Sum Thai~

喺灣仔吃過覺幾好食

加上自己都愛吃泰國菜

灣仔店執咗

去尖咀吃喇　

 

裏面都好大啊

開店已入去

嘩！唔係我哋早

原來已有好幾枱客了

兩條友冇得安排坐卡位

見有客要想坐

聽到侍應講只可三至四人的

講真吖‥其實3至4個人

都唔太鐘意坐卡位

又迫又窄

寧願坐四人位好過

唔明點解好多食肆係咁安排

一早已鎖定吃乜

我鐘意吃泰式海南雞飯

之前喺灣仔店冇吃過

今次點來試試

咦！啲雞唔係一條條咁樣

係一嚿嚿

我最唔like 的

其實咁樣已影响我食慾

雞件好彩唔算嚡但有啲肥膏

始終都唔係我鐘意的

油飯唔錯、湯都幾好味

整體尚算可以

不過我唔會再吃囉

海南雞飯係午餐

可加錢叫小食的。。

呢份米紙卷

淡而無味

點埋醬汁、都完全冇味

把鬼

另一個飛天通菜

唔好以為大碟呀、係好細碟咋

我覺辣咗啲

吃了少少

全給老公攪掂

我差不多吃完

老公叫呢碟蝦炒金邊粉

足足等了45分鐘

還要催兩次才到。。

咁食嘢法係咪好激氣呢

係有見廚房出3碟呢啲

但唔知點解會送咗去別張枱

一定係漏單喇

但又唔知點解其他嘢又冇事喎

午餐包一杯奶茶咖啡之類

我倆補錢叫了青擰水

好耐冇飲喇

不過呢度一般啫

最後有位之前幫我哋落order 的女待應行埋嚟問

啲嘢齊晒未呢

真係嘥鬼氣喇。。

已食到一肚氣

食物冇以前灣仔咁好

應冇下次了

和牛燒肉。純~

已經講過N咁多次了

我倆好鐘意幫襯呢間燒肉店

環境舒服

價錢有平有貴

豐儉由人

任君選擇。。

我唔食牛、咪叫豚同雞囉

仲平啲吖

份量唔多、大多會叫2份啱我

另一份老公必點吃牛

前菜都相當唔錯㗎

今次推廣鹿兒島牛

有五點同三點選

order 5點

侍應姐姐端上枱

已介紹呢款係乜、那款叫乜名稱

聽完咪過眼雲煙 (笑)

只知那款較為巧吃

便算了

如果佢冇講錯名的話

就係左邊尾最後嗰兩份

超多雪花又靚的西冷

入口即溶

我的餐：豚同雞

唔燒嘅

可以叫丼或shabu shabu

食過N咁多次喇

都還是一去再去。。

多人有房坐

都相當唔錯㗎

早訂位會有卡座

坐得好舒服

如果啲食客守規矩同自律

唔大聲高談濶論

係巧舒服的。。

早期幫襯

係有雪糕同飲料

現在只得飲品

通常呢啲食店、飲料一般

今日寫完

又想再去吃過喇

 

天ぷらまき Tempura Makino~

 

