22/12/2007 (sat)
行程好快又到第三日喇，浸過温泉特別好瞓架
一早起身，浸多次就出去吃早餐喇
見天色唔係太好囉，又落雨(尋晚已落梗喇)
想睇日出都冇希望
唉！每次旅行都有一日實落吓雨至安樂嘅
天色昏暗
吃早餐既地方就喺右下角喇
唔理咁多喇，浸多次先
早餐唔係喺房食喇
餐廳在地下
裏面唔細架，見有廂房
環境同樣超正
好彩唔係坐榻榻米啫
面對大海，食早餐都幾正喎
早餐定食
非常精緻，女侍應特別推介右上角的温泉蛋
就係呢位姐姐招待我們喇
佢哋完全唔介意你同她影相架，大大方方任影唔嬲
(換轉喺韓國，你都咪喇)
每張枱都有一煲麵豉海鮮湯
講過喇，食物都係普普通通
預咗喇
呢個温泉蛋又真係幾好食喎
烚得啱啱好，好靚吖
餐廳的另一角，有幾個魚池
養了很多河豚，晚餐時已享用過喇
攤唞一陣
再浸多次鬆人喇
睇多次旅館，真係好靚好舒服
完全唔捨得走啊！！！
辦好 check out 手續
拜…下次喇
外面已落起幾密嘅雨，我哋喺香港係有帶傘嚟架
但冇帶喺身啫，激屎
沿途又冇七仔，有錢都冇得買呀
唯有照頭淋喇
走吓、行吓、避吓
才行到去車駅(幾蠢吖，又冇諗過搭的士喎，蠢豬)
雨唔係好大，但就好密囉
都幾凍架
搭番去別府駅
在車駅大堂買過八地獄加巴士劵套票
出發前，將手提行李放喺 locker
唔帶住佢哋周圍去喇，未辛苦過咩…
又走咗去買傘喇(未試過唔買架，帶咗去都冇用，因冇帶喺身，嘥鬼氣)
侯車處就係別府駅旁
當日唔係太多人去咋，見日本人居多
約半個鐘車程
便到達喇
沿路直入
換過入場券
一入裏面，已煙霧彌漫
呢度有啲蒸饅頭賣
第一個地獄
"海地獄"
呢個係別府最大的地獄(亦都係最值得睇的一個)
"大鬼蓮"
裏面係一個蓮花池
足湯等
第二個地獄
"鬼石坊主地獄"
會噴出熱泥嘅地獄
第三個
"山地獄"
內裏有養動物的温泉
最好笑就係呢隻河馬喇
離遠看見牠個口不斷開開合合，唔知做乜喎
(喺個温泉池內唔熱咩，佢又頂得順嘅，好似温度都幾高架)
行去睇睇，原來想人餵嘢食
想餵既朋友，將 100円放入箱內，攞一碟薯仔
(請自動自覺，唔好話冇人就偷雞搏大霧啊，影衰香港人呀)
未餵嘢食時個口喺咁以張開
幾鬼懶呀，將個下巴托在石旁借力(成日呢個姿勢唔攰咩)
又睇吓點餵河馬
(個喉嚨有好多薯仔都唔願吞落肚，我明嘅…咁少都唔夠攝牙罅喇)
餵完冇貨交喇，諗住整蠱佢，牠見我隻手冇嘢，就發脾四大力用口拍啲水
好彩走得快啫，哈哈
咁抵死，掟個榴槤你嘆吓喇
到第四個喇
有一丁目至六丁目，可細看各地獄的顏色變化
"かまと地獄"
還有足湯
有好多韓國人喺度浸臭腳啊
有温泉蛋同饅頭賣
又唔覺有乜特別
第五個
"白池地獄"
其實好多係無乜好睇架，一場嚟到時間又預咗比佢，就算放棄唔行，都唔可以去到乜地方架
因各景點路途遙遠，要順住而行，係冇辦法架，唔係都唔會用"趕頭趕命"呢個 topic 喇
第六個
"鬼山地獄"
利用温泉飼養既鱷魚
唔會熱死佢哋咩，又幾識享受喎，人都冇你咁嘆呀…
(你估我想架，係你哋啲人類捉我哋返嚟，夾硬放我哋落咁鬼熱既温泉池入面咋喎，痛苦你又唔知啫，家家有本難唸的經呀)
哈…哈
呢個套票係唔包架，係要額外再畀錢的
既然嚟到喇，都知係冇料到，咪比你呃多次囉
我當呢個係第七個喇
"金龍地獄"
裏面好細小，有好多佛像架，咁中國嘅
都知你冇料到、冇嘢睇架喇
第八個
係要再搭巴士才可到達架
唔係喺埋一堆，麻鬼煩
"血池地獄"
係紅色的熱泥水，都好靚呀啲顏色
第九個
最後一個囉，"血池"同"龍卷地獄"喺埋一齊既
"龍卷地獄"
睇旅遊書話每五分鐘會噴水的間歇泉
其實係應該每三十至四十分鐘才噴一次，噴時約六至十分鐘
好彩我哋到埗時，剛剛噴水，唔係要等多大半個鐘睇啲咁既嘢，咪攪喇…
一眼睇晒咁大囉
有啲熱帶植物同幾排椅，門口有個手信店
睇完咁多個喇
飲番杯熱嘢暖吓先，都幾凍架又落埋雨
講真呢啲嘢係喺日本至得架咋，如果整個地獄搬嚟香港，實死冇痴牙，死硬架
別府地獄一帶
到處煙霧彌漫
好似火災咁
要搭兩次車才可到別府駅
"別府駅"個座標好得意
"豐後茶屋"
喺時候食午餐喇，呢間喺車駅商場內
"天婦羅丼加烏冬套餐"
"豚肉烏冬"
有時是是但但揾間嘢食，沒有抱期望既，通常都唔錯喎
呢間都好多人食架，所以先揀佢咋
喺 locker 攞番啲行李
夠鐘搭車走喇
由別府駅返博多，車程都要個幾鐘架
返酒店放低行李，梳洗吓又要出發再逛過喇
又再次搭車到天神駅
逛吓街街，諗住早啲去食自己想去嗰間餐廳
因星期六加上沒有訂位，真係有錢都冇得食
日本人就係咁架喇，見有空位(有人已訂，但未夠鐘到)佢哋都唔會畀你架
換轉香港會做埋呢單生意
路經第二間同樣冇位，裏面又真係空無一人架
算喇，想食間好啲都係難架喇
"久留米大砲拉麵"
就去呢間喇，見旅遊書有介紹
睇啱食乜，入錢買票
唔駛自己攞，埋位坐有人會拎比你架
兩碗都有好大陣豬的"騷味"，不論係肉同湯，令我有少少反胃呀，好臭
見啲日本人不斷落枱頭的調咪粉、辣椒粉，應該係僻味啩
咁樣食法，我寧願唔吔囉
再逛咗一陣街街
好多都閂晒門，要打道回府喇
又買咗呢啲"口立濕"食喇(口痕多)
喺便利店買既關東煮，又幾好食架，隻雪糕就麻麻啫
Kyushu @ day 0 1 2a 2b 3 4 5 6