06/03(tue)→登別→地獄谷→クマ牧場→函館→渚亭
今朝起身拿臨睇吓有冇落雨，好好彩冇呀
昨晚認真唔好瞓，榻榻米鋪嗰將床墊實在太薄啦，完全瞓唔慣，暖氣又太熱，攪到我一晚起三、四次身
↑吃過早餐兼寄存行李。便到地獄谷去，因昨天落雨，都冇行入去睇睇，難得今日好天，當然要再走一趟啊！不過我們冇再行入去，因為實在太跣。
↑閻魔堂還未開門，冇得睇變臉，不過我們冇時間，就此放棄。
↑酒店package包的クマ牧場的套票，這個便是探熊bear bear的地方。
↑我哋沿石級而上，冇坐山兜，因見到還未開始。
原來行上去好鬼快，換過入場券，便乘纜車登山了。
↑一入到園內便會見到佢架…
↑在小賣部同嬸嬸買咗兩包飼料和餅乾，不消一會便餵晒。即刻再買多五包，嘩…嬸嬸幾鬼開心呀，不過我諗熊bear bear 仲比她還開心啊…
↑抬頭向人攞嘢食既樣子
牠們見你手上有揸嘢食，便向你揮手、請請，做出可愛的動作(原來牠們都知道冇免費午餐的)叻仔
不過餵時餵，唔好作弄牠們啊！
如果掟唔中，D烏鴉會在牠們旁邊搶食
↑睇吓熊 bear bear 有幾咁可愛
上次嚟北海道時，撞啱它休館，我們緣慳一面，今次仲唔睇到你哋…好開心啊
第三個目的又達到啦
↑熊bear bear 真係好為食，不過每隻動物都係咁架啦。
唔知佢哋係唔係時常打架呢，我見到牠們鼻孔滲血…皮膚有損傷
好大隻啊，你睇吓佢，懶到將下巴托在木柱上！
↑另外有D bear bear 會在籠內等你餵食
↑二樓有個博物館，有熊 bear bear 的標本
↑再上到天台的展望台，會見到俱多樂湖，係咪好靚呢…
↑時間唔早啦，要離開クマ牧場 啦。下次有機會嚟我會再探你們的，拜拜你條尾
買過車票，我們會在登別駅前落車。又再次落雪啦，好彩唔大啫
↑在登別駅前的一間叫 coffee michi 吃午餐，點了一個牛肉丼和豚肉生羗燒，需然是一間家庭式經營的店舖，但都唔錯喎，幾好食呀！
↑在登別駅內坐了一會，夠鐘時車駅職員便開閘讓我們入去，嘩…真係好凍，企多一陣都會變雪條呀
(今次係向左走、不是向右走)
↑我哋乘JR特急到函館去。你睇…車駅都好大喎，在車駅買了一D食物和攞了一些資料(其實都冇乜資料攞既)嘥 gas
↑間温泉酒店真係好正、好新淨，原來兩年前翻新過，唔怪得咁鬼正啦
↑喱個就係在車駅大堂買的芝士蛋糕，真係好好食，有好香既芝士味，絕對唔漏，入口即溶
不過…真係唔好食太多，費事迫自己討厭佢啦…(因我時常是這樣的)
↑晚上在獨立房間吃的和式會席，餐前提子酒好好飲，想再order，姊姊話冇得order的，她好好人送了兩杯大既給我們啊，真係非常多謝晒
食物都唔錯既(好似寫得好勉強)，不過我覺得刺身好食D囉
↑個釜飯就認真麻麻哋，甜品唔錯，食到最後個姊姊仔叫我們出去餐廳攞其它食物，嘩…食完自己個會席已好飽啦，仲可以在餐廳以外攞其它食物，真係好滿足啦…
↑間房有個私人露天温泉，對正個大海真係好鬼正斗啊
一路浸、一路有好凍的海風吹埋嚟，又可以聽吓海浪聲，海鷗不時在你視線範圍飛過，感覺真係好正，同埋對住個無敵大海景…簡直唔識形容啊~~
我又走咗去浸吓大眾湯，都好正架，有一個蒸氣房，幾個湯池，還有一個露天風呂(今次唔駛驚，唔會有人望到)
個露天最正，不過太夜睇唔清楚外面係乜東東，放心總之唔會有人見到啦！
比起之前果D，喱個温泉和間酒店夾埋先叫做正正正正正…知冇
Hokkaido@ 1 2 3 4 5 6 7 8 9 10 11 12 13 14 15