とん勝~

 

要快啲寫喇
積存實在太多
攪到我個旅遊網誌還未開工
雖然冇人睇
睇唔睇都話知你
又唔係要同你交代 (笑)
但‥我愛嚟留為紀念的
yblog 已唔見了我好幾篇喇
你知唔知人家寫得有幾辛苦吖‥(泣)

呢間日本菜食咗冇幾耐啫
還好新鮮啊
除了吃魚生外還有炸物同火鍋的

十一點已開門營業
好早喎
十二點鬆啲去到
當天得我倆咋

這個是日替午餐
有豚汁、茶碗蒸、漬物
個豚汁好好味，非一般麵豉湯可媲
蒸蛋又係又滑又入味
食晒所有嘢，最後吃它還是那麼好味
正！

日替既丼飯每樣有啲啲
哦！雖然平些同切粒粒狀
但‥同樣新鮮

這個是我的三色丼
哈‥哈‥哈
(老友話我恰老公喎)
你睇幾新鮮‥

日替有的茶碗蒸同豚汁
這個都有架
嗱‥唔駛我多講
有幾咁好食
自己去試吓咪知囉
睇番都流晒口水
又 plan 定去食第二次喇
唉！唔該靈靈性性
唔好乜‥乜‥乜呀！(笑)

海鮮站~

 

今次第三次食
前兩次都選在午飯後時段去的
而今次在晚上了
晏晝食同晚上吃的分別
除了貴少少外就係坐得迫

好多人話佢好吃
我只覺一般
個汁成日整到好酸

唔夠入味
好鬼失望囉

 

這個都係
味道完全冇囉
做乜失晒水準呀‥
跌晒 watt

唯一呢個
係最、最、最好味的
食極都唔厭
好喇！
又一間給我刪除
佢好彩))) 通常我食第二次就判佢死刑‥(笑)

二食‥台灣一品花雕雞~

 

自己成日都話唔可再食第二次架喇
好吃的留下回憶算‥
上次見吃完佷好吃
見它又再做圑購
又買下了
這個是在新年前買落的
今日又見它在雅虎有啊！
佢都好積極喎
不斷咁做圑購‥
鬼咩！個價位咁高
唔係太多人食囉)))))
圑購價都尚可接受

 

過完年去吃的
不過係超失望架
同第一次吃係完全兩回事

 

涼茶兩杯

今次前菜有三樣
冇得選擇
蜜汁冰芋，麻麻啫
還是以下兩個啱胃口

一品松板豬
都仲係好味‥

我最愛這個
同老公爭吃呀
平時佢會讓給我的
今次唔駛方
酸酸甜甜、確是好味兼醒胃

主角嚟喇
今次同樣選擇小辣
但‥比上次辣了很多喎
唔知點解都同上次一樣咁講法
一般好食
前菜仲好吃個主角
幾鬼諷刺

又係吃至七七八八
有人會幫你煮
但‥今次完全唔同你交代解釋喎
好似當你係熟客咁
R 頭、唔係咁懶呀‥
上次個女侍應很細心講解的
今次遇著個穿西裝疑似經理的中年人
他的服務認真超差
簡直係零交流
他好像啞的一樣
唔係叫你賣笑
做服務性行業應該知唔可咁架喇
真係唔好大教壞細
佢懶到將碟粿條掉落鑊就算

由得佢喺度浮吓浮吓
上次個女侍應係不斷咁兜來兜去的
炒到沒有汁為止
所以好入味
而這個男的超懶
只行行企企
得閒就行嚟郁郁佢
不知所謂

味道簡直同上次係兩回事
上次真係好入味架
今次係有囉
咪得個 " 辣" 字

食完以上兩食後
又係火鍋時間
今次多咗元貝囉

其他一樣

 

上次唔好食
今次一樣

肥牛

 

因湯底冇味道
啲米粉同肥牛好似白烚咁
好難食

菜亦唔例外
你估減肥咩！

點解唔好食
咪個湯淡而冇味囉
擺乜入去都冇用喇
幾難先啃晒啲食物呀
味同嚼蠟
絕對唔會再有第三次了
剛同老公講佢又做圑購喇
老公話見到都驚呀！！(笑)

