寫完個【油雞】後，終可鬆一口氣
唔駛寫得咁辛苦喇，可以攤唞吓囉，寫番啲容易既嘢先
有半天假，便和朋友在這裏吃午餐
飲食雜誌不斷介紹話點咁好食
又即管走去試試
"火車頭越南餐室"
好彩我哋下午食，加上過了午飯時間
不是太多人，又無須訂位，先去食咋，要等就唔好客氣喇，又唔係唔駛錢
"火車頭招牌湯河"
個碗又真係好似個面盤咁大，塊面都可放入去架
內裏份量唔係太多咋
我哋兩個人食，都唔係好夠
(冇雜誌寫兩個人食足夠有餘喎，我已唔係大食嗰個)
湯頭真係清甜
碗內有生牛肉、牛展、牛柏葉、牛丸、牛筋
係生牛肉同牛展多些，其他份量相當少啊(簡直揾唔到咁滯)
我覺得牛展真係入口即溶，反而我愛食它多啲
呢個相當唔錯
("月展"呢個字用什麼倉頡碼打，應該係冇喎)
"蒜蓉牛油焗越南大頭蝦"
惹味又香，內裏有小量牛肉碎炒過撈埋一齊焗的
好味道
甜品
"薑檸檬炖蛋配雪糕"
我好鐘意有薑味既食物，唔甜夠特別
(食物出得太慢，食到收舖才可鬆人)