另一半買咗好多洗顏用品
不過可惜係男士專利
真係非常抵
當然佢覺好用才買喇
我話你囤積咁多貨喇 (笑)
佢話呢啲又唔會影響到人
何來問題呢！﹖
2011年3月28日星期一
2011年3月26日星期六
試後感‥
上次喺 mioggi 買完咁多產品後
又比 sales 姐姐氹話做 facial 有特價
試做價 @$480做兩次，好抵喎
咁‥咪買埋囉
(心知不妙架喇，但又中計)
終於試做了第一次，睇價錢係值千多元一個架
(佢係咁寫咋)
不過我覺好兒戲囉
一入到接待室，嗰位阿姐只叫我填了份簡單資料
又沒有 Q&A
最緊要的連有沒有敏感都唔問吓
又冇用儀器 check check 皮膚係點
一啲都唔 pro
只同我講妳有冇化粧呀，我話冇喎，嘩！妳啲皮膚好靚呀
只係缺少水份同 T 位多咗啲油 (我夠知喇)
(我諗而家啲 sales 姐姐，唔同以往，以前好鐘意踩到盡話人啲皮膚點差點醜，現在改用讚) (笑)
揸住本 file 指住話呢個啱我做
裏面有骨膠原同燕窩精華等等，我都唔記得有幾多嘢喇
咪是但囉！
入到房間，更衣後，美容師開始同我做 facial
做面部嗰 part 都唔錯幾舒服
但一做到佢哋話韓國好正的按摩，就麻麻哋喇
肩背位置被她 " 推 " 同 "刮 " 到很痛
還有胸部都按摩埋 (有啲尷尬架)
我覺像推拿，不似按摩，又大力又痛
除面部舒服外，身體方面做唔做都罷囉！
好快兩粒鐘過了
戲肉才開始，又要入一間細少房間同之前接見嗰位大姐傾談
她非常落力的 sell 各項療程
不斷話做完點樣靚、點樣正 (癈話)
叫我幫佢買價值一萬七千多元的 course
如果係你，你會點呢！﹖
我好不容易才推搪離開
當然那位大姐，面容絕不好睇喇
不過我話之你喇‥啋你都有味
我另一半已叫我唔好一開始就得罪人架喇
唔係都唔知點同妳做呀！(笑)
屎喇！仲有一次添架，咁‥點算呢！
做定唔做好呀！﹖
-----------------------
今日逛日式超市，又唔覺傳媒話有人掃日本零食喎
可能早，人都唔多隻
只見有兩個女人，一唱一和，不斷叫同伴買日本米，話好快會冇得賣喎
你估佢有冇買呢！
講就易，呢啲咪口爽荷包 lum 囉 (笑)
唔駛錢咩，幾貴一包呀！
仲有好好笑架
前天新聞訪問啲路人甲乙丙
日本啲菠菜、大根有輻射喎
你哋會點呢
哦！咪食少啲囉
我睇完真係笑咗出嚟呀
頂！咪講大話喇
一包菠菜幾銀你知唔知呀，仲有係一包得三至四棵咋！
唔係睇少你食唔起
呢啲真係唔係比升斗市民食架
就算居港啲日人都未必成日享用喇
除非身在日本
所以就算日本食物有輻射
真係對香港人嚟講冇影響架
又或者大家睇吓好多報紙專欄
曾居日的港人，都有此言論
唔好以為比一百幾拾食日本嘢，就以為全部係 made in Japan 咁天真得架！
2011年3月24日星期四
不是贊助)))
逛親街，都冇乜好嘢架喇
咪又係嘥錢囉！
唔買多總會買少 (笑)
想試好耐喇
見呢排佢又再次做推廣
終的起心肝買嚟一試
嗱！我唔係有代理贊助呀
係自己拎錢出嚟買嗰隻
大大方方，唔駛 hard sell
毋須避重就輕，可講真心話‥
買咗一支試吓好唔好啫
點知結果會變成這樣
屋企還有好多產品未用架
我諗呢啲都要放一排囉
唔講咁多喇，講番點好用先
自己係混合性皮膚
T 字位非常多油，夏天尤甚
用佢時剛剛呢幾天都算熱架‥
搽了一至兩天，用手觸摸都感覺到沒有油份
連面油紙都慳番
都覺奇架喇，冇奶油吖
(不嬲搽了護膚品冇耐，鼻哥已開始泛油架喇)
唔止可控油同收細了毛孔
皮膚亦顯著光澤不少
(希望遲啲會再有新發現) (笑)
所以襯佢還有特價咪買定多幾支囉 )))
---------------------------
以下是朋友送的
包裝簡約
啱我心水‥
每件小小
