寫咗個超長嘅 day 1 後
day 2 咪攪喇
相就真係好多、好多喇‥
寫‥就唔想寫咁多
最衰齋睇相冇文字又唔得
冇咁傳神吖麻‥
影吓酒店外貌喇
真係睇官網相差好遠架
酒店翻身，當堂靚仔好多
入口右邊係一間咖啡店
側面有一塊好大的落地玻璃
如果 view 好就唔錯嘅
左面便是酒店大堂
好似唔覺酒店存在咁
屈埋喺側邊
有乜理由 coffee shop 個名仲大個間酒店
畸形
所以咪揾屎人囉) ) )
樓高約九至十層左右
有好多老外同黑人背包客入住
當地人也有
同層住的唔覺有黑人同老外
只見有些日本人同當地人
唔記得三定四樓係桑拿室
可惜只招待男仕
應該不是黃色的
(我諗咋)位置唔錯
住‥如唔奄尖
絕對還可以的(笑)
酒店唔包早餐
啱我哋呢啲唔願早起的旅人
去邊) ) )
機張食蟹囉
去得釡山
冇奶油唔去呢處吃過夠啩
搭地鐵到釡田站
再轉乘火車
落車沿路行冇幾耐看見此站
便是了
買過飛等夠鐘
嘩！架車咁鬼舊
仲好污糟添
冇人清潔架咩
同日本比差好遠啊！
好在內壟乾淨
上車後開餐喇
在駅前買的
餃子多油、凍的
不好吃
寿司一般喇
到喇
唔駛驚唔識落車
因佢廣播出嚟好似講普通話咁(笑)
有做功課一定識
不過‥我冇做都識
喺鐵路影咗一輪相
向左邊
見有路就行喇
這個係機張站崗
回程售票亦在此了
嗰度有隻貓咪
非常痴人
日本有隻、釡山都有隻吖
只係佢唔出名啫‥(笑)
韓國人好似不愛竉物的
食狗肉添‥no 喇 stop 喇
咁唔文明架 ) ) )
穿過機張站崗
一路沿斜路往前行
好易架咋
見有間千won 店便差唔多了
跟住會見到好多小販
一直沿路都有啊！
乜嘢衫嚟架﹖！
聞到好大陣海水魚腥味
見入口便是了
裏面大多賣海鮮
生猛的
真很少見
有啲都未見過係乜東東嚟
我諗呢度就係佢哋買餸嘅地方
唔知點解小販大多全是清一色女仕
唔多覺有男的
喺韓國做女人係咪好辛苦嘅呢﹖！
摯敬啊！
再行入啲就係大間舖頭
食蟹在此了
其實我哋都一早預咗食邊間
只是由頭行到落尾
四維睇睇啫
每經一間店舖
店員都不斷揮手
同你講日文或是國語
(唔駛驚佢啲唔係當你係陸客，應該還未攻陷) (笑)
講真吖，喺釡山見大陸人多過見港人
尤其南浦
其實我覺間間差唔多
作罷！
揾番要吃嗰間
最好笑佢哋隊個肥仔店員出嚟
驚死人唔認出佢咁‥
因有好多旅遊書推介此店
都揾他作生招牌之故
他們一開口又講日文
傾了幾句
同佢講我哋不是日本人
跟住佢哋就以為我哋係台灣人
我哋話係香港人呀
好似覺得好奇怪咁‥
我知有好多日本人、台灣人嚟幫襯
但‥冇奶油冇香港人架
咁當然冇佢哋咁多) ) )
學人講吓價、還吓價
好快攪掂
之前睇網友講好平
雖然沒有佢哋所講之價
但‥我哋還是覺得超平、超抵吃的
店員帶我們上樓
放心、不是劏你(笑)
揀佢嘅原因貪佢有個室
靜局局吃，都不知幾咁爽呀
韓國真係好多要坐 tatami
好彩我學了年多 yoga
金剛坐對我嚟講還能應付
但‥太耐都痺架
老公慘啲‥
房間望出去就係咁樣喇
冇乜嘢睇架
食嘢喇
睇乜鬼嘢啫(笑)
坐低冇耐已放滿一桌了
好多款前菜啊
