Diy 南高梅糖漿、梅醬、梅豉油~

喺FB見嫁了日本人的太太做

又心思思照跟

專登揀了包熟啲

真的很香啊

簡單易做

只係糖同少量醋

嘩！真的很易咋

同我 N年前浸過啲果醋差不多

好快收成喇

十四天咋

倒起糖漿同南高梅

而梅肉同梅核分開了

用機打爛

放入鍋煮至濃稠

像煮果醬一樣

入樽喇

搽包包吃真的不錯啊

梅核就用嚟浸豉油

那位日本太太還教用梅核浸豉油

真係全部都有用

沒有浪費

但‥我給一位朋友看

她說梅核有毒的

當時個心涼了一截

曾有念頭‥倒了去便算

最後沒有‥還在雪柜

但‥未知命運如何

梅漿加梳打水飲

真的很消暑提神‥

還很好味呀

我自己超鐘意呀

浸呢啲快夾正‥好過浸酒

下年再浸多啲

南高梅酒收成~

終於收成喇

足足一年有多

顏色多麼的美

好彩一粒都冇發毛啫

唔係就前功盡癈

之前在日式超市買了樽品嚐

味道都唔錯

所以十分期待自己的製成品

剛剛入滿三樽咋

冇多冇少

 還舀起了浸酒啲青梅

唔知有冇用呀

有人話已浸了成年

已沒有什麼味道

可以丟掉

我還未掉呀

入了雪柜

揾日試吓用嚟蒸排骨

睇吓有冇味先

 初嚐自家南高梅酒

可能加了太多冰

溝淡了‥味道一般

之後‥沒有加‥

好飲好多啊‥

可能我不好此道

不是我杯茶

但‥老公超愛喎

蛋摙、葡摙~

冇做蛋撻好耐了

5隻手指都數得晒啊！

以前很怕做呢part 

現在很愛喎

覺很好玩

今次用了花奶

下次試吓用牛奶

出爐一般喇

唔係我滿意嗰種囉

蛋圍邊好像焗過龍咁

有一層啡色

不過又真係好滑喎

老公話巧巧味

我都覺唔差

好過好多麵包店賣既添

*********************

好‥再做

因上次多了很多蛋液

份量夠做四個咋

冇多冇少

唔駛嘥‥

真好

都話咗架喇

焗嘢‥唔好做其他

心多實屎

撞鬼吖

想點先‥蛋撻變葡撻

激屎呀

不過裏面都幾滑滑

咪算囉

唔係可以點啫‥

唔通又畀大口仔咩 )))

抹茶吐司、抹茶焦化牛油馬德蓮~

抹茶喺富澤買的

之前的若竹、已用完

好似冇用過抹茶粉做吐司

又玩吓喇 (唔知邊個玩邉個喇)

做得認真麻麻哋

味道又可以喎

只係賣相稍為差了點

下次再努力喇

而且抹茶亦是一般

**************************************

既然得閒

又拎個模出嚟再玩吓

唔好嘥

又係抹茶粉啊

今次食譜好得

那焦化牛油、實在太巧味了

真的令人無法抗拒的味道

同抹茶味很是夾啊

那個 nipple 爆開了

係美中不足

因自己衰貪心、倒至全滿所至

(以上係睇人咁寫而得出答案)

係真唔係‥無從稽口

賣相多了些氣孔

如果沒有

靚好多

講真

呢個實在巧味道

滿意呀

只係賣相差咗啲囉

我會繼續努力的

亦已知點做

才不會有咁多洞洞了

等我吖 )))

阿華田馬德蓮~

其實有問過自己

係咪好鐘意吃呢個呢‥

答案係一般咋

模‥買咗

難道唔做吓咩

老公成日話

冇人迫妳買的

我夠知囉‥

嘅然買了

咪做多啲囉

不過今次食譜

真的唔好食

人家用榛子果醬

因沒有‥咪用阿華田醬囉

焗出嚟‥冇乜華田味

just so so 

紫薯雪糕

 真係唔可以懶架

上次貪方便

做咗啲淡而無味嘅雪條

吃到口寡寡

一於做番啲巧味嘢才可

買了紫薯

做雪糕

唔係都對唔住自己囉

做得呢啲嘢

對個"月巴"字亦已豁出去喇 (笑)

 做法係煩咗少少

紫薯先要蒸熟、放涼才做下一步

忌廉係必加的

滑巧多啊

 今次做得係差了點

入機打了廿分鐘、還未凝固

已心知不妙

算‥隨即入冰洛

我見很多人冇機、都差不多係咁做喇

係就係稍為沒有咁順滑囉

當然係食得喇

真的很好吃啊‥

下次真的要打醒十二分精神

不要再出錯‥

Diy 腐竹糖水雪條~

呢啲係整咗好耐架喇

食都食清

不能一下子吃掉

惟一辦法便是這樣了

吃半‥

剩餘倒入模中

簡簡單單

冰了吃

其實真係一般咋

味道淡如無味‥

同飲糖水、簡直係兩回事嚟

咪像吃緊嚿冰咁囉

還是不要太懶

做番以前啲好味巧多(笑)