家中零食唔多
而且少食
因唔太 " 好 " 關係
所以少買…
" Jagabee "
呢隻喺香港都有售
只不過產地係香港
愛食原因
因它似 " 北海道薯條 "
有食過知我講乜
購買困難
唯有以它做 " 愛的替身 " 吧
我覺好味過即炸薯條
尤其難食的麥當當
" 金莎 "
朱古力是我至愛
雖不是每樣喜歡…
但…呢隻我幾 buy
甜都幾甜架︳
不過佢有 nuts，中和咗味道
這個
我畀自己只可一星期吃一粒咋
剛剛吃完囉！
好難頂呀))))))
到喉唔到肺！！！
" 纖維餅 "
每到日本必買
如有特價，會大手掃入 (你估垃圾咩)
個人較愛朱古力、芝士、同藍莓味
最近新出了栗子味
只覺一般！
唔好以為好多
都差唔多給我吃晒 lu
食完咁多零食
要做既運動不可少
每晚跑步係指定動作
唔係實變大肥婆
所以係要付出代價架
唔係著衫點型仔喎．．．
呢輪尖咀多咗幾間大嘢商場
咁啱呢樹又係我地頭
冇奶油咁近城隍廟
唔趁趁熱鬧
K11 唔太好逛，又迫又窄，賣既嘢又…
iSQUARE 比它好啲喇
尤其係食嘢樓層，六樓同七樓
很有日本 feel
置身其中，以為自己身在…(笑)
" Te "
係一間日本速食意粉專門店
話所有食材全部由日本直送
咁啱經過，又比佢張海報吸引住
冇辦法喇，又鬼擝腳囉
自助形式
廚房一眼望晒
畀錢後回座位
食物會有專人拿給你享用
" 茄子煙肉茄汁意粉 "
真係速食架，唔夠五分鐘已上桌
真係有少少似喺東京吃過嗰款
好唔好食
只可以講句唔難食，但…又唔係好食嗰隻
意粉算彈牙
茄子完全唔得，冇味道、樣子又醜怪呀 ))))))))
塊包包放在意粉上，又整腍咗喇，都唔脆
咁…點會好食
一碟意粉索價 $62 加一杯凍奶茶 $10
咁…飲品唔算貴，意粉就貴了少許喇
(其實咪即係喺屋企整咁，烚熟了意粉，加一包即食日式意粉醬撈埋，好易咋喎，但就唔駛咁貴﹖！)
唉！始終都係揾唔番我要嗰種味道同質數．．．
點算！！！
放棄再尋．．．
定還是返回東京再嚐呢﹖！
唔好怪我奄尖呀
我只係對食物有少少要求咋
當你食過好嘅，係唔可以返轉頭架
味蕾給寵壞了
(如果你試過)
冇奶油走去嚐一些自己認為唔好味的食物啩！
係咪！！﹖﹖﹖
喺日本買咗個"美容導出器"
見佢簡簡單單又輕身
細細個啱晒手形
毋需义電，只用兩粒 3A 電芯就可以
雖不環保，但都好過加多過火牛
加上價錢唔太貴，便選了它
希望唔會新屎坑喇
這個只有導出、並沒有導入功能
如兩者兼備，價錢會貴好多
潔面機帶有正極電
它能吸付在毛孔深處被負離子化的微細污垢
相當唔錯
這部機連我另一半都愛用
男人都唔嫌麻煩
更可況係女人呢！
機身很輕巧
顏色有三種，粉紅、啡、白色
背面就係操作位
用法簡單
速度有四個
任君選擇！
只要揭開白色蓋
加上化粧棉後蓋上
再灑上化粧水
便可開動了…
只需三分鐘便會自動停止
容易、簡單到不得了
因買它的原因，係可用番自己用開的保養品
唔需指定用它的品牌
這個多好啊！
(以前曾有一個導出導入機，因要用指定牌子，所以都冇再用了)
呢個結果並不是我的
是我另一半啊！
係咪好鬼污糟呢，已洗過面才做的
竟然間都會咁…
做完呢 part，便可繼續搽番自己的護膚用品了
我自己當然有用喇
並沒有太污糟
只是少少真係好少嗰隻 (唔太覺，唔知點解)
唔係都唔會借用另一半張污糟棉花拍照啊！(笑)
曾懷疑過有啲人介紹呢隻機時
係冇潔面前做的
簡直污糟程度到慘不忍暏嗰隻
因唔信邪，才叫我另一半試試看
佢都沒有某啲人咁囉…
呢部機都用了兩個多星期了
我覺唔錯好用
皮膚細緻了、白了有光澤
加上容易操作，連我另一半每晚都跟我一起 share
咁咪幾好，一機二人用
又可增進感情
話題又多了
又唔會畀佢話，成日嘥埋啲錢買埋啲乜乜物物吖﹖！(笑)
係咪多好啊！
哈哈！！！
鐘意吃意粉
特別係喺日本食嗰啲 (唔好盲目啊！不是間間得架)
記得喺東京吃過一間 La Boheme