有啲好吃、有啲麻麻
九菜煎餅好吃，唔駛去東萊吃囉，咁鬼貴
聽番口碑一般咋
又可慳番囉
另外這個魷魚辣到飛起
吃不到了
食到咁上下
主角出場喇‥
大嬸好識做
見我倆揸機，都由我們影餐飽
都見慣見熟喇
才開始佢餘下的工作
日做夜做、熟能生巧
手起剪落(同我一樣較愛用這)
三兩下手勢
已將它攪掂了
叻叻
剪完好似好少咁‥
急不及待了
唔客氣喇
啖啖肉、超鮮甜
好很好食‥
睇見口水長流、又想走去吃過呀
有冇同感呢﹖！
老公最近都介紹同事去呢間吃
回來都話正斗、好食
yeah
超多蟹羔、超高膽固醇(好彩我哋冇)
這個不能吃 ) ) ) 住
留待作炒飯之用啊！
不過諗番起一路吃一路郁身郁勢
又坐又企(腳痺呀)
真想笑出來
好彩有個室咋
比人見到好失禮
第一 round 完
第二 round 又嚟
又係有少少後菜 (有頭就有尾) (笑)
個豆腐大醬湯愈飲愈辣
咪睇佢唔見紅
原來超辣的
攪唔掂
一頭汗、不喝了
辣到痴肺
都唔明放低咪算囉
駛鬼你同我分配咩！
係都要畀個大我老公喎
畀我唔得嘅
喺首爾同濟洲都曾遇上
始終都係男尊女卑呀‥呢個國家
喺日本又係咁
特別係喺温泉酒店一泊兩食
會感覺強烈的
細就畀我
唔公平囉‥
我哋覺得好 lup 口同唔夠味
可以咸番啲啲囉
冇想像中咁好吃喎
咪睇錯呀
唔係四千won 呀，老花喇你‥
邊可能吖
(肥媽幫你買都冇可能喇) (笑)
約五嚿水喇‥
真係超平、超抵吃囉
我唔理佢係咪貴咗喇‥
總之都係平架
喺西貢或鯉魚門吃都冇咁平喇‥如有
一個字 "正"
釡山再嚟的話
機張實冇走雞的
好易揾
第一間就是了
拜拜喇‥後會有期
日本人就方便喇
尤其喺九洲
搭船就可到了
好似我哋過大海咁方便
我寧願去呢度好過喇
作個短線遊
三日二夜
吃完蟹、人蔘雞湯等
再去免稅店買護膚品喇
這個行程係咪好過你過大海呢(笑)
再沿路走出市場
再四維八吓囉
這個乜東東呢﹖﹖！
香港都見有此魚啊
牙帶魚‥
盲鰻
唔敢吃、好似好殘忍咁‥
走喇‥不過唔係搭巴士走喎
沿路行番去火車站
當然又喺附近逛逛先喇
不過係冇乜嘢好逛囉(笑)
真係好鬼大個架
睇相唔覺
成個 BB 仔頭咁大
千 won 店都殺(笑)
雖然唔係好多嘢睇
老公話這個買給我整泡菜喎
真冇你咁好氣呀
出外買現成‥好過喇
又番返去車站喇
時間唔啱
要等差唔多成個鐘
一係買貴個隻
好快有車
價錢差咁遠‥咪喇
又唔係趕
而且都冇人買吖
買番平嗰種票
還未夠鐘在內坐吓先
差唔多夠鐘咪行入去月台
路軌可落去影相
當然要冇車才可喇
執生囉
雖然冇人理
等咗好耐冇車呀
廣播話會延遲
咁‥駛唔駛學陸客喊咁口，要求賠償呢﹖！
shit~shit~
車未到
四維影吓相
附近啲屋都幾似公屋架
全部以冧巴作座數
係咪咁意思呢﹖！
遲了約半個鐘
火車終出現喇‥
呢架好樣個嚟時嗰架
乾淨好多
拜拜機張
後會有期啊！
沿火車途中
有啲地方近海
環境唔錯
影番張相先
########################
點解唔搭巴士
因想逛吓釡田市場
街市外圍已有好多這個了
蒜頭亦是
