N 次Roll Cake ~

多年前出外學過

都唔記得囉

C父都出名㗎

只係自己低能又冇心在家練習

加上咁多年前自己真係一無所知

乜都唔識、白紙一張

達克瓦茲 Dacquoise~

其實呢段時間做的甜點

已跨越自己界線

從冇諗過會做呢個

好多年前做 Marcaron 已攪到一頭煙

都總算又過到骨

還自己心願

之後都冇再掂過囉

芒果布甸~

跟甜 C奶食譜做的

冇用啫喱粉、好食好多

好怕啫喱粉口感

原味古早 & 古古力 ~

又風靡一時既古早

其實係咪枕頭蛋糕呀

Skillet Souffle Pancake ~

唔懶‥喺Utube有好多食譜同教埋點做

真係正到不得了

巴斯克芝士蛋糕 & 減醣巴斯克芝士蛋糕~

芝士蛋糕都做過無數次了

尤其呢個

超簡單、又不用理佢靚唔靚

又唔會唔成功

多好

懶人至愛

又巧吃

紅莓、核桃軟包~

在呢個疫情之下

冇乜點外出

多咗時間做包同煮食

的確係進步不少

但‥唔等於佢降臨

希望快啲過去

鄉村包~

始終想挑戰呢種包

曾養過酸種‥

但‥唔知係咪唔太愛佢的味道

放棄了

不過真係唔想養佢囉

搞到雪柜一樽二樽

又要餵、巧煩

杏汁燉花膠~

屋企幾件花膠已擺在好耐喇

係母親大人畀我的

我應唔會買

唔想做囉

蒜茸包~

蒜茸包我又真係鐘意吃喎

都冇整好耐喇

Pizza Hut 亦冇幫襯好耐了

 又唔係難整

自己都唔敢再話係新手

今次用呢個模幾好

剛好喎

好過用吐司模

整出嚟都唔靚囉

呢個正好多

  妖！比朋友睇相

竟估唔到係乜包

不過唔緊要

佢乜都唔愛吃，尤其係五辛

所以嘥鬼氣

後來‥我開估，話係蒜茸包

佢話都想講、咁又唔早講‥side gas

應落多啲 parsley

失敗

不過超巧吃

太細個喇‥唔夠一陣同老公KO 晒

奶油椰絲、肉崧包~

只諗住係做肉崧包

冇諗其他

 出爐後

心又諗住試吓整椰絲包喇

又真係未試過

 唔做多

整兩隻好喇

咁鬼屎肥

朋友睇完相話點解咁少牛油既

唓！我諗住整兩隻

牛油都冇預多

唧完咪算囉

食嗰個都冇彈唔夠 (笑)

好喇！終於滿足晒老公既願望

自己都超越侷限

都肯行出第一步做咗

可能會有下次㗎

如果佢要求 (笑)  

又係提子、核桃軟包~

係呀‥

又係用同一食譜

三戰菠蘿包~

印象中應該冇做過

心血來潮

應承老公、矛奶油冇口齒

 第一次做

沒有留意睇火

咪咁樣囉

唔啱自己心水呀

醜醜

 我既性格

係唔服輸囉

當然會再戰喇

 哈‥係咪好好多

可見得吓人

合格喇

老公話：整到就好難會有下次再出現了

唓！都未必㗎

可能又‥‥

唔知痴唔條線

又再戰呢

好難講

 嗱！真係好快又做喇

但‥我又覺第三次做賣相又唔夠第二次靚仔喎
做時已知係個紙模阻住(太細)
搞到塊皮放不下
焗又焗得唔好
我會留意喇‥
mark 低佢

芝麻餐包~

我愛吃芝麻

有益又香喎‥

提子、核桃軟法~

  用咗呢個食譜都唔少次

係跟日本網做包包網紅食譜

冰糖陳皮燉檸檬~

舊年識咗一班兼職同事

各散東西

唔知送乜俾佢哋好

Diy 燻蹄~

我都話唔識點煮又或冇頭緒

最好係喺網上揾料囉

 買咗隻豬手

加上又要清雪柜

咪拎佢出嚟煲湯囉

自私食~

有時一條友喺屋企

加上疫情

都唔會出街吃㗎喇

唔願出去買外賣

惟一只有煮

別無他選

孜然茄子~

茄子不嬲自己好愛吃

沒有外吃這個

食譜喺 utube 乜都有人教

今次再跟朱Sir 整

絕對唔難

係煩咗啲咁咋

我同老公覺一般咋

(不過個人口味唔同，有人愛有人覺一般)

老公話我喺㕑房攪咁耐

就係整呢啲呀

佢話唔好嘥時間喇

我話矛所謂喇，乜都學吓囉

抹茶 & 古古力奶蓋~

最近流行既400次咖啡

我又唔飲咖啡

所以都唔會再做

做過一次便算喇‥

屋企有抹茶

喺FB 見朱Sir 教用蛋白整

咪又跟吓囉

做完OK 唔錯

不過要開爐整一杯嘢

都唔會有興緻再去做喇

玩吓就算

 點知網上又有高人教路

用淡忌廉已可做到咁既效果

當然自己即試喇

哈！又真係簡單容易

不用開爐攪這攪那才是不道嘛
點解上面同一抹茶、影出嚟顏色差咁遠嘅
可能燈光問題

 用古古力粉又試埋添

又得喎

簡單易操作

不過巧肥囉‥

偶一為之好喇

唔係真係攪唔掂啊)))) (笑)