至今沒法難忘
"茄汁腸仔意粉"
只有色而冇香味
配料香腸得兩至三片
我炒得好過佢多多聲 (已經唔係叻嗰隻)
非常普通
咁…都可以開門做生意
像揾啲唔入流既廚師做的
如果咁…我都可以做廚師又或開間 lu．． 哈哈
(不過可惜冇銀)
"煙肉菠菜意粉"
好過上面嗰個少少
味道始終唔得
唔惹味
份量少得驚人，兩三啖已完食
我已唔大食喇
雖則話係下午茶餐啫
想飽肚唔好去呢啲地方食呀
因唔算便宜架！
"UCC"
好怕飲澀口的檸檬茶
但唔知點解好多間都係咁喎
唯一好係坐得舒服，傾偈呀 hea 呀真唔錯
可能係 afternoon tea 關係
人唔多、又較靜
所以有這個感覺
不過食物就．．．
不嬲自己係好鐘意、好鐘意食朱古力
(我諗每個女生都唔例外)
喺唔開心又或開心時都想食
尤其係有果仁嗰隻
試過 "b 仔"其他一些朱古力
我覺完全唔好食
所以唔會買喇
而呢個係我認為可以的
唔知係唔係因它有 nuts 啩
才得到我垂青
"dark chocolate with mixed nuts"
加上有少少苦味的朱古力同三種果仁
(榛子、杏仁、夏威夷果仁)
一粒一口
咁至唔會"齋" 同唔太甜
所以才選擇它
只買了少量
切開後約廿粒左右
又真係幾鬼屎貴架…
真係要嗒清味道啊！(嘥鬼氣)
唔夠十分鐘，已給我掃清了…
你又估唔估到以上要幾多銀呢﹖！
如果要我揀，我寧揀北海道既 Royce 朱古力
起碼夠專門、專業
好食好多！
還有…還有…"金莎"亦係我至愛
以上嗰啲啲，真係可以買好多、好多粒"金莎"了！
最近又收到一份 b 仔禮物
影了相才 post 囉！
(其實我都唔係佢 fan 屎嚟，點解…)
真係好少入戲院睇戲
"Hachi" 呢套我一定非看不可
等唔到佢出碟啊！
皆因視狗如命嘅我倆同【狗狗一生結下不解緣】
想睇少少預告嘅朋友可 click 入以下看看
有睇過日本嗰套又或是有去日本涉谷的朋友
都會略知一二故事了
雖然係日本故事，不過今次由老外操刀主演
效果又會否"大相逕庭"呢
刻劃主人同忠心狗狗 Hachi
兩者不能缺一
微妙的關係深深緊扣心靈
唔愛狗狗，係意會唔到箇中道理的
每天 "Hachi" 陪伴主人到車駅返工
亦在放工時間每天的五時左右
已抵達車駅門外靜靜等待主人乘車回來
日復日、年復年，從無間斷
可惜好景不常
終有一天，"牠"等極都等唔到既時候
"牠"那落莫的眼神同樣子
嗰刻令我倆看到有一種無明嘅"痛"
係"好痛、好痛"嗰種
最後直至"牠"終老在車駅
不期然兩眼已流下一串串的淚水
其實整套戲沒有令我有喊的場口 (未睇時，諗會有好多、好多的)
只是臨尾嗰刻有這個反應
好看與否，只是一般
係有少少失望！
我自己諗係鐘意"狗狗"又或是曾養過、養梗、想養嘅
才會入戲院看此戲
在此希望大家除咗【珍惜眼前人】外
【珍惜眼前狗】亦都同樣重要啊．．．
不要學古老嗰套講法
佢哋係畜牲
有食有住，唔鐘意又或嫌"阻碇"時
把牠遺棄
這個"可恥行為"要不得啊！
【狗狗係人類最好朋友】
所言非虛！！！
上次"情人節"巧合地發生在五十七年前的年初一
而下次則將會是三十八年後，在這個幾近一生人只一次會遇上
實屬難能可貴
係咪要好好慶祝
雖然這天還未到
但…很多想揾錢的商人
已推廣很多產品於市場，供有心人購買
而這個立體朱古力 bear bear 蛋糕
我自己真想擁有
實在很像真
喺香港還未見有做得這麼靚…
可惜自己不是身在日本
唔係…
已第二次去食
唔係佢好食，所以 encore
因第一次係外賣，只覺一般
所以畀個機會佢"堂食"
睇吓有沒有分別
"亞龍咖喱"
嗰度有兩間
睇清楚唔好入錯假嘢呀
"咖喱牛腩"
有大量洋蔥碎同香料
汁液味道大致一樣
只分辣既程度啫
不過我覺太多油喇
牛腩唔韌夠腍、算入味
只是白飯太少
食完仲還剩太多汁液
嘥啊…
唔跟白飯、可揀薄餅
薄餅只是一般
加上當天吃，係凍的
連少少餘温也沒有
差勁！
還是吃白飯夠為 match
