週末吃
蛇王芬副線
中環蛇王芬只吃了兩三次左右
但冇呢間啲嘢吃
第一批入場
唔算多人
裝修似大排檔
四季芬芳
逛街經過、老公都話要去吃吓
油柑鴨屎香檸檬茶。苦瓜鴨屎香檸檬茶
呢兩杯認真係極品
我唔識欣賞
老公仲推介我必飲
佢咪又係睇埋啲食評話必點
唓！又苦又澀
唔係我杯茶
嘥錢
叫多兩個點心吃仲好喇
灌烏雞湯百花丸
睇個名
唔會估到係乜來
嘩！賣相做到成粒荔枝咁
裏面係蝦膠
巧彈呀
又唧咗啲烏雞湯入去
咪更加 juicy
呢個我超like
蛇王芬潤腸鹹水角
咪睇佢賣相黑麻麻呀
嘩！夠晒脆口
裏面係好多肉粒
呢個又係我鐘意的
必點
都係嗰句吖
叫多兩個點心食
好過飲鴨屎喇
金香脆米义燒
我以為係一條义燒切厚片
原來係一嚿嚿的
好似食魚蛋粉咁、片頭
呢個就係义燒頭喇
係咪用伊比利豬肋條做呢
我覺似囉
味道可以的
不過相當嚡囉
唔太好吃
子薑麵醬魚腩煲
老公巧鐘意食呢啲餸
其實我已成日整給他吃了
而且我做得唔差㗎
呢幾件魚腩味道又係麻麻
又係幾嚡口
最慘係超多骨
吃佢時都唔敢講嘢
怕哽親
蛇王芬生炒糯米飯
呢個話要等廿分鐘、等咪等囉
老公想唔叫的
好彩最後都有叫
呢個好食呀
我又鐘意
現在好多食店係手機下單的
見到好多未嚟前想叫的
好多都沒有
寫就售罄
剛開店已售罄
唔係化
呢間食店
出食物好快㗎
123嗱嗱臨已全部擺喺面前
二人就坐二人位
張枱係超細
我哋叫呢啲嘢食
都冇位放
想影張靚相都難過乜
最唔好係位置對住條路囉
好多人經過會眼超超
又冇屏風阻隔
太open 了
我有個疑問
佢同隔離天天
是否同一集團呢
見有天天制服員工在四季芬芳出入
又見到筷子筒插住天天筷子
仲有一樣嘢想講
佢哋係廚房出食物
員工推車仔時
只見上層有用罩冚住食物
而下層沒有的
咁多路人、人來人往
有啲唔合衞生囉
呢間可再幫襯
不過到時再去吃
唔知有冇想吃嗰幾款呢
Happy Friday
去咗呢度吃
Together
唔知好唔好食㗎
都幾多人
侍人問我有冇訂枱
我話冇喎
都有位比我哋
叫咗個二人餐
其實都飲唔出係乜湯嚟現
聽到好似話係南瓜湯
味道麻麻
件包應係Focaccia
但係做得超差囉
冇味冇道
都唔知係乜包嚟
只係略為睇到似Focaccia咋
意式海鮮沙律
有煙三文魚、魷魚、輕煎刺身吞拿魚、番茄、水牛芝士
味道又係麻麻
牛油果吞拿魚他他
呢個最差
完全冇味道
都唔知食咗乜嘢
紐西蘭法式羊架
有三件
有部份係好肥
肉又少
唔入味又嚡
唔想吃太生、叫了七成熟
但應係做咗全熟
阿根廷紅蝦龍蝦汁手工扁麵
蝦身係剝晒売
易食、但口感似唔太新鮮
啲扁麵痴埋一坨坨
又唔入味
絕對油麻地好食
全個餐我只可講係賣相做得唔錯
呃like 幾好
食就把鬼
唉！冇下次了
上次食完冇幾耐
放假又再去吃過。。
因為我最近很喜歡吃蕎麥麵
懶呀。。又唔願自己煮
其實最大問題
天婦羅點樣在家整呢
老公的迷你丼
一條友吃兩碗飯
我就吃唔晒喇
魚生都算新鮮、又大大件
