終於摺埋喇~

 

 Yahoo 執笠唔玩
對我嚟講係好事
開心架
快快趣趣攪掂
可以盡快搬家啊！(笑)

係咪可以一次過搬走晒架‥

士多啤梨果醬粒白パン ~

自己對做麵包好多時係一知半解

所以直至現在都形容自己係初心者
好難有得升班喇(笑)
烚吓烚吓咁‥

喺富澤買了這個
我覺有啲似狗糧架 (笑)
因愛吃士多啤梨
諗都唔駛諗已拎在手中

黑芝麻包包~

自己雖不是太熱衷做包
可做可不做
老友同老公都講
咁鬼熱都服咗我架
整嚟做乜
有 hb 代勞咪算囉

不過有時又心血來潮
想做就會即刻去馬‥(笑)

 幾愛吃黑芝麻
好多時飲品都會加啲落去
好飲好多架
做包包都唔例外
亦都會好吃啲‥

 老友話飲咗年半黑芝麻粉
頭髮都烏黑了
真的嗎﹖！
很想試試看
但‥知道這個亦是致肥良品
點解‥好食又或是有、冇益的食物都令人肥胖呢 ) ) )

寫 blog 都寫咗好幾年了
有啲厭倦
在這數年內
比我在這裡看見了很多千奇百怪事
很是好笑) ) )
因有 whatsapp 同 fb 溝通
已減少了很多在這裏 po 喇
有時會諗重複係咪多餘呢！﹖
真唔知) ) )
希望自己會繼續堅持下去喇‥

麵包版原味、提子 Scones~

雖然我唔係食過好多次 scone
但‥它給我印象係又乾、又鬆、又散
唔搽果醬根本唔好吃

 今次見食譜書用高粉、(低粉亦可)同酵母
不用泡打粉
覺幾新奇
當然要一試

同做 scone 方法一樣
搓勻後
要放入雪柜過夜啊！
這點都不是什麼問題
我都放了廿個鐘有多呀

拿出嚟時都不用作第二次發酵
可入爐了

都好簡單
沒有做麵包咁複雜

 麵包版 scone 出世喇
口感係似包包
鬆鬆、軟軟
但又比包包好吃
當然比用泡打粉做的更、更、更好吃
任何人必定鐘意佢 ) ) )

(書中所說麵包 scone 比用泡打粉所做出嚟的
感覺得到酵母的力量)
以上兩句話我都唔明佢講乜嘢(笑)
如有人明的就講給我知吧！

麵包版 scone 我諗除咗自己做之外
喺街應沒有得賣喇
還有用白神、星野等酵母

所以咪要努力揾錢買這些囉
知道嗎﹖老公即我老細呀‥
唔係那有咁好材料供應啊！

那家在旺角採用天然酵母的麵包店
用了香精入包
標榜什麼也沒有用喇
我曾買了一次吃過
只覺一般啫
現在發生了這宗惡行
還有沒有人幫襯呢‥
一個台灣、一個祖國
唉 ) ) )

不要懶、還是自己動手做來得安全

南瓜、芝士比利時鬆餅~

 

又做比利時鬆餅呀) ) )
上次用了星野口感同味道覺很正
今次用白神唔用星野
睇吓同一食譜結果係點樣

 還加了南瓜作饀

 仲有‥仲有
四款芝士

 

本加了很多南瓜架
恐爆裂
將饀料份量減半‥
食落又覺少了點囉
至於芝士饀直情沒有流心
都冇影喇‥

今次用咗雲呢拿楓糖啊‥
好香呀

 同一食譜不同酵母
得出意見係星野羸幾條街
其實我諗用天然酵母都應好吃的
用星野個質感係唔同呀
好食好多
因發酵時間耐咗之故

不過好多人好奇怪
唔會嘥時間用係呢啲度囉
麵包就會
其實咪一樣食喺自己肚內
點解要咁分呢！﹖

唉‥有得比較就
自己已很奄尖喇
都係唔好太縱壞自己
攪到冇啖好食就慘囉(笑)

和民~

見好耐冇去食過
兩條友放工後擦番餐
閒日的晚上
都滿座
好嘢‥

 

咁啱得咁蹺做這個套餐
見幾抵食
有Aeon 咭仲平啲
當然唔放過喇

黑力條紋吐司~

從冇諗過會做這
因見咁鬼煩
藉口多多(笑)

點解會踏出第一步
咪就係巡卜時
看見一位日本網友
所做的大理石吐司‥係我看過咁多
是她做得最、最、最靚囉
眼前一亮、不得不做

只是自己一直唔肯嘗試吧
諗住萬事起頭難
原來不是囉
直情係半點難也沒有
我認為囉‥
(咁講會唔會比人打架)  (笑)
只要肯做、理想必能逹到‥ ya
明白喇
世上無難事、只怕有心人
以後會朝這方向出發的
係要勉勵自己架
之前一早做了內胆
放入雪柜等自己有 mood 才做
超簡單

 第一次做未能完美、那有完美架
缺憾多多
 oh~
從模具跣出時
竟然黏住呀
咦！失敗囉 (泣)

星野提子比利時鬆餅~

空頭支票終於兌現了
的起心肝浸、浸、浸
真係久違咗佢好耐
唔好意思呀
 完成後，第一次即用 hb 做包包
(之前已做過喇、好似好奇怪咁)
有它真好
買咁鬼多嘢，係佢沒有買錯同後悔囉‥
人家攞奬會多謝 Parco
我就多謝 hb 囉
真係衷心多謝呀！
人始終不是時常保持最佳狀態
當你唔想郁時、又想食
有它幫忙、省卻很多功夫