Tiger Bread~

鐘意做包多過做甜點
包包對我嚟講真係每日一個
實冇走雞‥
加上沒有蛋糕、餅乾那麼唔健康
所以還是愛做包多

包可選擇些健康種類嚟做
可長食長做
糕點又怎何呢！﹖
除非你想變肥婆啫
這個包有冇感覺似曾相識
樣貎係咪有啲似菠蘿包呢﹖

它的名字叫荷蘭麵包又叫虎皮麵包
因外貎似老虎皮而得名
外脆內軟、好食架
唔加饀仲健康
今日喺 Panash 買了個吃
都唔係太好吃的
尤其是裏面啲芝士饀
no good
哈！原來自己做得都唔太差咋(笑)

花花包 de V Day ~

今日情人節冇花收唔係太好
唯有自整喇
唔係點啫
啲花咁鬼貴
畀人掙、不如畀啲錢我好過喇
係咁現實架喇
你估仲拍緊拖咩‥(笑)

可以嗎﹖！

 

用直接法都唔太差
質感尚算軟熟

Happy V Day de Macarons~

完咗過年又到情人節
我自己都注重這日呀‥
外面人又多食又貴
不如喺屋企靜靜局好過喇
wet 就留番畀啲年青人吧！(笑)
情人節快樂！

老公已叫我唔好再做這個
因他唔鐘意吃
又話我嘥錢喎‥
好友都咁話我嘥了很多錢啊！(笑)
唉！本應諗住整啲情人節 Macaron 的
畀老公窒住
唯有縮窒縮窒囉
唔做住喇 (笑)

因最近工作上認識了一位男生
我大過佢就叫佢做小朋友吧！
佢同我講很愛吃
但‥外面買實在太貴喇

唔太捨得花錢買囉
當他知我識做

冇所謂喇
既然相識一場
始終都係一種緣份

做了一大堆
便送了兩位初相識的朋友
好食與否
對我嚟講已唔重要了
送咁多給他
開心到癲呀‥佢 (笑)
幾日後他 whatsapp 話非常好味 (我諗係客氣話咋)
連他的朋友同親人都激烈讚賞
仲send 埋相我睇 (影得好有水準)
佢話好食過佢喺法國嗰啲喎
有冇咁誇呀(汗)
他話外面嗰啲實在太甜
這些剛剛好
多謝晒呀！
有機會再見的話
再送你‥(笑)

 

robert go‥

今天係大年初二
祝大家身體健康、心想事成！

上次係我的第一次
見唔難做
又嚟多個 round lu (笑) (*^.^*)

今次跟了名廚 Ricky Cheung 的食譜
真係零捨不同
易如反掌、零難道、絕不失敗
一點也沒有說錯啊！

味道啱晒我口味
上次我覺太淡
今次超正
未整今次的、已吃了四底喇‥
今次又做了四底( *0*)
共八底囉

又有人送了兩底
共十底糕喇
超恐怖！

Q版肥仔蛇包包~

 

 

還有幾天就過年了
自己唔係好愛咋
只愛聖誕
因好唔鐘意太多傳統禮儀
不過‥我哋已很少喇



見有多餘時間
又玩吓喇
你睇到似乜呢﹖！
好友話不像

 但‥比較年青的一群
佢哋已衝口而出
講中我所想‥
我諗真係要童心未泯才可知係乜東東囉(笑)
嗱！仲想認細嘅
你明白我講乜架喇(笑)
無論如何
似唔似都好
Just for fun
冇所謂
只係畀自己開心吓啫
有緣入嚟睇到的卜友們
祝大家 "要乜有乜"
"不勞而穫"
啱駛嗎！﹖(笑)
最緊要"身體健康"

肥咗唔抵~

 

我知有好多人鐘意食呢隻
一係話自助餐有任食喎‥好抵
乜乜名牌嚟喎
唔該！唔關我事

這餐唔係唔駛錢
我絕對唔會揀它囉
又甜又唔好味兼又貴
還有‥當天吃亦有很多强國人幫襯
所謂既名牌吖麻‥明白