呢間人氣天婦羅店

關西過江龍

當天又係平日正午

已差不多冇乜位了。。

我哋坐落冇耐、已冇晒位喇

都唔係開張時去喇

已過了一排

雖不至於要排隊

但都幾誇喎

至福天婦羅便當

老公點的

天婦羅裏面有兩嚿最唔好食的雞肉

又嚡又冇味

我話又唔畀嚿我試吓

佢話忘記了

吃過都話普普通通

試過便算

天丼蕎麥麵定食

因為我愛吃蕎麥麵

所以會點囉

送至枱面

已有少少頭痕喇

又飯又麵

點食喎

蕎麥麵好少咋

吃兩三吓 已KO

我覺唔係好啱我口味

麻麻

餘下就係碗天丼

原來碗飯又係少到嚇屎人

啲飯係平鋪碗內路

吃了少少全給老公吃了

裏面有隻炸蛋

流心炸蛋

不過 ))) 係好鬼漏

好多油

其實我唔係太愛吃天婦羅的

只能一件起兩件止

加上妹仔肚

還是去CWB吃較便宜嗰款啱我口味啲

而老公只懷念喺日本吃過嘅天丼囉

佢話都唔係好啱佢口味

咪算喇

慳番

你估平㗎

四季芬芳(2)~

朋友睇完我上次吃嘅相

話想去吃

今次都算快encore

現在好多食肆都係掃QRCode 落單了

我又忘記吸取上次教訓

又一次落晒所有

變咗食物又係打針咁快出

酸菜石斑魚麵

第一啖覺幾辣吓

再吃已唔覺辣了

味道調教適中、唔會太辣同嗆

最正係用石斑魚

好食好多

唔係出面嗰啲鯇魚或其他雜魚

隻碗係好大(做洗碗係好慘的)

