偷得浮生五日閒の優悠大阪day 5

09/04/07(mon)→大阪→梅田→難波→香港

 

今朝起身，執好晒行李，便寄存在酒店

把在奈良買既cheap cheap雨傘，價值$40(只用過一次，唔好浪費)送畀酒店

又要出發lu，今日係最後一天喇，真係好唔捨得(次次最後一日都係咁講)

↑今日會去梅田，買過車票又要搭車喇

早餐都唔知食乜好，想食四天王，又未夠鐘兼唔啱區，都係同佢冇緣喇，冇一次成功可食到，都唔知係好定唔好架

去到梅田，走咗去大丸百貨地庫內既北極星食蛋包飯(聖誕已食過)，今次再嚟多個round喇

↑師傅在烹煮蛋包飯既情形(真係好好手勢架，初初我以為用倒模整出嚟架，原來係靠他們拋吓拋吓就形成這個模樣)

↑雞肉蛋包飯(整得好靚，如果叫我整，都唔駛慌會成形)

↑幾好食架

↑牛肉蛋包飯

↑喱個好食啲(好香口)

↑食完嘢，在附近逛逛

喱間賣既衫幾靚架(有時間去睇睇)

↑高掛在 Hep Five頂層既紅色摩天輪(上次玩過，今次唔玩喇)

↑Hep Five內的兩隻紅色大小鯊魚高高吊在天花，很是搶眼又夠特色

裏面有多間店舖賣既嘢好型，一定啱你胃口，除咗賣衫又有餐廳，真係整天在內都可以唔駛出外(設施唔錯)

再在周邊既公司逛逛(阪神、阪急百貨、茶屋町商場)等等，都買咗少少嘢

時間都好晏喇，又要走喇

↑返去難波駅

本應想食四天王(嗱…又係咁喇，冇一次成功食到架)

又走咗去かに道樂，今次叫咗一個餐另加二個散

↑好正既刺身

↑好多肉，正

↑茶碗蒸

↑前面嗰二個係另外散叫架，一個係炭燒、而另一個係天婦羅，係我哋最鐘意食既

，真係好好食架

↑すし

↑又係火鍋

因好晏去食午餐，吃完都唔早

↑在附近再逛逛，尋日已出咗好多好多血喇，所以都冇買到嘢

好lu…時間都差唔多喇，要返酒店攞行李走人

↑今次買咗特別急行券(南海電鐵)到關西空港(比較貴少少)

↑就係喱架靚仔列車喇

嘩！真係好舒服寧靜(貴少少都值得架)

比起嗰啲普通車真係差好遠喎

，睇吓隔離架列車就知喇(要站站停不特止，又多人又嘈兼又冇位置畀你擺行李)

↑喺車駅買既包包

↑認真麻麻哋好食囉

↑38分鐘既車程，話咁快又到關西空港喇

↑拉住麻麻哋重既行李，又要行去機場喇

真係好…唔…想…走…架

check in 後，走去揾食喇

↑去食手打烏冬(都唔知係下午茶or晚餐)

↑叫咗兩個咖喱牛肉烏冬，都係普普通通咋

↑搭20:05返香港喇

今次冇得upgrade，但安排坐咗樓上，又係好寧靜舒服

唔知點解JL回程既機餐特別難食架(都唔食多)

不過返到香港機場還未停定時，港人愛犯既毛病又發作喇，畀空姐開咪叫立即關掉手機，搭過咁多次機，都未試過會開咪叫人熄手機架，我真係第一次聽咋

，好心喇，可唔可以唔好再犯呀，成個大鄉里咁，乞人憎

，影衰晒啲冇犯既人呀

 

拜拜大阪

Osaka@ 0 1 2 3 4 5

 

 

 

 

偷得浮生五日閒の優悠大阪day 4

08/04/07(sun)→大阪→大阪城公園→難波→Comfort Hotel

 

已經係第四日，明天要返香港

↑買咗一日地鐵乘車券

我哋會去大阪城公園欣賞櫻花

 

