釡山賞楓の旅@day 4

Day 3 落足一日雨
但又好奇
我倆又沒有諗明天會唔會又係咁呢
諗都冇去諗
day 4 出奇地好天(笑)
gooooooooooood day~

  喺酒店附近吃早餐
嗰度又有都幾多食店
唔驚冇嘢吃啊！

 再嚟喝湯
這個是牛尾湯

 牛尾不是太多件
煲得很腍尚算入味
不過始終都係淡味啲囉
成百元一個湯都幾貴吓喎

 牛骨湯
我覺似牛肉片
又唔見有骨
內裏有麵條的
有飯又有麵
冇可能吃得下
這個比上面較為平些

 吃畢早餐
又要繼續今天很忙的行程

 去呢度做乜
拜神~非也
這個行程最、最、最想係去睇紅葉囉
知道這裏看紅葉很靚的
加上 agent 都叫我一定要去走走啊！

 好易去架
落車後、兩旁車站出口也可
沿斜路行上去

 還要再搭巴士架
你睇當地男男、女女全副武裝的
行山呀 ) ) )

 唔駛怕唔識落車呀
如冇記錯，好似係總站嚟
全車落晒喇

 沿這路行便是了

 冇架‥
我哋都係見多人行便跟架咋
實冇錯的
錯‥都係自己攞嚟啫(笑)

 一路行見有些人行咗第二處
我哋又好似神推鬼擁的

 又行啱喎
唔怕架
去到就會掂架喇

 哼‥
仲唔係

 見有路就行便對了

 現場所見兩旁好怪架
地上凹凹的
鞋子都充滿泥濘

 穿過上面又到呢處喇
好似毎個廟宇差唔多一樣

 終於比我看見第一棵紅葉

 美、美‥

 另一處看見很多善男信女在此叩拜
不知當天喺佢哋乜嘢大日子嚟呢
好神心呀

 再行過別處
看看有沒有紅葉

 靚呀！

 通地都是

 不過沒有拿走

 可惜不是紅葉處處
偶遇一至兩棵
唉！真係超失望

 整個山頭
不是染紅、已知不妙
佢哋預測都話在十月尾至十一月頭的
點解‥都唔係既
我哋去的日子係全對的

一場咁遠走到嚟
竟然間賞不到紅葉
還有什麼寄望呢！
惟有打道回府喇‥
再作第二個行程吧！

 搭回巴士去地鐵站
沿路而行
見到這間不起眼的店舖
阿珠媽見我們舉機
都識自動自覺埋位做這做那
給我們影過夠
唔該晒呀！

 這個我好愛吃
喺香港不時買來吃
不過好貴
呢度吃超平啊！

 應該冇這個湯的
可能見我喺遊客就舀給我們吧‥
不過都唔知乜味嚟
試了一啖已冇再喝囉
新鮮現做的寿司
好吃吖‥

離開梵魚寺
到呢度

逛街街囉

冇乜啱逛架
呢啲咁既屋台
釡山多的是

肚餓

吃什麼
春川雞(辣雞)
唔知乜湯嚟
凍的兼怪怪味道

二人份
喺首爾吃過
好好吃的

炒埋得咁少
惟有加飯吃

一早 order 加飯
同最尾加又唔同做法
見店員又要加了一 pat 辣醬同炒
味道 ok 架
不過又沒有之前喺首爾吃咁好味囉

通街都可見的連鎖店
不須刻意找尋
吃完成身燒烤味
記住在柜枱拿枝嘢噴一下才離開啊！

又轉場喇
冇去東萊嗰邊
老公話冇嘢睇喎

見時間多
同我去呢處走走

天橋有好多小販擺賣
唔奇吖

喺地鐵內同車廂
都有喇

啲衫古老到

冇乜嘢好逛同睇
好似大陸 feel

必會去既地方
今日既行程
咁多天嚟講係最充實了(笑)

諗住睇吓廣安大橋
又咁啱撞正花火大會
老公唔想逗留
想離開
我話既然一場嚟到
咪睇埋至走囉
當時大家意見分岐架
兼面左左添！
爭咗未嗌交咋(笑)

未入夜已多人到不得了
點解佢唔想喺度
原因咪怕多人難離開囉

海灘不能入
冇得漫步沙灘
失望架

既來之、則安之

整條海灘路
人群絡繹不絕

還有路可供人行
一陣就‥塞滿了

鋪上了地墊
全部好合作的坐下
不會隨便企身的

秩序井然
唔到你唔服架

 

在 starbucks 門外
竟然有人連梳化都帶埋出嚟座
怪哉！奇景
C 服

坐在我們前面的大叔
他不是坐在地上
係坐在鞋面
哈‥對鞋咪扁晒lu




有人一路開餐又或是打情駡悄亦有
各式其適
盡入眼簾‥

煙花未放
已看了很多

我倆席地呆坐兩個多鐘
換轉在港
根本冇可能發生
今次亦是免為其難的
入鄉隨俗吧！(笑)

八時正

其實我唔係睇煙花
係睇人家用什麼相機咋
大多用手機
人哋的手機又唔錯
咁‥緊係唔鬼拎個大牛龜喇

煙花都係差唔多
我哋又唔係很愛看
只是有咁啱得咁啱啫

差唔多接近尾聲
我兩已開始揾路走喇
好彩離開現場不是太困難
好快已找到出口了

見外面還有很多人離遠觀看
相當捧場
不得不讚佢哋同日本一樣
秩序井然
冇得頂) ) )

好彩早走
喺地鐵站已好緊張喇
工作人員已安排如何乘搭
早早鬆人係明智的

返回釡山站
隨意在附近揾間嘢食算啦
燒烤
不過不是炭燒啊

食物超難吃

只吃了少少便埋單走人
都冇心機影相了

 

有枱大陸人很吵耳
超討厭

一個價錢任食
有熟同生
可惜唔好食囉

唉！
又嘥料


day 4 當天想看紅葉又沒有太多
已超失望
晚上去看廣安大橋
又遇上放煙花
不能步入沙灘
細心觀看大橋‥唉
失望還失望
都給我們遇上花火
都叫做有失但又有得
算囉！(笑)

好不容易才寫到 day 4
雖然睇住啲相一路係咁寫
真係冇呃你
腦海已遺忘了很多片段
又加上自己冇寫筆記
始終都大半年有多
同老公講
好鬼難寫呀
佢話一係一早要寫
現在攤到凍晒才寫‥緊難喇
佢話咪鬼寫囉
但‥自已又想完成去
唔想‥半途而癈
盡力而為喇‥
在還有些少回憶
到第時睇番都有啲印象囉
原來寫個認真遊記真的不易架(笑)