好大 ) ) 大) ) 個南瓜啊！
點解咁鬼大架
呢度乜嘢都大個人
有冇打針呢﹖
我超 like 吃
青瓜是嗎﹖！
呢啲都有﹖！
入市場內喇
大多賣濕貨多
推車周圍叫賣亦有
逛時要小心
裏面都還有一些乾貨檔
都係有賣辣椒等
還有好多家品店
形式都幾似香港的
街市逛完
濕濕漉漉的
最怕行
為咗睇吓當地嘢
冇所謂喇
反正喺濟洲都有逛
離開釡田街市
逛咗附近一間超市
有啲似大陸 feel
唔啱行
走喇‥
都去咗大半日有多囉
喺機張同釡田市場
搭番地鐵回酒店了
攰喇‥
放低啲戰利品
梳洗吓都要
最好就可以攤吓嗎(笑)
********************************
晚上吃乜
講過喺釡山冇乜預早安排
惟有隨緣吧！
時間只係晚上六時左右咋
唔想太多人啊
咪早啲吃囉
入席時
計埋我們得三枱客
一路吃已愈嚟愈多人喇
要等位
原來佢哋都好早吃的
好彩了‥
必喝的
不是我啊！
燒烤(炭燒的)
唔錯吖
喺香港吃、我講係正宗嗰隻
就算冇乜裝修似平民格局的都唔平
尖咀韓國街已是了
唔知係咪湯嚟呢
淡而無味
好在得咁少
咦！係咪燒烤熱氣
所以愛嚟清熱的，是嗎﹖！
係啩
這個正
除咗第一次店員畀之外
還可以任攞的
超正呀！
呢啲菜唔平架
齋吃都飽
食多啲菜喇，去旅行好似冇乜菜吃咁‥
這間店幾好
唔駛乜都要二人前
一份也可
韓國大多要吖麻
這個豚肉好鬼好食
經燒過一會才奉上的
讓油份滲出更加香噴噴
原來每枱都必叫這個的
咁‥我哋都叻叻
雜菇
有益呀
不過‥燒烤冇益嗎
打和囉‥
非常好味的腸腸
都係豚肉
但冇以上嗰個好吃
真係巧巧吃
好想再去吃過
又平又好食喎‥
難得
座無虛席了
佢哋好鬼食得辣同愛飲
整條辣椒連生菜包住肉一起的
好辣吓架
還有生蒜頭亦係他們至愛
我試途放粒生蒜連菜同吃‥
一次好喇
咪攪
其實吃生蒜好有益的
奈何吖！
此店真係正
誠意推介(笑)
***************************
食飽飽必有餘興
逛我倆至愛的一間超市
每晚必留腳毛之地(笑)
幾大間吓架
不過好鬼隠敞
喺我哋四維逛才遇上的
乜都大個人嘅
像工業用的一樣
不過呢啲係咪佢哋每日
一定要用的調味呢
愛整包包的我
當然留意吓啲粉粉喇
啡黃袋香港應該冇
佢哋好似冇乜第二隻品牌
唔同日本鬼屎咁多種可選囉
好嘅‥唔駛多心麻
都唔算貴喇 1 kg 喎‥
啊！大包抵好多呀‥
走粉！咪玩喇
未被人剷過咩 ) ) )
點拎呀！﹖
每晚都會喺超市放低幾両、才可以離開的
咖啡、香蕉奶香港有售
在尖咀韓國街超市
不過好貴
最近吉X島有售，唔駛廿蚊有三包200ml ，算平喇
這個價錢時有浮動‥
好飲與否，見仁見智
我略縑太甜
每晚兩條友都會敷個mask 才睡
這個喺 Olive Young 買嚟試試的
唔錯喎
都要十幾蚊一張
都唔平囉
香港萬X亦有此品牌
這隻未去釡山前未見有
回來好似見有，是嗎！﹖
萬X有時做特價約$4x 三片仲平過韓國架
好嘢！又寫完 day 2
又話唔寫咁多字
都好似唔少
我係咁架喇‥
不過‥真係打到好Q 攰呀
相都有八十多張
講完‥叮