試過才買，又真係幾好喎
朋友話唔錯
可惜我還未用呢！
真係揾日要執吓嘢至得
唔係過期就嘥料喇‥
大椰檳
麵包嚟講
呢個算係我最情有獨鐘
已做過好幾次了
懶呀，唔想分割幾個
咪做了兩個大的 (笑)
自己都畀自己唔合格呀
因賣相唔靚仔囉
不過食就一流喇 )))
鬆鬆軟軟
焗時已聞到陣陣椰香
加重料喇 (笑)
有大把椰蓉
外面買的，只得少少
往往食晒椰蓉，就淨番個齋包唔要喇
幾嘥！
而家唔同喇
食到尾還有大把貨呀‥(笑)
2011年3月22日星期二
日本加油~
日本發生今次的天災
地震、仲加埋海嘯還嫌未夠慘
還有輻射
全部接二連三的降臨
真係唔知可以講啲乜喇‥
除咗捐錢外
惟有送上以下的祝福
日本加油 ~
*********
還依稀記得在零七年到過仙台
那裏環境令人一見愛上
我諗現在已面目全非了‥
" 松島" 變成如何呢！﹖
日本三景之一
在船上餵海鷗
到現在還印象難忘
那裏一帶景色怡人
我諗經過今次海嘯的洗禮
唔知會變成怎樣！
不過都毋須太己人憂天
風景都是天然形成的
可能會變得更美！
反觀要擔心的
是在附近經營生意的叔叔、嬏嬏
都唔知點呢﹖！
希望他們吉人天相
還有這個動物園
裏面的所有動物又如何﹖！
去咗邊呢﹖﹖﹖
天曉！！！(泣)
2011年3月17日星期四
牛奶麵包
無喇喇又一窩蜂走去買、炒塩
唉！
(捐咗去好過喇)
主場日本都未乱))))
香港人已自乱陣腳
人云亦云
實是可悲！
唔該個腦唔好坐喺個 pat pat 到喇~
上次講過對做包包較有興趣
加上每日都會吃
更加令我欲罷不能
最衰係用很多時間才可做到
冇時間的話，根本不能
唔好比個樣呃到啊！
這個不是硬包包
又真係幾似硬豬仔 (笑)
除麵粉外，整個包主要用了牛奶和煉奶
入爐前在包面洒上高粉和劃一刀
搣開兩邊影相時
包包都給我壓扁了 (笑)
可知幾咁鬆軟
毋須搽嘢，一樣可口
2011年3月16日星期三
自家烏冬
好似好耐冇寫外食
(唔係好似，真係好鬼耐囉)
又唔係冇出外吃，只係冇乜興趣影喇
今次和好友飯敍
又順吓朋友意
影低擺吓 (笑)
呢間早前食過一次，在它還未有咁多分店時
除咗呢個係午餐外，全部散叫
order 完冇耐，已遞上這碗烏冬
心知不妙，咁鬼快
果然整碗烏冬係微暖的
餐牌寫個名好好聽架，唔知乜乜豚肉喎，點解會變做豬頸肉嘅
實在係格格不入
除烏冬彈牙外，一無是處
天婦羅飯
呢個同上面嗰個係一 set 的迷你午餐
都算抵食架喇
天婦羅夠熱夠脆 (癈話)
份量唔少
同有三隻熱辣辣餃子
好味~~
野菜天婦羅烏冬
朋友吃素
所以呢個啱晒佢囉
不得不讚烏冬真的非常彈牙煙韌
唔駛講都知係乜東東
朋友話好味喎
豬扒新鮮夠熱夠脆
南瓜汁雜菌六白黑豚烏冬
個名鬼咁長，以我的記憶係咁上下喇
如有錯，話我知囉~~ (笑)
我覺呢個認真油麻地
味道一般，撈埋一齊吃
好似好怪咁 ，真係唔識形容 (笑)
豚肉同一般廋肉無疑
不過又完全唔嚡口，只覺沒有味啫~~
呢個又係南瓜汁唔記得乜乜肉囉
我冇試食
所以冇得比意見
朋友話 ok
最緊要係食嗰個話得喇
旁觀者不得依牙鬆鋼
六白黑豚石鍋飯
這個雖不是我的
因為食又好香，都舀了少少試
味道還可以，不過唔夠醬汁
唔知係咪石鍋關係
係最遲嚟的一個
加了兩個小食
醬燒茄子
沒有什麼特別
新鮮熱辣便算了
依家食嘢好似好求其咁
冇法，因人已化喇‥ (笑)
餃子裏面有雞軟骨同豚肉
味道唔錯
我認為幾好食架
一碟五隻
這間話佢好又唔算，差又未至於
不過不失，價錢中等
朋友話柴灣嗰間係好難食的
前幾日我食過一間 " 甘味 "，這間嘢簡直嚇人
可惜沒有影相
難食到不得了，豚肉、羊肉又嚡又冇味
所謂的讚岐烏冬
簡直不知所謂，又腍又唔彈~彈~~
同 cheap cheap 烏冬冇乜分別 !!!!!
