上次喺CWB吃過覺唔錯
今次又再去
喺旺角新世紀岩鹽
已book 咗位
當天見有兩條龍排
已覺有冇咁誇
想問侍應佢又走咗入去
問排隊啲人那條排乜
有Book 同另一冇book
差不多夠鐘
有book 可以入場
裏面好大
有好多卡位
相當唔錯
仲有要限時的
75分鐘
極饌寿司定食
太長喇隻碟
唔識點影
這份係老公點的
佢唔吃海膽
我吃
不過唔太新鮮
還有帶子
係超大隻呀
都係嗰句都冇乜鮮味
全唔掂
其餘我冇吃喇
老公都話一般囉
唔夠新鮮
已係死穴喇
等咗好耐才出這個
又要限人時間
廚房出嘢太慢了
雖然多人啫
因我未有嘢吃
老公知我愛吃茶碗蒸
給了我
這些很易做
冇乜點輸的。。
最重要係夠熱
海膽三文魚釜飯
諗住凍凍哋
唔想吃生嘢、出事喇
計時器未漏完
吃咗前菜先
沙律、刺生、麵豉湯
全一般
打開蓋已知自己叫錯了
三文魚賣相恐怖
海膽都係喇、呢個真係只適宜刺生吃
三文魚好腥
海膽都唔好得去邊
呢間食肆都唔明咁多人吃的
價錢有平有貴
款式係好多選擇啩
成個餐係最好味杯焦糖脆餅雪糕
咁。。駛鬼嘥咁多錢吃咩
買2打回家吃都冇咁貴喇(笑)
如無意外
應冇下次了
呢間位於尖咀
吃過一次
已好耐冇再去吃
而今次算係有plan 的
仲係下午茶時段去吃
估唔到咁多人呀
記得上次去吃
都係下午茶時段
仲要單點
黑 豚角拉麵
好耐冇去
原來午餐可配一份小點
上次嚟係冇的
呢個未吃過
幾好食
武藏炸雞
有三件
味道唔好食
自己整
用日本炸粉好好食的
哦！原來神山拉麵同麵屋武藏一集圑
武藏煎餃子
又係三隻
都係唔係咁好吃
但好食過炸雞
喺超市買王將餃子回家煎仲好食
午餐有飲品
都算抵食呀。。
八拾零蚊有咁多嘢
抵食過其他拉麵店嘅
唔怪得咁多人喇
仲係平日下午茶時段喎
不過要講一講
佢哋啲服務
差到不得了、只見有2位女侍應
客人入座
係咪要留意吓客人揮手點餐
叫極都冇人睬
都唔知匿埋去邊
總之服務係差勁的
又要收加一
完全冇服務可言
每次逛完無印
都想去食
但從冇plan 過
今次終記得喇
三品料理
黑醋醬豚肉
牛油果薏米蝦肉沙律
黑醋無花果箭菜沙律
十六穀米
凍烏龍茶
餐湯
自選下單的
唔錯好食
尤其沙律
啲黑醋汁相當好味同醒胃
揾日逛無印買番支先
黑豚肉就一般
有啲嚡
凍烏龍茶係加配的
不是套餐包
日本蛋沙律三文治
呢個點了好遲才端上
吃完個飯餐才到
時間剛好
嗰pat 日本沙律碎蛋
我唔係好欣賞
可能下面有啲雜菜蕃茄喇
我反而鐘意喺日本便利店吃嗰種
均勻搽晒喺包包上
係巧巧吃的
件包包又鬆軟
而呢件三文治多士
多士放耐一陣都不能
又乾又韌
唔好食
我較愛吃份薯條
真係juicy 㗎
熱辣辣
正
沙律菜都唔錯
如果份三文治連杯飲品
收七十多元會較可取
呢間燒肉店
真係吃過都不知多少遍了
係呀
又係點三set
前菜相當滿意
我可以獨享兩個沙律菜
老公就獨享三個牛舌
唔叫其他
這三個配菜可以配飯吃已夠晒喉(笑)
麵豉湯
冇特別、我只要一碗便可
飯唔知仲係咪可任點呢
冇問
日本產豚肉同雞肉定食
我吃燒肉的話
就只可點這兩款
如不、可吃丼飯或其他
老公必然叫牛喇
三色和牛定食
真係百食不厭
環境舒服
食物相當唔錯
價錢公道
三個餐
當然有3杯飲品
今次杯凍檸茶又唔苦澀
唔錯
凍啡一般
想吃呢間嘅晚餐
咁啱經過
試吓下午茶都好
Plato
週末都唔算多人
點菜係好辛苦
揮極手都冇人、咁係咪應該自助下單吖
好像見到得2個侍應
一男一女
最後點到餐喇
叫乜冇乜
想吃pizza 話冇喎
冇。。係咪應該喺外邊餐牌skip 咗去吖
