Y Blog 呢排攪乜鬼呀
唔見咗我一啲網誌
揾極都揾唔番啊！
唉…
有時間都會喺屋企整兩味
不可能成日出外吃
和式意粉我較為喜歡
所以學都揀呢啲行先…
另一半成日話，唔好整太多蛋糕、甜品吃了
見我用啲 " 牛油 " 、" 雞蛋 " 之多，就心寒
(唔怕肥、都注意吓自己身體吖…)
正正經經弄啲簡單日常餸菜好過
咁當然係有益既仲好…
OK 喇，我知 lu
" 和風椰菜炒蝦仁蒜味意粉 "
賣相好中式啊！
味道同意粉都非常好味道
意粉應該有的都有 Al dente
煮意粉時比包裝指示短 1~2 min 便可，只加鹽 *毋須加油
加温泉蛋同吃
別具風味
我就非常喜歡這個喇！
連續三年都有出門賞桜
曾話過唔再睇喇，因睇來睇去都係咁
冇乜特別
有得睇時唔會點珍惜
♪ 桜 さくら ~~ さくら ~~ Sakura ~~~
桜花的確很美
今年冇得睇就心掛掛囉
人就係咁架喇
" 鹽漬桜花 "
用流動清水沖走附著桜花的食鹽
再用一碗清水把桜花浸在內，去除咸味 (約浸一個鐘)
(因桜花用過食鹽同梅酢醃製過)
浸透了的桜花係唔係好靚仔呢！
做了一系列桜花甜點品嚐
" 桜花蛋撻 "
整色整水加了桜花在上
當堂靚好多
我都係第一次食 " 桜花蛋撻 " 咋
唔係自己整，唔知邊樹有得吃呢﹖！
" 桜花薑汁撞奶 "
除 " 薑汁疏乎厘 " 外
呢個又係我至愛甜品
用了高鈣低脂奶做的，又唔會太肥
啱晒怕肥的我
絕不有內疚感啊！
又滑又正
反正我每日都要飲奶奶架喇…
" 桜花蛋白鬆餅 "
冇加牛油既蛋白鬆餅
當然失色很多
完全沒有香味
只是普通啫，下次都係咪喇
(又或是食譜問題呢！﹖)
想健康啲都唔得架
唉！好食既嘢始終係唔健康…
" 桜花清酒鬆餅 "
呢個應該冇乜人吃過架喇
加了清酒焗時有陣陣清酒香氣散發出嚟
有桜花又有清酒的確好食
上層脆脆、內裏鬆鬆軟軟
又有少少清酒味
唔錯．．．唔錯
咦！好似未講過桜花究竟係乜味喎
食落有少少咸同少少酸酸的梅味
都 OK 架
曾聽人講過咸到苦，我冇喎
係唔係浸既時間…
喺日本旅遊時
買了些洗頭、護髮用品
今時今日才拿出來用
見效果不錯
又講講吧！
" いち髮 "
成份有黑米、大豆同各類植物精華
自己堆煩腦絲很是麻煩
加上又幼、又長很難打理，頭頂有很多髮絲豎起
很是難看
用盡很多方法，都不能把它撫平
自從用了這個
竟然可把難攪的它弄得貼貼服服
用後很順滑，還有陣陣櫻花香味
的確唔錯！
最愛佢有環保替補裝
這些比買原裝便宜得多啊！
見香港有售都幾貴！
因每天洗頭，所以用得很快
用完只好捱貴貨吧…
喺北海道食過
始終對佢念念不忘
上次喺東京再遇 " 北海道湯咖哩 "
當然…要再嚐
" 雞肉湯咖哩 "
有冇攪錯水汪汪，究竟係唔係唔識整呀！
呢個係【 湯】 嚟架，唔係乜嘢咖哩雞…
我未低 B 成咁，仲還識分別！！！
跟日本仔學整的
都算冇失禮，似模似樣，同喺日本吃的有八成相似
曾試過用新鮮雞，效果一般
今次用了冰鮮雞塊，好好多
簡單易做，初初都害怕 handle 唔到
原來咁鬼易!!!
