森寿司~

呢間見雜誌介紹
加上影啲相很靚，便吸引去食(通常我都衰呢樣架)
今次都叫做好彩
食物質數當然唔可同高檔比
論價位算唔錯了。。。

有前菜

兩個定食
應有都有，算係咁喇)))))

其中一個定食有的烏冬
彈牙架

雜錦刺身丼
不是用碗上，有些怪
飯非常少
其實我覺得飯應多番些
會較適合囉
我想一啖飯一嚿刺身嗎﹖﹖
才過口癮喎
初初幾鬼驚嚿海胆有異味，好怕喺香港吃呢家嘢架
冇異味，不過就怪怪落咗麻油囉
唔知係唔係想蓋咗啲腥味呢！
但‥味道又出奇哋夾喎

另一 set 就點了寿司
我只可講每樣尚算唔錯都叫做新鮮
以咁既價錢仲想點挑剔吖

以雪米糍作結尾

那裏鋪仔細細
都幾有日本居酒屋 feel
整餐我倆給它評語係中肯的
食物尚算新鮮好食
服務不過不失喇
唔好要求咁高囉
我成日都講住同一句囉
以咁大眾化價錢
有咁‥唔錯架喇

新斗記

其實都幾多出外吃飯
只係有時唔想影相
所以。。。
呢問喺銅鑼灣已食個兩次
純粹飲茶性質
加上都唔係太好食
所以都沒有選擇再到此吃
另一半話既然攞米芝蓮又唔係喺銅記
哼！一係唔食、要食就要去攞奬嗰間店舖
咁。。。就去咗長樂街呢間喇
當日真係好多人
唔訂位都咪駛旨意有呀))))))

海鮮絕對不便宜

Honey 最愛

出名乳豬
當然要吃喇
皮脆肉嫰
又沒有肥膏
真係正架‥

山炒骨
只覺一般

啫啫生菜煲
打開煲蓋已香到不得了
本應我唔太愛吃蝦醬
都給它俘虜了
大半都係我吃晒
哈哈

豉油王炒麵
呢個真係超失望架
諗住係佢哋招牌
點知超失水準
又油又沒有味
超差))))))

雪耳木瓜糖水
食咗咁多濃味嘢
潤下喉啱晒

整體嚟講都算唔錯喇
會有下次囉

 

Sorriso Italian Cusiine

去完好耐既沖繩
還有那麼多人詢問酒店問題
其實好簡單
登入官網便可一清二楚了
怕麻煩的，可直接找旅行社幫忙啊！ 
再唔明，我都樂意幫忙
如果你哋等得的話
因我唔係成日入嚟架  
其實你哋比我幸福多呀
我去時真係無乜資料架
旅遊書又冇乜，上網又唔多人寫網誌
我都 plan 得好辛苦架
雖然事隔幾年
就算依家睇番自己寫的行程
都唔 out ，仲覺得自己寫得好好添 (笑)
最衰 yahoo 冇咗我幾日吖，好嬲架，寫得好鬼辛苦嗎！﹖
快啲比番我呀))))
睇完有冇感覺到有同我一齊去之感呢)))))
我係唔怕醜架
我都有睇過好多人寫
有啲真係唔比佢笑死、都比佢嚇死‥ (**!)

 

呢排食嘢
多咗跟雜誌介紹揾食
今次都算好彩
大多都 OK

走去食 Brunch

額外 order
要付錢的



半自助午餐
有主菜一個可選

咁多個包包
我唯一最愛係個香草包

呢啲係任吃的
煙三文好鬼屎好味
prama ham 又正
我真係食咗好多呀)))))

 

蠔係現埸即開
不過可惜啲肉實在太細
唔覺有乜肉食囉
新鮮係好新鮮
一啖放落口
食到成口都有蠔縠
麻麻哋囉‥

火箭菜、羅馬生菜、雜菜
非常新鮮

主菜睇你鐘意吃乜
價錢每個唔同

煎三文魚、蟹肉
我嫌三文魚唔夠味，咸少少會更好
至於擺在魚底的蟹肉
一般啫
都唔鮮甜！

燒龍蝦半隻

另一半畀咗呢嚿啖啖肉的蝦蚶我
嘩！又入味又彈牙
新鮮呀！
真係好鬼屎正
攪到我都唔係幾好意思添
食咗人哋最好味最多肉嗰位置 (笑)
咁‥我都畀番半份三文魚個佢
但‥當然唔夠蝦咁好味喇))))
最多下次食過囉

甜品都有好多選擇
拿破崙同黑森林唔好食

cream brûlée 好好好食
唔太甜又軟軟滑滑
裏面有好多雲呢拿籽好香啊
我一共吃了五個 (笑)
唔係好大個架咋！

macaron
就係只得三隻色
裏面只搽了很少少少的朱古力餡
好彩唔太甜
我一共前後拿了八粒
食就食咗五粒
另一半三粒
佢唔鐘意食架(我迫佢) (笑)
雖然我都唔太愛
都還可接受

冇芝士 cake
只有芒果 mousse 芝士
唉！我唔鐘意吃的

最後還有餐茶
算完美的結局
我倆都覺滿意喇！
其實還有炒意粉同當日有的心太軟
冇order 喇，實在太飽了
下次喇！
講比你聽吖
我又 book 咗位再食呀 (笑)
今次同朋友


+++++++++++ Tony Wong+++++++++++

我第一次食
另一半食過兩次了，都係公司請的 (佢話唔太愛吃)
所以我冇份囉
在餅店買完即場吃
個芒果拿破崙都係普通啫
至於個 macaron 都係麻麻咋
一次夠皮喇，又唔係好好食)))))
除非有人請啫

Fromage Double @ LeTAO

有去過北海道都知道 LeTAO 嘅 芝士蛋糕點出名好吃喇
唔去又冇得食，點算呢！
嗱！幾時都話香港好
真係差唔多乜都可買到

 

裏面就係咁
同普通芝士蛋糕無乜分別
只是整個鋪滿了蛋糕碎

內裏有兩種芝士組成
cream cheese & mascarpone cheese
口感不是 New York cheese cake 咁實實的
這個是軟軟，但又不是舒芙蕾啊
夾雜著兩種芝士味
溶在口裏有兩種芝士味交纏著
真是非筆墨可形容呀))))))
加上自己詞窮 (笑) 兼詞不達意 (見諒)
軟軟滑滑，又不帶半點油膩之感
這個才是王道
真係一個人可以 KO 架

未試過，聽人講得多，又想食的
心動不如行動
快快去 Sogo 走一轉吧 (* .^)！