Day 8 當天係天晴
天氣又好涼爽
都要加件外套㗎
我哋又係瞓到自然醒
有冇見過呢個呀
十年前我都有影。。
只係沒有油漆啫
我覺好得意呀
應該係拆幅牆剩低的
不能行上去
在國際通
嚟咗咁多日
喺國際通有每日經過
都冇入去行過
出發前喺香港有諗過會買
但。。嚟到又改變咗主意了
一件都冇買
睇咗當買咗便算
當天唔係又行國際通呀
咁悶咩
當然去食好西喇 (笑) 我覺係㗎
沿國際通一直往前行去牧志駅。。好近啫
不用搭單軌了
呢度二樓
ちょこっと寿司
國際通牧志店
店舖座位大概係咁
我哋係最早到的兩位食客
呢度幾好
夠私癮
可惜冇畀我哋坐啊
唔係吃蟹啊
如果有蟹本家就好喇
可惜冇
已心裏有數吃乜
呢三樣都有點
仲未有得吃
見店舖另一角、有呢啲免費著
供客人拍照
我哋冇著呀
睇吓便算
唔陪老公飲喇
便是大街
端來一碗白飯先
師傅手上已拎了一個大碗
裏面已盛著好多由北海道直送的三文魚子
講解一輪
重頭戲開始了
開始舀喇
一次
每舀一次都要大嗌 おいさ
第二次
第三次
第四次
第五次
嘩！已滿瀉了
師傅四萬咁口喎
我都忘記呢個份量好像係half size
係有啲咸
拌飯吃冇問題
可以睇吓呢條影片
現在睇番都好想再吃啊
流口水ing
海膽龍蝦
唔明點解冇咗個頭
端出嚟時
都唔似係龍蝦囉
呃咗人哋個龍蝦頭
一定拿來煲湯喇
我哋都覺呢個一般啫
喺"系滿"吃仲好食過呢度。。。
岩燒黑毛和牛
呢個唔好食喎
係咪我哋燒過龍呢
又嚡又韌
把鬼
串燒五本
又係麻麻哋
我哋嚟食都係比三文魚子丼吸引啫
呢間店舖喺國際通屋台都有
當我哋吃到七七八八
有一群女仕
係國內遊客嚟
在板前點寿司打包
不是堂食
而另兩位女仕坐在我隔離
見佢哋冇嚟頭緒
唔知點乜
又叫侍應落Order
都擾攘咗一排
我都出聲叫佢哋點三文魚子丼 (多口)
當師傅送到
又係講完一大輪說話後
重頭戲又開始了
我又跟住嗌埋一份 (笑)
見師傅只舀了四次
仲係好細匙
一啲都唔豪囉
咁。都會有大細超嘅
************************************
走時喺牧志駅附近公園有好多國內遊客啊
沖繩佢哋都愛去
可能已去晒其他地方喇
當天係有行程的
搭車去那霸機場。。。
未走
行吓國內線
十年前嘅空港
細到屎
而且去國內線都好煩
今次方便好多了
逛咗一陣
又有啱心水嘢要買
諗住返轉頭才買
都係唔好喇
唔重。。就一次過買埋
費事再揾
喺度等車呀去Outlet
國內線一樓4號站
呢個駅我哋都揾到一頭煙
當然問機場觀光社係最好。。
十年前冇去過
今次咪去番囉。。。
冇期望㗎
所以咪之前冇去囉
車到喇
車程約十五分鐘左右
車費都好貴啫
千幾円
唔多人
Ashibinaa Okinawa Outlet Mall
冇買
我都唔鐘意㗎
重到屎
都話喇
嚟唔嚟都冇損失
十年前冇去到
係明確的
十年後舊地重遊
上當了
上車喇
冇乜人的
未夠鐘開車
等咗一陣
陸陸續續已很多人了
おもろまち駅下車
去吃晚餐
經呢度揾今晚食店
目利きの銀次 新都心本舗
外型好吸引
所以又比佢吸引咗去吃
我哋冇訂位
當然冇私座喇
見到一個個酒桶便是座位
像個室
我哋都冇訂位
所以都要早啲去、入到去已差不多滿
被安排坐bar 位
beer beer la
五點盛刺身
一般新鮮
海膽廣島蠔
呢個好食
八爪魚
又唔韌喎
明太子蛋卷
即席用火鎗燒
嘩！
成條明太子燒烤到很香口
好食
燒三文魚餃
有啲三文魚子鋪面
呢個真係沖繩料理喇
餐肉炒豆腐芽菜
我哋鐘意吃
自己都容易煮到
當天真係多人
只係平日
都唔敢假日前往喇
惟一唔鐘意係坐得太迫
講到CP很高
唔會伏
我又覺好普通啫
只係裝修吸引
*********************************
吃罷
都未算夜
又在附近逛逛
消化吓
Rakuichi 天久Ryubo樂市
裏面有超市
電器鋪
時裝店
食店都有
夜喇
要打道回酒店了
都逛咗好耐吓
返到酒店
梳洗吓、已很攰
哈哈。。。
又寫完Day 8
今次去沖繩遊玩
我哋又愛上咗
忽發其想
腦中想移居沖繩
兩條友你一言我一語
喺度講
如果移居
要有充足資金才能
嚟到冇諗過做嘢
因頂唔順日本啲工作
人和事都好煩
其實只適合旅遊同食、買、玩、多
怕怕
講完
㗰氣。。講真何來有咁多銀両可以去到退休不用做喎
如果要去到捱
當然食嗰方面又不能太孤寒
眼見好多人移居日本
好慳儉 (係啱)
但好似好慘咁 (喺香港都唔係咁嘅)
我寧願留番喺香港好過
比你去到心儀之地又如何
都唔係好似去旅遊咁
都係嘥鬼氣