唔係貴

不過未必再去又會有得吃

上次冇吃

今次吃番、上面有塊膶腸

裏面係糯米飯

不過凍咗

塊膶腸又硬咗啲

飯又覺多油囉

呢次係失策㗎

朋友話想食呢個

佢話好吸引

做到成粒荔枝咁

呢個係幾好食㗎。。

不過又真係貴呀

兩粒要成六拾幾蚊

好彩係巧食咋

咸水角

又係我番叫的

因好食囉

朋友都話唔錯

好彩佢仲熱熱哋

外面還脆口

唔係的話又大折扣

呢個又係上次吃過

好食再點的

都係嗰句喇。。凍晒

硬咗啲囉

唔熱辣辣吃，係差啲

凍咗又變硬

糯米已很滯喇

食落肚變咗好鬼漏

飲多幾啖水

很漏兼更飽肚

不是額外叫的

上次瀨過嘢、都唔敢叫佢啲嘢飲

呢樽係叫湯麵有的

我哋唔知呀

差不多吃晒枱上食物

侍應姐姐過嚟同我哋講

有呢樽嘢咋

有四款飲料揀

我揀咗竹蔗茅根水

都話佢啲嘢飲唔得㗎喇

我飲落係一杯甜味的白開水

認真把鬼

可以再去吃

不過要精啲喇

吃完一樣再點下一樣

唔係啲嘢凍晒、冇咁好食

咪揾自己笨囉

真係要記住呀。。

唐宮小聚~

上次吃過唐宮小聚

心思思想再去吃

平日Lunch 唔多人

可以直入

今次唔係蟻係蒼蠅

試第二個餐

但心又想食番之前嗰款

心太多

醉雞

呢個真係麻麻喇

反而上次個豬手粒仲好食

我覺啲雞雪得太實

呢個餐係有兩個椰青雞燉湯

打開個蓋

嘩！唔係化

真係好似佢隻碗咁有隻嘢喎

唔換喇

換嚟都多餘

咪又係比番呢碗你

嘥鬼氣

舀走咗

大菌食細菌

照飲喇

有幾件好嚡嘅雞肉

頭啖湯飲時好大陣椰青味

飲飲吓已沒有了

其他餸好快嚟

變咗咪好快凍囉

啖湯都未KO完

還有螺頭

兩條酥炸黃花魚

唔覺好食

一般

乳䲽1隻

咁多味餸

係呢個四季豆炒肉粒最巧吃

拎出嚟時很香啊

兩樣夾埋係好好吃

上次反而冇咁香口。。

今次真的唔錯

甜品

桂花小丸子

個人好怕吃呢啲小丸子

全部給老公吃

仲有機會再試其他

不過唔會咁快

名寶石~

呢餐和朋友吃的

已吃了幾個月

我未曾去過呢間豉油餐廳

又睇吓乜款

座位超迫

坐得很不舒服

十二點零去到已很多人

呢個忌廉湯相當唔錯

裏面很多料

幾好味

我叫的羊扒

有四件唔肥、但好細件

味道都唔錯

每人有兩件囉

但到喉唔到肺呀

我乜都冇食

所以覺餓

朋友叫的鵝肝炒飯

其實我哋係每人叫一樣

大家一起吃的

炒飯炒得很乾身

是我鐘意的

味道都幾好㗎

我舀了兩小碗、朋友全打包了

佢話飽喎

其實約出嚟飯敍

主要傾吓傾

問侯吓近況囉

呢餐印象唔錯

揾日同老公去吃

*********************************

終有時間

同老公試吓羊扒

老公愛吃

當天又係平日十一點半左右

上到樓上已差不多滿座

原來佢哋食早餐至十二點

唔怪得咁多人喇

而且好多係上了年紀的耆英

當然又係唔好坐喇

又迫又窄

看過餐牌

反正未夠鐘

又有我想吃。。

叫早餐吃

可慳番少少(笑)

有杯蕃茄汁

老公當然叫午餐喇

選了羅宋湯

佢話都唔錯、起碼唔係水咁清

有多湯渣

呢個就係早餐喇

要等成廿多分鐘喎

石斑魚幾件、超細嗰隻

冇乜味道

認真麻麻囉

呢個都等咗好耐吓

羊扒

點解唔同我上次吃咁樣嘅

都唔係好見到一支支骨

亂晒籠一堆肉咁

擺盤已唔得

好彩食味都唔錯

唔韌還有少少羶呀

可惜係啲黑椒汁、唔夠入味

我覺李錦記隻黑椒汁做得仲好過出面啲餐廳

加咗花奶的啫喱

老公話呢啲陳年食物已巧耐冇吃過喇

真係唔好睇少呢啲豉油餐廳

價錢絕非便宜

有啲早餐連加一都要放低成張紅衫魚有突

唔明會有咁多老人家去吃

如日日吃都幾富貴啊

Rock Salt 岩鹽 @ CWB~

 

疫情都好少外吃

現在見緩和少少 (其實都有好多人確診㗎)

公司要清假期

又唔會諗喺疫情未完結

咁快出遊

咁。。就出外吃吓嘢、減吓壓 (笑)

Rock Salt 岩鹽

因為鐘意吃日本嘢

大多選日式喇

中式仲very good la

老外嘢又真係麻麻

所以很少會食

老公選擇困難症

呢個係我提意的(因我想吃)

岩鹽火爆定食

有炙三文魚腩、海膽、帶子、左口魚邊

前菜上幅相有見

一般都係茶碗蒸、沙律、味噌湯、漬物

都相當豐啊

老公唔食海膽、益我喎 (笑)

其實我都怕喺香港吃嗰啲係有陣尿味(笑) (當然食高價嗰啲會正啩)

佢用隻玻璃碗裝

整到成半個圓球狀

同普通丼飯有啲唔同

賣相幾討好

加上名字幾咁火爆(笑) 

我叫咗乜呢

一嚟就嚟咗呢幾樣前菜先

有少少刺身

主角出場喇

侍應姐姐話、要等呢個漏完

便可打開蓋喎

北海道海鮮釜飯

裏面有乜東東呢

有迷你蟹鉗、海膽、鰻魚、三文魚籽、三文魚、毛豆、菜、菇菇等

兩個餐我哋都有交換餸吃呀

當天忘記舀飯時

用手捉摸上面煲嗰塊鐵

燙親手指

侍應姐姐拎嚟時已有提醒

只是吃吃吓忘記了

真想倒啲茶落去吃埋

最後任揀雪糕或飲品

通常呢啲店叫飲品都唔巧飲多

吃雪糕比較穏陣

估唔到係Haaagen Dazs

我又唔係愛吃呢隻牌子喎

但呢款焦糖味相當唔錯

食食吓都係甜咗啲

佢裏面有啲脆脆餅、有啲口感囉

吃過呢餐都覺唔錯

應會再去

當天去係平日既下午

都滿座

走時、已很多人在外等位了

下次真係要Book