 第二次用佢
咪呢個囉‥
成日 up 住話一定要用星野做這
家有三種酵母
都一一用過了‥
那個最愛呢﹖！

 

 上兩次係用日本食譜
今次亦唔例外
三個食譜有些出入
但大致差唔多
不過今次係全用高粉
沒有加入低粉
時間當然係耐啲喇
用星野嘛
這次用星野比我感覺係焗時很快上色

比利時鬆餅食譜不是一般做包包食譜
我見有人用包包食譜
做這個鬆餅
當然只要你喜歡係唔可以話錯的
咁‥會唔會係又乾又柴呢﹖！(笑)

今次又減了10g糖
雖沒有之前做那麼甜
唔知係咪加了提子
我總覺還是甜了點、點、點
其實係好少咋
嗜甜的應不覺吧
如下次加珍珠糖做的話
真要一減再減啊！

 這個係比前兩個食譜好食好、好、好多
全不覺膩
同比之前更有強烈麵包口感
我超 like
煙煙韌韌、外脆內軟
正
可能全高粉啩
又或是用咗隻日本靚粉呢！﹖
不知道啊！
等我試清楚再作交代吧‥


還有唔知係食譜功勞 or 係星野喇
但‥我都比個讚佢
咁下次咪用這食譜試唔同酵母囉
公平啲好



我愛星野呀‥超愛啊！不是星爺呀 ) ) ) (笑)

 給朋友試吃
老媽成日話攞錢派街坊
她意思一日比咁多嘢人食
係嘥錢行為喎(笑)

 

釡山賞楓の旅@ day 5~

 

 

 

好難得寫到第五日
真係要堅持啊！

呢幾日行程除第四日稍為頻密外
係咪覺太他條呢﹖！
我諗每個人去旅行都想咁架喇
唔通終日頻頻撲撲
每個景點留低條腳毛、走馬看花就叫做去過咩‥
現在心態唔同喇) ) 老了(笑)
我們不會用幾日行程去首爾、又到釡山、仲去埋濟洲咁囉
我知有人覺很傻
只係大家諗法唔同啫

乜嘢叫旅行呀！
要悠閒、舒服、他他條條
唔好話要享受人生
我哋還未到咁有錢階段
只是適時放手
等自己 enjoy 吓個旅行
喺香港已營營役役
何不去旅行時放鬆吓呢
減減壓、充充電
人生才有鬥志拼落去
心情、樣都靚啲架(笑)

藍莓芝士~

雖不是太愛吃甜
惟獨是它
難捨難棄) ) )

好少整原個蛋糕
咪整吓囉
又唔係唔識做

 亂攪一通
醜婦終須見家翁
老公話咁鬼肉酸就唔好拎出嚟獻世喎(泣)


你知唔知大熱天時做這做那
又要看住個爐唔係易事啊！！

既然唔識欣賞咪算囉
食就食最多
(好食 ing) (笑)
哼！

左睇、右睇、前睇、後睇、反轉睇
都唔係太差啫‥(笑)
開定張空頭支票先
有時間一定會再做過靚啲 (自己諗咋)

粟米、吞拿魚、芝士包~

最近喺富澤買了很多嘢
各類粉同其他
有啲愛、有啲不愛
咁‥都好
試過知道自己鐘意什麼
不過‥
始終品種實在太少選擇
希望日後可以有多些提供喇！

上次做了甜包饀
我‥真係不太愛囉
唔係唔好食
只是個人問題

有見及此
不如做個咸饀喇

 家裏有乜、就拿來用
難道一日要去買這買那咩
都冇咁好氣呀！

 香噴噴出爐
連隊2個

咸饀係" 襟" 食啲
沒有甜膩感
愛吃

 唔係點會一食再食吖‥
甜饀這個嗎！﹖
要睇睇日後會唔會再做喇

Cheese Naan~

唔駛作第二次發酵的
已想做好耐

 放上芝士作饀
只要你鐘意
什麼也何‥

 是是但但
攪吓花款囉

 放上煎鍋
將兩面略略烘烘

 

快手攪掂
食得喇
溶了的芝士
很好吃

下次拿來點咖哩
仲正啊！
印度烤餅
我哋 like ) ) )

馬卡龍芝士包包~

每次睇食譜書都被它吸引
因要買這買那
才咁遲實行

屋企冇芝士
跟原創又唔想改這改那
惟有去買杏仁粉同芝士
因冇做馬龍好耐
家裏已沒有這些提供了(笑)

冇喺烘焙店買芝士
雖知比超市平
但‥用唔到咪一樣係嘥
已試了好幾次喇
相當浪費

 內餡係用芝士、蛋、牛奶、糖、低粉等材料做成
有點像吉士
做這個包包都幾折騰人囉‥

好多嘢攪 (笑)

 

芝士內餡又軟又滑又香
可惜我對此油麻地囉
很怕吃這些
一 pat 咁
問老公佢話好食喎
所以‥冇得講架
個人口味唔同

其實係好吃的
只係唔愛這甜饀啫
一句講晒
不如講自己真不愛甜膩感吧！) ) ) ) )


點解包包有空洞
睇一本書有講原因
係饀料中的水份蒸發做成的
明白了‥
又學識一樣嘢喇
真係學海無涯

屋企書本好多
只顧買
看就一時時囉
真係要努力喇！

 發酵好
又要搽一層馬卡龍麵糊在上
乾透了
才入爐啊
幾鬼煩架‥

 成品不美囉
不是我所想啊‥
裂紋不太多
不喜 ) ) )

下次再做
唔會做饀了
起碼唔駛咁鬼多功夫吖
一於咁話

又一食肥人の包包 (笑)