點食法，可以一啖飯、一啖湯，又或是一啖湯、一啖飯 (笑)
悉隨尊便
豪啲既咪整碗飯倒落個湯度吃囉
完全冇分原裝版本係點架﹖！
成份有日本咖哩粉、味醂、醬油、酒等
味道一流 おいしい～
下次會再試整海鮮
▼
▼
▼
嗱！
呢個就係咖哩雞
我識分兩者係點…
用咗咖哩醬做的 (日式咖哩磚都用過)
又係好好食架！
想試好耐
不過要排隊等位
呢個唔啱我
知道有下午茶兼唔駛排隊
咁啱有時間梗係急不及待試試
" 霸王山莊 "
一間集京川滬杭的食店
啱晒我口胃，至愛吃這些
在下午茶時段吃
份量雖少，但都幾抵食
還可試多幾款！
豆漿唔太甜
但係始終有陣燶味
何解﹖！
" 辣子燜雞湯麵 "
真係好細碗架，份量少得可憐
夾兩、三箸已吃完
" 麵 " 揀了黑金剛
究竟 " 黑金剛 " 係乜嚟呢
唔係機械人 (笑)
我諗應該係薯粉的一種
入口滑滑的又煙韌
有食過酸辣粉的，就係似嗰隻喇
雞燜得都當入味，加上有少少辣
唔錯
" 夫妻肺片 "
咸了點、都幾辣
味道唔錯好吃
"
" 川式炸醬麵 "
涼拌
有肉醬同青瓜絲
配粗麵條同吃，辣辣哋相當醒胃
有青瓜中和，仲唔漏添
" 紅袍爆雞亦尖 "
雞亦尖灑上大量辣椒粉，辣到飛起
食完即時生飛滋
超辣！
不過好好味
" 酸辣湯麵 "
又係我鐘意的粗身麵條
不過自己覺配以上嗰個 " 川式炸醬麵 " 正啲
酸辣湯麻麻
" 霸王小籠包 "
可以秤起 fing fing 吓都得
皮夠薄還盛著一泡濃湯
一啖一個，加醋同吃
正
" 上海粗炒 "
呢個比以上嗰幾個係差咗啲囉
油太多、太肥膩
味道亦一般
" 高力豆沙 "
上枱時係熱騰騰的
有誠意啊！唔會因係茶餐求求其其
唔太甜，個皮就厚咗啲
同個糖霜灑得均勻些，賣相會較為討好
唔係仲正添！
我知好多人很重視自己的 blog 有沒有收視率又或是留言多寡
其實這個不是閣下寫得如何、內容貧乏沒趣有關
總之只要你 " 人際網絡 " 做得好內容只得一個字
甚至空白一片，都會羸盡很多留言的！
其實好簡單，唔好懶，四維回應
你一定好像別人一樣，何須羡慕啊！
所謂一分耕耘、一分收穫
自己很少巡 blog
不過就發現很多可笑的現象
見有很多無謂留言，唔係自己慣常網友，只是路過留下一些九唔搭八的廢話
例如：你的部落格很棒 / 說得真不錯 / 期待你的更新等等
竟然間會有人相信這些美麗謊言
回答：多謝 / thank you ! 這類不知所謂的回應
唔係幼稚成咁、入世未深呀！(笑)
這個見到應立即 delete ，咪當佢係 " 寶 " 至得架，留呢啲垃圾有何用呢！
blog 即係自己屋企，點可容忍有垃圾存在
可惜 Yahoo 加了什麼驗証碼還是徒勞
吃力不討好 ，醫番嘥藥費
還是自己處理好了！
我都不時收到這些九唔搭八留言
唔好以為係一些讚美慌言
見到應立即 delete
只要把這句說話 highlight
下面會多了條 bar
copy & paste 在空白回應欄
便會看見這個
再勾選編輯 HTML源碼
就見到一堆堆色情咸網網址
幾得人驚，原來係隱藏了一些玄機的
剔除勾選
有一行 dot dot dot
快快試吓吧！
記住呢啲對你個 blog 冇 So 架
它進駐了你的網頁，便不時有一堆垃圾存在
記住如可以的，要不時清理門戶
快快向這些說不吧！
自己唔係乜都識整
都要喺書局買 cook book 參考
買的大多都係營養師著作居多，又或是有料之人
才令我有大洒金錢的衝動
唔好以為營養師出的書會冇啖好食
咁既見解就相當膚淺了
自己絕不會隨隨便便喺書局買本書就算
尤其依家好多出版社為了攪噱頭
乜人都會幫佢出書
咁…睇你點揀
(幾拾蚊本書，都要買得有價值架，你估啲錢好易揾咩！)
" Lemon Grass & Ginger Tea 香茅薑茶 "
去泰國旅遊時，可能都飲過香茅茶
香茅唔係只可做雞亦、豬扒之類
拿來煲薑茶亦是一絕
簡簡單單，啱晒我呢類懶人
冷、熱飲悉隨專便
我較為愛喝熱的
那芳香撲鼻的味道，令人想一飲再飲
喝得太多汽水
間唔中飲吓呢個都相當唔錯！
起碼沒有咁高糖份
而且還 " 夠晒薑 " 添 !!!!!