"咖喱雞"
呢個差到不得了
咖喱還咖喱、雞還雞
各有各、亙不相干
一點兒味道也沒有
其實自己很喜歡吃咖喱的
唯獨是"巴基斯坦咖喱"
不是我杯茶
食埋呢次夠皮喇
絕不會有下次了…
某天約了朋友逛銅鑼灣
逛街逛到失晒魂
連吃飯時間都忘了
呢餐已是我的 late lunch
不過呢就係人家的 tea time
order 了兩個 tea set
有木瓜沙律同蟹子沙律任擇
咁…當然每樣一款
試試喇
"冬陰公海鮮湯河"
呢個湯不嬲是我至愛
只是唔係間間弄得好啫
哈…估唔到冇期望又整得唔錯
唔太酸同辣
味道剛剛好，正
啱晒我口味
配料當然少得可憐
一般貨式
"泰式豬頸肉炒河"
始終係唔太熱，只是暖暖的
何解！﹖
味道又唔錯，加番分喇
夠惹味、香口
只是肥膩了少許囉
還有餐茶
呢間新開張嘅餐廳
雖然只是小試牛刀，水準都尚算唔錯
哦！原來晚上還有日、泰自助餐供應的
揾日試試
"nice"
下午茶唔算便宜啊！
不過怪怪的
只做 2:00 pm ~ 4:00 pm 時段
當日去食
只得我倆幫襯咋
希望它能 keep 到水準喇！
好耐冇去食燒鴨喇
於是心思思走去食番夠本
"咖哩羊腩飯"
羊肉係有少少羶，但可以接受
唔嚡、夠入味
食食吓都幾辣架
撈飯一流
"燒鴨髀飯"
鴨髀皮脆嫰滑、唔嚡
肉質鬆軟入味
加上還有少少餘温
非常好味呀 )))))))))))))
同燒鵝有得揮
"正"到痺
"清真惠記"
呢間人人都識的食肆
座落於街市大樓內
環境不會令人坐得舒服
但…既然有如此質數
當然要一而再去嚐
喺"沖繩"唔同"東京"咁
會有好多花枝招展、令你睇到目不暇級嘅靚女擦身而過
係唔需要點揾，都會在你眼前出現
簡直係迫你睇到為止
呢度想揾個都難架…
我同另一半講，唔緊要喇
冇得"眼睛吃冰淇淋"，唯有真係"食冰淇淋"囉
一樣啫(笑)
"Chulato"
呢個賣雪糕嘅混血女郎
皮膚黑黑的，樣子帶有夏威夷味道
很是健康，尚算迷人
"gelato 泡盛"
你又吃過未呢 (應該都冇乜人吃過了)
雖有少少酒味
濃度唔太勁，唔錯
紫色的係沖繩產"紅芋"
OK 又幾好食喎
最梗要唔太甜，是我吃雪糕的原則
"Blue seal"
喺那霸國際通也有好幾間
唔驚揾唔到
牛奶味雪糕，真是滑不溜口
(未戒奶呀，所以好喜歡飲奶奶)
正呀！
如果喺"鹽屋"吃，可洒上不同味道的"石垣鹽"在雪糕上一同吃
以此試味
我覺怪怪的，不甚喜歡
呢兩球係喺一日遊時，在水族館小食部買的
"芒果"同"紅芋"味
味道好假、似藥水味
まずい
好多人愛吃的 "HD"
我倆除外，唔鐘意佢的原因係"死甜"
以前曾勁愛吃的士多啤梨味
依家再吃，簡直完全頂唔順嗰種"甜度啊！好漏．．．
現在已移情別戀到 "Milk Top"身上了
呢個推廣唔知道"此時此刻"仲有冇再做
我十月中去旅遊時，見有
喺每月7 , 17, 27, 三日以 @ 500 円有七球
相當抵食啊
不過唔關我事
我無福消受！！！
睇蔡 san 介紹過呢間食店
加上自己又鐘意吃粉、麵雜糧嘅嘢
所以一拍即合
"雞酒攦粉"
雞件雖然嚡咗啲，都算入味
"薑"係就係有
但又唔覺"薑味"同"雞酒"喎
差啲囉
味道太淡
唔夠薑呀…))))))))))))
"攦粉"睇樣像極米線
不過．．我唔係太識欣賞啫
只覺一般
個人較愛吃"瀨粉"又或是米粉
"墨魚卷攦粉"
分開另上
幾咁體貼啊…
有紫菜同各式菜絲
加上湯底入味
另一半話呢個正個"雞酒"嗰個好多喎
兩碗要彈的，係個湯唔夠熱呀
只是微暖嗰種
咁…會令到整碗嘢失準的！！
要留意啊
"墨魚卷"係即炸
好味、彈牙
起碼夠誠意，唔係整定好耐嗰隻吖
加上係另上
抵讚！
"蘿蔔糕、芋頭糕"
呢兩個糕點係我最鐘意吃的
兩者比較、前者稍勝
芋頭太實，只是一般
"大記攦粉"
雖不是每樣都咁好味
但整體唔錯
價錢唔貴，還是可以一嚐
還有要提它的一杯＂凍檸蜜＂
淡而無味
諗諗佢吖，叫人點飲啫