坐低等人客落order 又話冇呢樣嗰樣
呢個最快到步
香烤雞胸西西里茄醬扁意粉
雞胸真係有啲嚡
都幾香口好食
意粉都好入味呀
吃到尾都仲熱辣辣
呢個係最抵讚
好怕啲食物係唔熱㗎
卡邦尼意粉
呢個做得超差
唔夠香口
一 pat 嘢咁
我做得好食過佢
又係嗰句
食物真係好熱辣辣
送一杯價值$32飲品或加錢另點
又冇畀menu 客人選飲品
只講$32係飲檸茶、㗎啡
叫凍奶茶又話冇
唔重要喇
根本呢啲cafe 飲料係唔好飲的
吃過呢餐下午茶
印象分大減
慳番不用吃晚餐了
一次夠晒數
上星期六吃的
老公話食評唔錯
咪又試吓新嘢
唔會為咗棵樹放棄個森林
座落於銅鑼灣糖街
Suger +
呢座建築物喺地盤時已很耐了
是否落成冇幾耐呢
唔理喇、都唔會考究
入門口有條走㾿
才見到座位
我倆被安排這座位
喺香港真係好難得會有個室
(就算有都要求吃某個價位才有)
還可看到維園景
相當開揚唔錯
可惜係冇照顧到用家囉
燒食物時真是難喇
L位
近門口嗰個位真係短小
離個爐位又遠、坐又坐得唔舒服
另一端根本不用燒
位置矩離又係太遠了
設計上是否有啲問題呢
全程辛苦了我老公喇
下次嚟
都唔好坐呢啲位
宮崎肉本舖
日本九州宮崎縣已經擁有多間分店
首間登陸香港
看完Menu
點了兩個餐
又加了這個蟹味噌甲羅燒
最快嚟就係佢
唔食牛
只能選擇這個"燒肉三品盛合"
別無它選
店舖材料全選用日本貨
鹿兒島黑豚上肩肉(生薑汁)3片
北海道一汐赤魚2片
最唔好食係魚
賣相麻麻的
熊本香草地雞雞腿肉(香草味)
反之賣相一般
三樣中係最好食的
呢個茶碗蒸
麻麻
右邊個豆腐上面加了少少肉碎伴吃
幾好食
招牌A5和牛燒肉五品盛合
係廚師當日精選5款(共10片)
即係唔知畀邊部份你吃喇
當天賣晒
就冇好嘢食
咁要早鳥
老公話好味道
會再嚟
牛係好食好多嘅
佢哋仲有個燒肉放題㗎
我唔食牛點陪老公吃呢。。
我話你自己一條友去吃喇
佢叫我破戒一次喎
老公話全部放晒落去
不用看爐就矛所謂
但冇可能囉
所以燒得麻麻
隻鵪鶉蛋應放喺中間的
佢自己跣咗落去㗎
唔關我樹
最後有柚子雪葩
清清哋好味
有一樣嘢係當日入會
有兩件肉送
但。。我哋差不多都燒完囉
蝕咗喇 (笑)
喺灣仔吃過覺幾好食
加上自己都愛吃泰國菜
灣仔店執咗
去尖咀吃喇
裏面都好大啊
開店已入去
嘩！唔係我哋早
原來已有好幾枱客了
兩條友冇得安排坐卡位
見有客要想坐
聽到侍應講只可三至四人的
講真吖‥其實3至4個人
都唔太鐘意坐卡位
又迫又窄
寧願坐四人位好過
唔明點解好多食肆係咁安排
一早已鎖定吃乜
我鐘意吃泰式海南雞飯
之前喺灣仔店冇吃過
今次點來試試
咦！啲雞唔係一條條咁樣
係一嚿嚿
我最唔like 的
其實咁樣已影响我食慾
雞件好彩唔算嚡但有啲肥膏
始終都唔係我鐘意的
油飯唔錯、湯都幾好味
整體尚算可以
不過我唔會再吃囉
海南雞飯係午餐
可加錢叫小食的。。
呢份米紙卷
淡而無味
點埋醬汁、都完全冇味
把鬼
另一個飛天通菜
唔好以為大碟呀、係好細碟咋
我覺辣咗啲
吃了少少
全給老公攪掂
我差不多吃完
老公叫呢碟蝦炒金邊粉
足足等了45分鐘
還要催兩次才到。。
咁食嘢法係咪好激氣呢
係有見廚房出3碟呢啲
但唔知點解會送咗去別張枱
一定係漏單喇
但又唔知點解其他嘢又冇事喎
午餐包一杯奶茶咖啡之類
我倆補錢叫了青擰水
好耐冇飲喇
不過呢度一般啫
最後有位之前幫我哋落order 的女待應行埋嚟問
啲嘢齊晒未呢
真係嘥鬼氣喇。。
已食到一肚氣
食物冇以前灣仔咁好
應冇下次了
