日本喜知次一夜干~

已經買過3次吃了

簡單易做

入焗爐便可

都幾大條

成隻女性前臂咁長

略略沖洗便可

用筷子可以看到有幾大條

印乾水份

我之前吃過覺唔夠味

灑了少少味椒塩

Done

雖然話係一夜干

已醃過

但啲肉都唔覺入味

加少少味椒塩係唔錯的

魚頭不用加了

反而魚頭咸咸香香

巧巧味

老公食到舔舔脷

朋友同我講三年前喺六本木吃要索價$2,500 港元

我睇錯以為2500円

仲講都唔貴吖

跟住佢又講今年(剛去完)

去吃$400港元咋

我才醒覺看錯了

心諗係咪傻呀

2500港元吃一條魚，佢比張相我睇又唔覺去高級店吃

普通一隻碟放咗一條炸了的喜知次

一啲都唔高貴

好似喺茶記吃咁

反而吃400蚊隻碟仲靚

唔好怪我咁形容

如果2,500蚊係餐，我都覺貴

佢又冇話係一個餐喎

我真係唔會吃囉

圓頂牛油吐司~

印象中

我好少整呢啲款

多數整山型多

一條過

仲方便喇

效果係睇吓靚唔靚

其實每個款都係要喇

廢話

都算唔錯吖

 

原味古早~

唔想做一個大

又玩吓個十二連模

佢真係唔錯

今次又玩吓劃花紋

我好少玩呢家嘢

蛋糊做好

就係要整呢pat 花紋

攪到蛋糊消咆了

巧唔開心啊

雖然冇穿冇爛

但好似唔係太長高

唔講應呃到人的

食落又冇乜分別喎

只係自己知有消泡囉

我會記住下次應點做先

 

威靈頓牛柳~

整就唔識整喇

買嚟比老公享用的

買現成好過

掃上蛋液

入氣炸攪掂

幾靚仔

切面係咁

有姑姑係牛柳面

我唔食牛唔知好唔好食

老公話一般

叫我不用嘥錢買了

 

裸麥粉吐司~

冇整吐司好耐喇

冇麥粉

只有裸麥粉

係有啲唔同、唔理喇

見有乜咪做乜

超軟

很難切

 

肉崧包~

我鐘意用這十二連模具

又愛吃肉崧

 

日本桃、大糖嶺~

出呢篇PO 

所有桃已消化咗好耐了

喺Donki買咗2個

大大個

都要佰幾蚊

都算多汁夠甜

見有大糖領訂

已急不及待訂了

我未食過呀

講到係桃中咁出名

打開盒蓋

裏面咁嘅。。

嘩！真係粒粒都巧飽滿

巧靚女啊

原來只有靚嘅桃才用粉紅色膠托的

呢啲我都係喺商販聽回來

應該唔會錯啩

我都唔會考究喇

作為消費者

只知要好食、同值囉

係咪真係咁巧食呢

錢就比咗喇

我冇諗過會拎去磅、咁小家㗎

因逐個拎出嚟觀賞時、睇吓有冇爛

見到有大有細

便忽發其想

六個中最重磅係呢個

差少少有半斤

冠軍

而亞軍係佢囉

半磅有多

都唔差喎。。

季軍都係叮噹馬頭

雖敗猶榮吖

其他三個都係同呢個差不多

雖然話算係桃中之王

可能未夠熟

我覺唔夠香囉

汁係多嘅

係有失望㗎

只怪自己未放熟拿來吃

其實係咪呢

後期

我又買了一盒比較平價嘅桃吃

不得了

多水多汁又超甜同香

價錢係大糖領的半價咋

超抵吃

回味中囉

聖安娜 、利苑月餅、皇玥~

聽日就係中秋節喇

記得細個時

最愛玩兔仔燈籠

同埋有好多好多水果吃

月餅我一直都不愛的

奶黃流心金沙月餅

我未吃過呀

當然唔係自己買喇

都係家人給的

一盒內有兩層

共八個迷你月餅

我哋兩個都唔愛吃

係老公見細細個都淺嚐吓

佢話都唔係太流心嘅

老公話唔係咁好食

我只吃了少少

都好甜吓

好彩唔係自己買

成二佰幾一盒

吃其他好過

另一盒係利苑

諗住呢間會好啲啩

又係分上下兩層

上面有四隻

老公話都係唔好食

下層係一個傳統月餅

白蓮蓉

我超怕吃的

呢個大月餅我攞嚟拜觀音

一Set 分上下

就係咁樣

雪柜都冇位放呢啲嘢

噚日同朋友吃飯

佢又畀咗兩個迷你月餅我

佢話知我有好多

咁‥‥仲畀我

嗰兩個係"皇玥"

佢話好流心的

我還未吃呀

等我聽日試咗再放相上嚟喇

利苑冇講到話係流心月餅

喺度講聲Sorry

原來冇流心仲好

佢又唔太甜喎

又幾好食

不過始終唔係我哋杯茶

呢兩隻係朋友約食飯給我的

佢話知我有兩盒

都給我2隻試吓喎

叮完後

確實非常流心

可惜係勁甜嗰隻

真係頂唔順囉。。

三款月餅

唔理佢係咪流心喇

利苑較為好吃啲

一句講晒

自己係唔會買囉