好少入戲院睇戲，wed 晚終於可以睇到我想睇套戲喇
除咗口碑好的戲先入場睇之外，唯一係氹到我拎錢出嚟睇嘅係關於【狗狗】的電影
每當睇完套戲而佢又出 DVD，我都會買番套作為留念
唔知點解會有鋪咁嘅癮
唔係睇呢套 Simpsons
不過見到係院內擺設幾得意，又影嚟比大家睇吓喇
而今次睇嘅電影就係《快樂尋回犬》
影評已睇過知道大概講乜東東，但…唔明"牠"一啲都唔快樂
(應該係噱頭嚟，將戲名相反就啱喇)
簡直係用【痛苦】兼【坎坷】來形容貼切啲
而隻狗狗都唔係"金毛尋回犬"而係"拉布拉多"
戲名應改為《悽涼拉布拉多》啱啲
其實劇情三個主角都同樣可憐，講兩小兄妹兼一隻狗的生活遭遇，初初就好開心
後來妹妹因意外不幸死去，受委屈的【小白】令哥哥憎恨
(小白係狗狗的名字)
而【小白】又因為救哥哥而死
由始至終整個故事，我覺得係兩個主角的媽媽因拋棄他們而引起的
他倆同狗狗一樣【遇人不淑】，才會有這樣一個不愉快結局
(每次睇呢啲戲，一定會流下眼淚，好戥佢哋悽涼難過)
有養狗但要真心愛狗的朋友，才會有身同感受…
p.s. 以上純粹個人意見同感受