做得歐包多
當然做番啲另一半愛吃包包喇
見網上有人做過呢種
自己咪加加減減囉
網上睇人咁放相就多
原來自己都可以(笑)
冇乜幾可呀
用酸種做軟包
擺多幾張相 (笑)
2021年8月18日星期三
No. 10 酸種包~
究竟自己係咪做咗10個酸種包呢
應該唔只咁少
可能早期有做過
做得肉肉酸酸便冇影
現在終的起心肝
又學人攪攪震
都唔係無聊吖 (笑)
好多人都會係咁喇
之前啲唔計做咗幾多個
現在做了十個
但始終都係冇耳仔
失敗
技不如人已早知喇
爐温都係一個非常大問題
冇計
想買個爐，冇地方安置
舊又未壞
冇奶油咁衰掉咗去
惟有等喇
組織又真係唔算太差
切時都仲係有少少痴刀
我好鐘意做黑芝麻酸種包
鐘意食
最緊要唔酸
我唔客氣喇
講真吖，做一個包
只係我一個吃
都唔知要吃幾耐呀
我放入冰格
諗起才拎出嚟叮番熱咋
食呢啲包、要好休閒才可
有時係想做
但見冰格還有
都唔敢再做
咁。邊有進步吖
No. 9 酸種包~
發覺自己越做越肉酸
整形又歪歪斜斜
出爐見到都巧心傷
剖面仲嚇屎
上濶下窄
其醜無比、唔開心一陣咁多喇 (笑)
組織都唔自太差
不過切時都有痴刀
其實都算好食㗎。。。
只係自己有要求啫
咁。做得呢啲酸種包或普通包都應有啩
包底太燶
又要諗吓點攪囉
做包已係一門好深學問
仲做呢啲酸種包
真係難上加難
惟有要加倍努力囉
我仲有好嘢想學呀
有時真係力不從心啫
2021年7月6日星期二
偽酸種／天酵芝麻包~
做法同酸種包一樣
只係冇落酸種
落了１Ｇ 速酵
想 check 吓同酸種做出嚟有乜唔同
外形都尚算可以喇
剖面又唔算膠同黏
都唔錯好食
其實我好怕做出嚟啲酸種包係酸的
冇養酸種
用呢個方法都唔錯呀
No. 8 酸種包~
今次做黑芝麻酸種
唔知點解喺雪柜拎出嚟時好似好濕咁
用錯咗手粉
學習中
係肉酸㗎喇
都講咗用錯手粉
攪到啲花紋睇唔清
始終爐温唔夠
又係唔係點爆裂
嘩！
剖面有驚喜
呢個包肉係想要的
既然追求唔到外在美
起碼內在美有先
冇膠呀
我鐘意㗎
呢個我冇送比大口仔呀
我兩公婆吃晒
雖然老公都係一般
我都多謝佢捧場
真心呢個係最好食的酸種包
希望可以保持到水準喇
現在係要內在美行先
外在要等運 ｛笑｝
No. 7 酸種包~
進度好慢呀
話就話享受做的過程啫
但。。一做又㗰好多時間
所以有時遲遲都唔願開始囉
入爐前指定動作
出爐後非常失望
又係唔係我想要嗰款囉
只係得少少耳仔
黑芝麻粉酸種包
當天剖面都唔覺佢有對耳仔喎
啲窿太大個喇
又係有啲膠膠哋
唔合格
我真係好嘥嘢㗎
老公唔知我送晒比大口仔㗎
但。佢又唔食
咁點啫
佢知的話。只會叫我唔好再做
佢唔會明我所想
希望快啲做到好味包包喇
我都唔想咁浪費
No. 5 酸種包~
我都唔係成日做酸種包㗎
最多都係一至兩星期一次左右
唔會多
時間唔許可加上都冇人愛吃
所以好難有進步
做酸種包嘅人、當然係我呢啲初心者喇
係相當期盼呢一刻㗎
出爐時自己都呆咗呆
都幾好樣喎
有耳仔
都幾大吓
係唔係圓又圓唔晒
又有啲似橢圓形
咪就係個 pan唔夠大囉
剖開係做酸種包嘅人第二期待的
都幾好
有外有內吖
如果同人講
我只享受做的過程
同成功的喜悦
個包包大多給了大口仔
係咪會比人鬧呢
係呀
呢個食落有啲痴牙同膠膠哋
我已心知不妙
影完相
結局都係一樣
其實我真心想做一個好食的酸種包
可惜自己力有不逮
還需努力
呢個係我第五個做的酸種包
都算叫做唔錯
對我嚟講