另一個係塩麴醬油燒豚腩丼
呢個味道一般
而且啲肉好嚡啊
唔好以為用咗塩麴就會滑吖
隔離枱有位女仕都有叫呢個組合
聽到佢同朋友講又嚡又唔好吃
呢個係我的
呢排係痴咗線
忽然勁愛吃蕎麥麵
其實我吃了幾件天婦羅已唔想吃喇
因為太漏
吃吃吓有啲打冷震
餘下的留給老公包底
蕎麥麵我都係吃唔晒㗎
老公話：已吃了兩碗飯、仲要吃埋我啲餘下 (笑)
真怕吃滯佢
好喇。吃埋今次要停一停
好耐冇做包包喇
有時真係唔知想做乜包㗎
天氣熱係最煩
放室温又不可做有餡嘅包
入雪柜又要番叮
返工邊有咁得閒吖
屋企冇 Parsley
見有乜香草咪落乜(笑)
啲香草太大條喇
賣相打了折扣
不過又真係好好食
焗時廚房充斥著滿滿蒜香味
呢隻包係冇得輸的
好彩現在戴口罩
唔係一開口又比人聞到個口咁鬼臭(笑)
真係自己都聞到
其實係香味嚟
某日同老公逛沙田
唐宮小聚
一間新派中菜店
SD 畀朋友睇
佢話乜間食店咁污糟㗎 (笑)
霎眼睇真以為係
我哋點咗個二人餐
不用煩
沙薑豬手
呢個好食、相當唔錯
拎出嚟時
好細碟喎。。
越食越多咁嘅 (發夢喇)
係切得好細粒就真
每枱都必點
二人餐當然有
好細隻BB鴿
夠嫰囉啲肉。。
干煸肉碎四季豆
都唔錯好味
松露蝦餃
吃蝦餃好過吃流沙包
哈！呢張相啲螞蟻好似真咁
冰鎮咕嚕
不得了
呢個外脆內軟又juicy
超好食呀
最後甜品
心諗可能求求其其
擺幾件桂花糕便算喇
點知又真係好有誠意喎
有埋食用乾花
賣相又超讚
連個盛器都有睇頭
收咁嘅價錢
係值得的
又想食多次呀
同朋友午飯敍
佢選吃呢間、冇所謂
反正都未吃過
喺尖咀
要行樓梯的
唔知有冇lift 呢
地方都幾大㗎
只有啲舊樓才有
一人點一啲
不用煩
呢個係茄子炆四季豆
隻碟係四小碟嗰啲size
啲餸像留餸咁
全唔討好
味道麻麻囉
香蕉蝦多士
我都未食過呢啲嘢
咪叫來試吓
裏面有香蕉同蝦
我覺炸得過火、稍為燶咗啲
而且好油膩
又係一般
我吃了一件
已唔想再吃喇
叫朋友吃埋
佢又係唔肯吃
惟有自己攪掂番喇
金沙南瓜
朋友愛吃香口嘢
唉！叫多咗炸物。。
吃兩件又係唔想再吃了
我好愛吃南瓜的
但呢啲一般愛
冇記錯呢個係菜肉雲吞
咁多個餸呢個最好食
一個人可吃晒呀
高麗豆沙
我好愛吃呢隻㗎
不過又係麻麻
塊外皮太厚了。。
吃了一個投降
朋友拎走了
我哋都係唔識叫餸
叫埋太多炸物
攪到自己吃到作嘔
不過嗰味茄子四季豆就真係一般喇
呢間店咁好口痺
又係不外如是。。
某天嘅平日
逛咗陣尖咀、又未食晏
去咗呢間太平館
雖然唔係我年代、但之前都吃過一兩次
都覺可以的
過咗午飯時間
人唔算多
有下午茶
就叫瑞士雞亦喇
雖然自己都識整。
侍應話要等廿分鐘喎
冇問題吖
反正又逛到攰攰哋又熱
坐耐啲仲好
時間真係啱啱好
廿分鐘已端來
一隻大一隻細
味道係完全唔入味
之前吃過都唔係咁嘅
平啲都唔係咁做吖
炒飯咸到都唔想吃
唔駛咁重手吖
落咁多塩，我又唔係咸蟲
呢餐真係把鬼
印象奇差
貼錢買難受
真係冇下次囉
