南瓜極為愛吃
尤其日本南瓜，我指的係真正 made in Japan
不是那些所謂 " 日式 " 又或是 " 日本種 "
混淆視聽、魚目混珠多的是…
選擇時要提防被騙
煮法千變萬化
除可做甜品、糕點、中西湯外
天婦羅我都喜愛
上次做過 " 黑白芝麻 "
佢係減退黑眼圈的良品
而南瓜有維他命 A，對眼部至為重要
咁…真係要食多啲囉
這個做法簡單非常
愛吃的可以試試啊！
= = = = = = = =
自己什少吃飯
愛吃雜糧多
烏冬係最愛一種
喺日本吃過古柰屋後
對那芳香濃郁的咖哩湯和彈牙、煙韌、柔軟的烏冬
令人念念不忘
自己當然整唔到人家的味道
但試試又何妨！
(當然唔係自己亂嚟同亂做喇)
拌大蔥同吃
另有一番味道
嫌煩的當然出外吃較為妥當 (但都未必好吃)
唔係嘅有現成的售賣
止止咳都好吖！(笑)
我都曾吃過，算唔差架
當然唔可同古柰屋相提並論
如果去開日本不妨喺店舖吃完後，再買湯包回家
以解單思亦可…
這個有齊讚岐烏冬應有的特色
彈牙、煙韌、柔軟
(諗起日本人做烏冬要用腳踩時的模樣，真有點兒嘔心啊！) --p
不過唔好太縱壞自己的味蕾
因真係唔可返轉頭的！！！(笑)
已做了很久
原來還未亮相
以前煮這個大多數會以滷水攪掂
而這個看雜誌出自某名人教煮的食譜
當然試試
我好鐘意食鴨舌，尤其是去台北必買食物之一
雖然係唔同做法
都係愛吃的…
這個話就話煮好後，放在雪柜凍了會更好吃
我都冇咁好氣
一陣間已吃過清光
其實同滷水整法分別不大
味道亦差不多
冇謂咁鬼麻煩囉
雞亦係好多人至愛
我都唔例外
唔理佢點整法，我都 buy 架
最緊要煮得好味喎！
摷摷 cook book
睇睇有乜心水選擇
呢啲係我指定動作嚟 (笑)
冇頭緒，我大多會係咁架喇
我諗好多人都會係咁啩！
跟足書本所教
都叫似模似樣啊！哈哈
美味しい＾＾
日前逛 CD 舖
聚精會神中，忽有異味飄來
原來企在我隔離有位女士
那股難聞的體臭
汗水加上臭味
令我為之一振(笑)
喺夏天呢啲天氣
唔理你有沒有體臭
不論男女，都要注意啊
快快用一些香體露吧！
極愛吃意粉
閒逛超市
買了這個回來
想買好耐喇
只是未能遇上
同普通的沒多大分別
只是貴啲同比較粗身
賣點係有個窿(笑)
雞髀用了韓汁醬醃味
意粉當然係我鐘意的日式整法喇
好味道)))))
原來自己學和風意粉
已學有所成畢業了
可下山喇…
Yeah！！！
日前喺某酒店食 buffet
另一半吃後，離開不久
又痾又嘔，還標晒冷汗
四肢乏力
把我嚇至半屎
惟有在某大型商場徘徊
待他稍為舒服才敢離開
呢啲咪叫貼錢買難受囉！
喺咁熱天時仲食呢啲嘢
係咪黐線架
我諗都有少少喇
自己好怪
每睇完一啲嘢，刺激到我思維 (笑)
(當然係自己鐘意喇)
例如以下
" 泡菜鍋 "
加啲大蔥同芋絲
辣辣哋
相當刺激開胃
最後再加些韓國即食麵
正上正啊！
呢個咪睇完某個韓劇
見男女主角吃住泡菜鍋同麵在談情
又攪到我心思思
心動不如行動
開住冷氣食都沒什麼問題囉))))))
最緊要好食！
係咪…
= = = = = = = =
" 柴魚花生瑤柱豬骨粥 "
咁多款粥
呢個係我至愛
煲完粥還有一大碟燒豬骨伴吃
算唔錯喇
再加埋油炸鬼
你認為點呢！！！
呢輪冇做蛋糕啫
但就做咗好多包包 (方包)
呢個好吖，起碼冇咁鬼肥同健康啲
又毋須加太多糖同牛油，正吖 )))))
反正都要出外買
咁…不如唔好懶自己動手做囉
好似好耐冇整骨骨食
簡簡單單做咗個
" HP 汁醬燒骨 "
酸酸哋啱夏天食
這個係我最愛做的
最怕吃一些乾爭爭像柴皮的燒骨
這個完全沒有啊！
可一做再做
下雨天，身不離遮
某日午飯時間，把遮放下在餐廳設置的地方
飯後，竟不翼而飛
當然給某部份食客順手牽羊
唉！攞咗我把最靚既雨遮 (心痛)
話過以後唔會再買貴遮喇
好心呢啲 " 西人" 喇
自己冇帶就攞人
這個等同偷
曾做過的好好反省啊！
雖然天氣熱
食係人都要喇
惟有開行冷氣，涼過痛快
(冇奶油我個寶貝仔有得嘆，自己冇啩)
" 咖哩撈米 "
炒米好鐘意食
但要落好多油炒，至會靚，好考功夫
加上我又唔係大廚
這個嗎！卻步喇 )))) (我好怕太多油的)
就咁睇都呃得吓人架
" 沙爹撈米 "
乜嘢材料，自己鐘意喇
喺個鑊度加以下的醬料，用筷子撈勻
就成為呢兩碟懶人炒米了
哦！唔係炒係撈至真))))))
每條米粉都咁乾身，唔差得過炒架
好食至重要！
呢兩樽已經食過很多年了
以前家人食開
當然好嘢會給我傳下去的
就算幾叻的大廚，都會有呢啲師傅架
睇吓係邊隻啫！
佢真係點整都咁好食
BBQ 肉類燒好後，點來吃一絕
總之任你發揮無窮創意
想點就點！