好好味 ~~
唔係冇嘢更新，係冇乜興緻寫網誌
都曾試過封 blog 一輪，又睇吓會幾時…
放假走咗元朗一轉揾食
又揾吓網上食評有乜好介紹
自己幾鐘意食腸粉
覺深水埗既 " 合益泰 " 的腸粉夠滑、好吃
不過醬汁就差咗啲，唔夠惹味
還有在粉嶺的 " 四眼仔腸粉 "
呢間直情唔好食喇，唔明有啲人會話佢得喎…
只可講句夠平同抵食咋，並不是好吃
同好食二字根本拉不上關係
佢啲醬汁又係差勁
" 七十一肥仔腸粉魚蛋 "
間舖名鬼屎咁長，舖仔細細
買完真係企喺街吃架
肥老細教吃腸粉要把所有醬汁撈勻 (大兜亂)才吃
先食到佢既美味
嗰啲醬汁真係多到差唔多浸住全部腸粉
話時話真係幾好食
腸粉又滑、醬料又香、惹味
唔怪得肥老細牙擦擦話佢啲醬汁好貴架，有邊個捨得落咁多比客人吖
叫佢落多啲芝麻，仲喺度話鬼我
你唔駛講，我都識做喇
喺第二度，實比人鬧架
落、落、落…
當然加了豬油又滑、又香
偶然吃吓好喇
始終唔太健康同會肥胖
燒賣唔好食，可以不吃，魚蛋還好些
＊ ＊ ＊ ＊ ＊ ＊ ＊ ＊
食完腸粉，又食吓甜品
雖不是至愛
" 泛后甜品 "
" 燉奶 "
唔夠熱、同滑
齋睇賣相都唔多開胃
" 楊枝金露 "
最愛的一款甜品
不過呢間都係做得麻麻，料又少，芒果唔甜
一般好吃
山長水遠入到元朗，當然唔係齋吃以上喇
遲些再 post 吧！
最近睇某飲食雜誌介紹任食和牛放題
心思思見好耐冇食 (雖食力有限)
湊湊熱鬧又何妨！
選擇邊間亦係頭痛之列
" 和光 " 以前吃過它的鐵板燒覺唔錯 (今次唔揀它了)，留待下次吃它的任食烤肉吧！
其餘嗰幾間睇邊間相片吸引就選它
" 瀨嘢 " 通常由始起
喺 Openrice 看看別人的食評，雖不可盡信，只作參考
好、壞只差一線，又個人口味唔同
OK 一試無妨！就是它了
【作最壞打算、抱一絲期望】幾亞 Q
" 味房居食屋 "
前菜和一些熱盤
不雖 order，可直接選取
熱盤認真麻麻，其他前菜新鮮好味
鐵板燒枱上有四款肉類任擇
選好了由師傅席前鐵板
" 牛肉 "
" 豚肉 "
" 魚柳 "
四款肉類，最好味是 " 牛仔骨 "
必食！
還有它的醬汁調味得相當唔錯
鐵板炒雜菇炒得好香同好味道
炒雜菜麻麻
上面嗰塊係魚蛋片
可唔 order 既各類串燒，因難食到死
尤其嗰串帆立貝腥味很重，" 雜誌 " 仲話最受歡迎，咪玩喇！
" 和牛他他燒手卷 "
賣相睇雜誌影嗰張相差咁鬼遠架
" 乾爭爭 " 都唔好食
(前) " 火炙和牛寿司 "
又係嗰句都唔同書影嗰款嘅，似普通牛肉，呃人…
(中) " 味房和牛卷 " 呢個又幾好食，辣辣哋有啲和牛香
" 刺身 "
不太新鮮，入口冇鮮味
尤其件小型帶子，難食！
天婦羅又係唔得，慳番唔駛 order 喇
漿粉太厚
" 炸生蠔 " 個漿粉厚到都唔想吞落肚
" 和牛時雨煮 "
有幾塊像極牛肉乾的柴皮鋪在生菜之上
都冇粉絲嘅
唔駛多講喇…都知我想講乜囉
" 和牛野菜沙律 "
no la
" 清酒煮蜆 "
得四隻蜆，蜆肉細到好似指甲咁
湯又咸到屎
以上雖可無限 order，但唔好食
任食都冇鬼用
" 北海道牛乳火鍋 "
每枱都有的或可選擇海鮮火鍋
只可一次
又係呃人架
半滴牛奶都冇呀，何來 " 北海道牛乳 "﹖！
冇味冇道點會好食
一次都唔想要…
同 buffet 一樣
水果、甜品、雪糕、飲料任飲任吃
還有湯烏冬、拉麵等
不過我倆冇乜本事再撐落去
以上食物，對我倆嚟講已超越所限
我好佩服嗰啲食不停、不知飽既人架
這間食店位於於酒店內
環境座得非常舒服
枱與枱之間有很濶的矩離
唔會好似雜誌評某幾間日式食店咁
坐到好似搭梗枱…
服務尚算唔錯，order 食物全冇漏單，執走枱上既吉碗碟很快手
今次食麻麻呢餐，又冇一路食一路鬧喎
可能已 " 化 " 哂喇！
又或是係 【作最壞打算、唔敢抱最大期望】會好啲啩！ (預咗)
二百零蚊價位，信用咭又有折扣
想食好既和牛、剌身，諗都唔敢諗啊，人家唔駛掙咩!!!
不過唯一要鬧既，係啲雜誌，同餐廳宣傳所影既相片，係有大大出入架
一碟碟、一碗碗做到靚到不得了
氹入落搭居多！！！
