2024年12月15日星期日
2024年9月13日星期五
2024年8月1日星期四
2024年5月9日星期四
老船長@萬象食家~
喺萬象食家有好幾間心水店
今次吃了這
老船長
睇大眾點評睇得多
都掌握知有乜嘢食喇
想試好耐
逛吓逛吓萬象食家商場
途經見到
門口已有位靚姐姐介紹
都未有諗住去吃㗎
時間係下午2點零鐘
其實已在別處吃了一餐
又未餓
因經過時可望到入面
裏面有好多卡位
見到啲食客枱上有整大鍋蝦蟹
顏色相當吸引食慾
唔得喇。。。
同老公講唔等下一次喇
即刻走入去
門口位姐姐諗、介紹時話下次先
回頭又走去吃(笑)
入座時
已感覺幾枱食客都係港人嚟
點咗香辣蟹
另加蝦
微辣
落完單後、小姐姐即刻拿著下單紙同我哋講
佢哋啲辣度唔同外面喎
問我們可以接受嗎
我話冇問題
呢啲服務唔錯
起碼知道原因又有提點
呢餐卦住吃、又要戴手套。。
相都冇乜點影
除咗上面迷你肉蟹仔4隻
蟹係細咗啲
冇乜肉囉
另加了蝦、份量唔算少
海鮮都算新鮮
因我懶、唔想剝殼
只吃了幾隻、全部老公KO
佢話真係巧巧味
我就專攻吃裏面有的配菜
有超軟爛入味鳳爪
年糕又係冇得頂、配這調味
簡直一絕
好食過韓式泡菜年糕 (呢款我唔鐘意吃)
還有薯仔、粟米、䈑笋等
配料亦不少
呢啲啱我哋口味
真想跑過去吃啊！
下次試吓另一間
四季椰林椰子雞@深圳金光華店~
評價幾好
已在waiting list 內
近近哋
就去試吓喇
正確嚟講呢餐係第二餐
11點零吃咗第一餐
四點零吃呢餐
係呀。。。唔想等位或同人迫
早早吃完反歸囉
四點零鐘當然冇乜人
但。。唔好以為冇人吃呀
裏面都有幾枱客
坐低侍應姐姐已奉上這一大壼烏龍茶
我忘記了裏面嗰粒係乜東東
不過唔好飲
苦同澀
當天叫大眾點評圑餐
如果啱食、我哋多數都係㗎喇
一早已有這
不過都沒有喺客人面前放呢啲椰子水喎
都唔知係咪真材實料喇
不加一滴水
烚吓烚吓是必有的調料
半隻海南文昌雞
牛丸同響鈴
侍應姐姐將所有雞件放晒入去
有啲啲竹笙
咁樣。唔會嚡咩
可能我倆唔係太鐘意烚吓烚吓
唔覺有幾好食喎
不過啖椰子水真係好鮮甜囉
雞件又真係好鬼嚡
麻麻
鍋肉食物還未吃完
呢煲飯已放在枱側邊
未來得及影相
姐姐已不客氣、幫我們把飯大兜亂了
所以冇得影張靚相
最好食係個飯
雖然係油咗啲啲
臘味甘香
味道入晒落啲飯內
我都連隊幾碗
其實係個煲大，飯唔算多㗎
我同老公講
如果唔食碗飯，真係一啲都唔飽啊
試過就算喇
真心唔係自己杯茶
走時
已有很多人入場了
2024年4月24日星期三
江南㕑子@萬象城~
我諗現在都冇人寫blog喇
又冇人睇、好多去晒IG
不過我唔緊要
只是愛嚟記載少少回憶
記得好多年前吃過
印象唔錯
所以又諗去吃
糖醋松子魚
老公至愛、喺呢度食咁大條唔算太貴
酸甜適中、炸得很香口
咁大條兩個人根本吃唔晒
真係越吃越漏
魚頭魚尾魚鮫位
炸得很香脆
好食到不得了
全部老公KO晒
杭州小籠包
呢個沒有什特別
都可以
肥美東坡肉
呢啲餸當然唔係我至愛喇
波士話事我只是陪吃(笑)
唔肥又點會好食吖
即係五層肉
夾住有肥有瘦
一齊吃係相當唔錯
唔望住、一啖放入口
冇罪惡感、入口即化
巧食
2024年4月23日星期二
木棉。醉心粵味@深圳CoCopark購物公園~
當天吃完午餐太二後
其實都冇乜落過肚
但都唔係太餓
因我哋傻傻哋囉、喺香港吃完早餐才落去
所以喺太二吃嗰餐時還很飽肚
雖然吃了少少太二
可能太辣
腸胃受不住
當天肚痾了一次
龍井煙熏太爺雞
雞夠滑
但只聞到煙熏味、係我唔太鐘意的
可惜又沒有龍井味喎
四季豆炒牛肉
炒得很夠鑊氣、牛肉有少少韌
敗筆
白貝肉粒蒸滑蛋
這個餸係咁多餸最平的一個
味道很好、當然要夠滑喇
老公話我都識蒸喇
都唔想叫的
只係我一意孤行
好彩冇樹
巧味道
初戀咕嚕肉
都唔明好多店舖都用這名字的
關初戀乜樹呢
食過好幾間都做到圓碌碌一粒粒咁嘅大細
咁得意嘅
整色整水
加個青蘋果做擺設
當堂高級咗
咕嚕肉味道算唔錯
肉質都夠腍
啖啖肉咁
酸咗啲啲囉
整爛咗粒青蘋果
流出嚟嗰啲好似係雪糕嚟
兩樣配搭又相當唔錯
冇咁油膩
雖然幾貴呢餐
因係散叫
呢間木棉。醉心粵味
算唔錯好食
唔知點解都覺吃番中式菜會合口味啲
同好少伏
太二@深圳金光華商場
又真係冇入嚟巧耐喇
喺呢段時間當然做了好多嘢
有食有玩有做其他
香港都開咗囉
呢餐喺我舊年六月時候去吃的
現在才拎出嚟寫
真係過份了點
叫咗2杯嘢飲
1杯係百香鮮橙橙橙果茶
另1杯山茶花油柑柑檸檬茶
2杯飲品都OK嘅
主要係解辣啫 (笑)
鍋巴土豆月牙骨
都有少少辣
都吃到
味道麻麻
老坛子酸菜魚 (鱸魚二人份)
我好鐘意吃鱸魚
魚質夠滑
點菜時已問可否微辣
侍應話沒有的
上桌時已聞到很香很香同很辣的味道
試了幾嚿魚
真的很好味啊
可惜實在太辣喇
根本吃不到
成碟沒有點吃過
嘥料
店內有一角係沖飲料區
忘記影相
這杯已忘記係乜
我只係是但求其落
不過仲記得好似有加了少少陳皮
都幾好飲
深圳我已很耐沒有到過了
疫情完了
通關後咪去食吓嘢
開心吓囉