日本發生咁大單天災
個心真係好唔舒服
自己同日本感情深厚
好彩家人、朋友在日平安！
在這送上祝福~~~
努力、加油
2011年3月11日星期五
日式炒烏冬
一個人大多唔會煮
見成日外食啲冇乜益快餐
(食好嘢又唔同喎) (笑)
一於整番個超簡単嘅‥
雪柜有乜就放乜
冰箱長期有的急凍烏冬和蝦
咁‥就加啲菠菜、冬菇、長蔥
(夠營養有益喇啩)
都唔算叫炒嘅，一半一半咁‥ (笑)
蝦炒至八成熟，盛起
就加入烏冬、つゆ & 水同煮
煮至烏冬吸收汁液同變軟
便可加餘下材料再煮一會
上碟後
洒上七味同吃，美味しい~~
快、靚、正
めんつゆで味付けなので簡単です!!!!!
2011年3月9日星期三
湯種黑芝麻麥包
玩烘焙呢家嘢
(竟然間用 " 玩 " ，怕唔怕醜架，烘焙玩妳就真‥) (笑)
都係呢兩年嘅樹
首年完全一知半解，加上又唔係成日做
人玩我玩
絕無深究、求求其其
又沒有出外拜師學藝喎
整到便算 (笑)，仲想點‥
唔好誤會，我唔係講而家好叻
咪‥還是初哥一名
現在會識睇睇食譜係點，唔會揸上手就去馬
(真係有啲唔 work 架，哦！唔好得罪人，惟有怪自己水皮囉) (笑)
ok！成功收貨喇
做麵包都係舊年年尾才開始
做極都係吐司多
絕少會造形
pat pat 痕咪玩吓囉
屋企包黑芝麻又就嚟到期
(日本嗰啲好快)
冇奶油掉咗去咁嘥吖
係呀‥仲有麥粉又係將會到期嗰隻
已掉了包裸麥粉了 (泣)
(有冇韭菜呀，乜‥咁多嘢到期架) (笑)
好在另一半唔睇無聊八婆 blog 啫，唔係實比佢囉唆 lu (笑)
想唔努力都唔得喇
用了少量麥粉加黑芝麻
味道唔錯
我愛黑芝麻的香氣
兩者同樣健康，又兼且用了很少牛油同糖
唔會太肥吧))))))！(笑)
隔日還相當鬆軟好吃！
我發覺自己對做包包已達熱愛階段
又未至醉心夢死‥
(可能麵包，每日都食啩)
反而對做蛋糕、曲奇就一般
(因好鬼屎肥)
ummm 又唔會唔做嘅，斷自己後路
咁‥傻！！！
2011年3月7日星期一
名古屋風手羽先
自己真係唔太愛煮食
但唔整又未必食到自己所想
哈‥唔好以為我少煮
質疑我煮食都唔方好得去邊
已有多人跌爛好多副眼鏡喇
我尤其愛煮和風料理
兼且都好得添 (笑)
(又認叻喇)
唔係我講喎‥
見上次整咗鬼咁多馬卡龍 (已送晒)
另一半又唔鐘意食
咁‥都要做少少功夫
氹番佢喇 (笑)
(唔係邊有家用呀)
呢個已整咗無數次
不斷嘗試、改良
有進步喇，已啱晒口胃了
唔鐘意用炸的方法
改用了半煎炸的方式(焗亦可)，不須要下太多油，是我煮食的原則
週日共整了十多隻
拿了數隻影相，另一半話之我，已急不及待開動了
(佢唔太鐘意我影相架，話攪到啲食物凍晒，我都覺係，已有好多次冇影 lu )
他愛啤酒加雞亦，話係絕配
簡直頂呱呱喎
味道甜甜哋加上雞肉嫩滑同微辣
他說真有點像 " 鳥良" 的味道 (笑)
好嘢‥竟然間喺屋企都可以食到 (傻傻哋)
見他食到舔舔脷又滿足
(換著係你，係咪會好開心呢)
未吃完，已叫我 encore 了
還不斷追問幾時呢﹖！(笑)
2011年3月4日星期五
中種蒜茸吐司
每次到 Pizza Hut 必點這個
我好鐘意食架
舊年已想做
因見幾嘥時間，又要做中種，自己又冇乜耐性
便明日復明日
所以才擱置到現在
最近天氣風和日麗，又唔凍唔熱
加上又有 mood (笑)
其實係應承咗另一半做的
終於都實現喇
不過我趁他不在家時才整
比佢見到實鬧爆我 (笑)
(因享受唔到新鮮出爐食喎)
影完相已急不及待食了數塊
嘩…好鬼屎好味呀))))))
鬆軟到不得了
真想全部掃清架
但‥又唔可以咁自私
(我做唔出囉)
好快有下次！