雞肉比牛肉稍為入味少少，個醬又唔覺出色
好彩只是試試啫，唔係又嘥錢
"佳記甜品"
呢間已好耐冇幫襯，以前食覺唔錯
現在可能已不合時宜了(長江後浪推前浪)
已遜色不少
"芒果西米露"
完全冇芒果味，又唔甜
都唔知食梗乜
"芒果糯米糍"
雪得太耐喇，又硬又實，唔鬆軟
芒果瘀瘀黑黑，冇厘味道
認真把鬼
"辣雞亦尖"
以前呢個必叫，現在已唔係太好食
"魚旦、腸粉"
呢個算冇乜失水準，腸粉夠滑，魚旦唔腥
不過唔會再有下次喇
甜品店通街都係
不進則退，駛乜食你呢
呢餐咁…唔便宜架
其實去"元朗"既目的
係去揾"韜~韜~"食嘢，唔係食以上嗰兩間架
最衰口痕
自己好鐘意睇飲食節目，但每次睇都覺相當吵耳
唔知你哋覺唔覺呢﹖
某兩位女主持，不斷在節目叫韜~韜~韜~韜~韜~韜~韜~韜~韜(N咁多次)
作狀到死，"韜哥"都唔尊稱聲，冇大冇細
一睇親呢個節目，就想轉台
"五月份既菜單"
一百多款餸菜(唔係全部圍村菜)，花多眼亂
每款 $52，算抵食喇
要細心揀，才剔到圍村菜品嚐
兩條友食，之前又食咗啲嘢
已好飽喇，真係想唔食架
見一場嚟到，費事掃興，只叫了很少
"鮑汁炆肉掌"
顏色橙橙，怪怪的，都算幾好味
呢個小食，好平喎又多
"圍頭五味雞"
半隻同一隻，價錢一樣
冇奶油咁傻，叫半隻架，食唔晒咪打包囉
我覺似豉油雞，唔錯、好食
"鳯凰蟹肉炒長遠"
我好鐘意食粉絲架，一見到有，好似發青光咁，必叫
不過呢個好差，淡而冇味
翻轉個底見啲粉絲炒到一嚿嚿
"韜哥"乜得咁失敗呀
見到呢兩樽嘢
都知係乜樹喇…
"豬油撈飯"
我真係好鐘意呢啲飯架
粒粒分明，唔會爛 pat pat
如果啲飯係爛，加上淋埋呢啲醬料，諗吓係唔係會好難食
"可一，不可再"好食確實好食
代價可真不少啊！
健康要緊
"奶王馬拉糕"
好多人話必點架，我都有叫
不過冇整熱係打包拎返屋企食
可能我倆對呢啲嘢麻麻，唔覺有幾好食囉
"甜品"
唔係講笑，真係太飽關係
只吃了兩嚿雞，同唔可以留嘅"長遠"
全部通通打包回家
原來自己"食力"有限，以後都唔好攪喇
真係好辛苦
呢餐甜品，已食咗三個星期喇
店舖位於將軍澳區
因拜山關係，又順便走去食吓囉…
"聰嫂私房甜品"
開咗都幾耐吓喇，又係所謂明星效應
因唔啱路都未曾去嚐過
店內不算大，尚算企理、乾淨
吃甜品就最愛這個了
芒果香甜、柚子唔苦
真係好鬼屎好味，食極唔厭
最近食過間甜品店，很是難食啊…
"士多啤梨涼粉"
在外某啲甜品店，未食過這個
其實係用新鮮士多啤梨加鮮奶攪拌而成的
食落口感像雪糕，又有粒粒士多啤梨肉，非常唔錯
下面黑色便是涼粉，兩者配合又有唔同效果
"花生、芝麻糯米糍"
花生做饀嗰個較為香口、好吃些
不過呢啲我就麻麻哋喜愛咋
價錢唔貴，相當抵食
如冇記錯，廿蚊一個，比好多甜品店還要便宜
好想再去幫襯啊
不過可能又要等拜山先去喇…
食完傳說中好味嘅豬扒後
兩個人食嗰塊扒梗係唔會飽喇，其實係要留肚去另外一間食
"新桂香燒臘"
既然一場嚟到柴灣，梗係要一次過食埋呢間喇
睇書話"少年食神"講呢間嘅义燒好正斗
當然想試試
不過唔明點解要叫佢做"少年食神"囉
睇佢都唔係"少年"喇，叫"青年"會唔會好啲呢…哈哈
鬼屎咁"銀耳"
"燒肉飯"
乜唔係义燒咩﹖
我夠想喇，佢話要三點半至有喎，唉！時間唔啱，費事等囉
講真吖，燒肉麻麻哋咋
燒腩骨會好啲
"乳豬飯"
賣相都幾靚，皮夠脆
不過反轉好鬼肥
好彩飯夠粒粒分明同夠熱
如果乳豬唔肥，我會較為鐘意啲
一間地踎燒臘店，我哋只坐在街邊吃
沒有冷氣，坐得並不舒適，又在柴灣這地方
價錢都算收得頗貴
可能比傳媒讚過，所以…
兩碗賣單$59，你話貴嗎﹖
如果係好食，我會較為接受…
其實好一般咋
喺自己嘅"食典"中，有好幾間想去食都冇做到
今次有機會一試
傳說中呢間"耀東號"嘅豬扒很是好吃
一年前已想去食好耐喇
"耀東號"
價錢唔算便宜
"豬扒飯"
雖然係一間好普通嘅食店，食物都擺放得很靚
冇求求其其
不過只見呢個係咁擺設咋…
豬扒真係唔錯、好食，外脆內軟，算夠 juicy
沒有作大
一口一件，食得方便
但…又冇令你有再回味之感
唔知係唔係掛住擺設
啲飯拎出嚟時，全部唔熱架
咁…就死喇，掛住"繡花"，而忘記會令飯變凍
其實唔可以最後先放飯咩！
諗諗去喇…
不過…見到啲飯都唔開胃架，唔係粒粒分明
又爛、又凍，好似啲冷飯咁…
豉油唔香口、惹味
唉！只食完"豬扒"走人算喇
係唔係失敗，我覺係架，好心用啲靚少少嘅米奉客
唔該﹖！
不過…呢個傳說中係冇人提及架
綠葉都好梗要喎
好囉…又可在我的"食典"中撕掉這頁，唔駛再心掛掛了