豚汁~

我同老公都好愛這個豚汁

麵豉湯就唔好攪喇

唔愛

這湯材料豐富

最後才加入味噌

嘩！

真的不得了

至愛

百飲不厭

 

花膠燉鮮奶~

之前已買咗啲花膠

又見呢款不太貴

又走咗去買啲食吓

老公唔愛吃

唔緊要

女人貪靚才衰係呢啲手上啫

浸發咗約兩天

都有手掌咁大喎

不是大厚身

平平哋就算喇

今次用了紅棗、龍眼肉、杞子、百合、雪膠等加少少水燉煮

最後嗰幾分鐘

才加入鮮奶

開動喇

其實唔知有冇用㗎

呃女人錢很易

 

台式鹵肉~

呢味台式鹵肉

又真係煮過好多次了

材料有乾䓤、蒜、浸軟香菇

同已烚咗腩肉

爆香材料

加埋香菇

最後係主角腩肉條一同炒香

加入料汁炆煮約三至五十分鐘左右

睇份量

收汁上碟

中途可以加埋預先做好雞蛋一同炆煮

呢味餸好送飯

我同老公至愛。

 

糖醋豬軟骨~

我個人係三分鐘熱度

煮咗好幾餐泰越式菜。。

又要煮番啲中式嘢

喺759買過幾次呢隻豬軟骨

覺煮糖醋骨

相當唔錯

都有試過其他幾隻肉煮

都係覺唔太得

冰糖加油

煮至焦化

不要煮燶啊

煮至這樣子

便可加豬軟骨入鍋

炒至上色包裹著

加上汁料

炆約三至四十分鐘

最後汁將近少

開中大火把汁料收至濃稠

加少少塩調味

上碟灑上白芝麻作裝飾

這味餸很好送飯

我同老公都很愛吃

 

7仔乳鴿+Diy 豉油王炒麵~

喺7仔見到有呢隻嘢賣

一於買來試吓

二人吃

當然要買兩包才可

打開包裝

真的很細少啊

好彩買了兩包。。

照跟包裝指示

AF 出爐

簡單易做呀

好過自己買乳鴿又醃又鹵又要吹乾吊起

我曾經有諗過做㗎

但一諗起要咁攪法、卻步了

一包又唔貴

放喺冰格、隨時食都可以

唔錯

係咪氣炸出嚟幾靚仔呢

細細隻啲肉又嫰滑

味道仲相當好呀

好食過好多酒樓同燒臘檔

同場加整咗碟豉油王炒麵

係易整

不過唔太夠鑊氣

如果唔係仲好食呀

呢個在家整到都唔差㗎

好食過好多茶記

 

日式义燒@拉麵~

好耐冇整日式义燒肉了

訂咗凍肉

得閒係要攪攪新意思的

今次呢條肉唔同之前好幾次買的

又試吓囉

解開包裝

一大條已有包紮

不用自己操心

就是我㨂佢的原因

慳番好多功夫啊！

洗淨

下鑊稍微煎香上色

加醬料

煲煮約個零兩個鐘左右

攤凍放涼入盒

入雪柜過夜

第二天容易切片同更加入味

幾担心佢會嚡口呀

哈！又唔錯喎

買咗包黑醬油拉麵

伴Diy 日式义燒肉+溏心蛋

真係好過出街吃㗎

賣相都絕對好過出面好多日式拉麵舖

呢句話係我老公講嘅 (笑)

明嘅

佢想我繼續努力煮

佢又有得吃囉

 

泰式風情~

呢排忽然愛上煮泰越菜式

當然係有人教過嘅

咪做吓當交功課

才有進步

蝦醬炒飯+香茅豬扒

炒飯真的冇得輸

非常香口好吃

豬扒味道算唔錯

始終都係覺唔夠鬆軟

嚡咗啲

係咪真係要浸吓梳打粉呢

**********************************

羅勒炒肉碎

呢味超易做。又巧味

係羅勒炒到黃咗啲 (笑)

賣相冇咁靚仔

其他沒有問題啊

泰舖吃都要5-60蚊

自己整買靚免治肉雖唔平

份量多啲同知道自己係用乜肉囉

吃得放心

雖然不會餐餐自煮

但。都好過成日出街吃了

**********************************

今次又試吓用梳打粉浸

睇吓效果會否唔同

同埋用咗煩啲方法

將香茅、加了乾䓤同蒜䔈打碎取汁醃豬扒

味道會否唔同層次呢

結果有喇

嚿扒又真係鬆軟咗

唔嚡

但好似咁樣醃法又不是太特別好味

已醃咗成晚了

下次可不用咁麻煩

*************************

呢個唔係泰菜

某日睇utube 學

椒塩豬扒

始終塊扒都係嚡

味道尚算可以

*********************************

撻咗啲蝦膠

巧叻㗎喇

因自己從未做過(笑)

原來又唔難喎

全人手做㗎

沒有用機打。。

因為做泰越菜

所以米紙又買咗包

都煩緊點用得晒佢呢

老公不愛吃米紙

所以又要上網找答案

將蝦膠全部搽落米紙上

再放多張上面

應落多啲油

我冇呀

適量便算

所以煎得沒太好

將將就便算囉

上碟

切開便可吃了

可能油唔多

沒有脆脆口感

係煙煙韌

一般

蝦滑係好味的

******************************

另一味仲簡單

黃花魚一條

用半煎煮方法

即一面煮香、另一面不用煎

不用反面

煎到咁上下

便可加水約煮六至七分鐘左右

最後調味用上魚露同少少糖

上碟喇

呢味又係我覺簡單易煮餸菜

又好味喎

******************************

又炒蝦醬炒飯呀

先炒香免治肉

豆角拉水(一早已做了)

下蝦醬、蒜蓉炒香

漏咗冇影

加蛋液再加白飯同炒

便成了這個蝦醬炒飯了

蝦又係之前做咗先

自己湊合喇(笑)

***********************

食過好味

所以自己一定買回家試整

順化豬手

味道係非常好的

尤其啖湯頭

真的好味

蘿蔔雖不是當造

還有少少苦澀味。但都沒有影響

可接受

可惜係買錯咗豬腳

完全冇肉食

只有一層皮。

老公話係欠咗少少

有少少肉會更加好啊

即係要買豬手才多肉食

明喇

冇經驗就係冇

又上咗一課喇。。

泰式海南雞~

呢鋪真係第一次整

成隻雞烹煮喎

從冇諗過會

當然炆雞都有

買咗隻冰鮮雞

洗淨

學人浸雞

竟然間成功咗

當然之前有人指點嘅

胆粗粗學人揸起把刀斬雞

真的從未試過

我全部都係用較剪的

係斬得肉肉酸㗎喇。。

但都叫做試過係點斬吖

不過斬到隻手好痛

下次都係咪攪

再用埋雞油煮飯

呢鋪真係矛得輸喇啩

朋友問隻雞咁黃

是否黃油雞

我話搽咗黃薑粉嘛 (笑)

油飯都有加㗎

好多食肆都係有加㗎喇

隻雞非常嫰滑

浸雞係唔同啲嘅