↑就喺喱度食早餐喇

↑好新鮮，但喱兩個就好一般喇

↑大阪城公園

↑今次嚟既目的就係賞櫻喇，喱度應該都有唔少櫻花可睇，但都係嗰句，都唔靚既，好多仲燶晒添，我諗應該係水尾lu

↑公園內有好多遊人坐在草地上，有看書、傾偈、野餐等

 

↑B.B.Q，可唔可以受埋我哋玩啊

從未試過在櫻花樹下燒烤，應該好過癮

↑又係燒烤

你哋就好喇，有這樣既配套，唔駛假日淨係去逛街、睇戲

↑整個公園差唔多全部人都用嚟作B.B. Q，但啲櫻花會唔會焗死呢(煙燻櫻花)

我哋喺香港可以同你哋一樣就好喇，好羡慕啊

↑公園好大，真係行都行到腳跛，如果唔行，可以坐佢

↑好靚既環境

↑喺日本做狗狗應該好幸福架，起碼有個咁大既公園散步(香港而家先有個狗公園)，又唔會畀人趕走又受到尊重(不過都要個狗主儘責先得，大小二便要清理妥當)，如果唔係，係人都怕咗你(狗狗)

當天見到有好多狗主帶住心愛既寵物來到公園散步野餐

見到最多人養既狗狗，咪就係"愛瑪仕"喇

 

↑喱個姐姐仔已經化妝化得少喇，有啲化到好似"步姊"咁樣架

↑燒粟米，都唔好食既，又唔熱、唔甜多渣，把鬼

↑燒魷魚

↑諗佢都係麻麻喇，哈…又好好食兼唔韌喎

↑公園內，有好多靚仔靚女買過食物便坐低開餐

↑冇得燒烤，都有好多食檔售賣食物，唔會餓死

喺公園都逛咗好耐喇，櫻花又賞過(雖然唔靚，但都好過冇得睇)，都算冇白走一趟啊

又可睇吓日本人假日既悠閒生活，真係大開眼界，好值得走走

又要搭地鐵返難波喇

↑午餐在此攪掂(都2:30)，好肚餓喇

↑點咗兩個平平哋算喇

↑最唔好食既頭盤

↑喱個又係普通

↑又係一般

↑天婦羅和刺身，我哋最鐘意

↑天婦羅真係好正架

↑有刺身同埋炭燒

↑你睇個刺身好滑好鮮

↑炭燒，燒過既蟹好香炭燒味，正呀

↑好滑既蒸蛋(茶碗蒸)

↑蟹刺身壽司，麵豉湯

嘩！真係好正斗啊

↑豆乳火煱，普通

↑喱個火煱都係一般

↑最後係甜品雪糕

喱餐相當滿足喇，食到我鐘意既嗰幾種，不過下次我唔會咁叫法喇

 

食飽飽，在附近一帶逛逛，今日要大出血(其實喱幾日已出咗好多血喇，淨係食嘢已經破產喇)

↑難波parks

裏面還有好多店舖係吉的，但可以一行，我又手痕，又再買咗兩個HP袋喇

↑今晚既晚餐喺法善寺橫丁內

↑松阪牛燒肉　M　

喺食松阪牛

 

裏面好有私隱，二人既個室，用竹簾圍住，完全睇唔到外面乜情況架，好啱情侶撐枱腳，正呀

↑全部都喺用松阪牛做既唔同食物，都幾好食架

生牛肉好好食(似韓式)

↑生食既松阪牛

↑擺上去燒既

↑全部都要燒架，喱啲唔係生食既

↑燒好可用葱夾住嚟食，好好味

↑冷麵

↑都唔好食既，啲麵鬼死咁硬

↑最後既甜品(唔知乜嘢嚟)，又係好一般

其實喱餐松阪牛，都係普普通通，但又未至於話唔好食囉

喺大阪喱幾日都食過好多種牛囉，有神戶牛、三田牛、但馬牛、松阪牛

我覺得最好食都係三田牛同但馬牛

，真係好難忘懷

，令人再三回味

 

↑今日係我既另一半大日子(生日)，又大一歲喇

(雖然未老)

Happy Birthday to K.K.

祝您一切都咁美好、活得更精采

 Day 5

Osaka@ 0 1 2 3 4 5