杏仁粉、朱古力環包~

 

近排做多了包包
眼見自己都算有點兒進步
一點點咋
(唔好驕傲)
都算老懷安慰 (笑)
還雖加倍努力

同高手比當然差好遠啊
所以不要見笑‥

每次巡經此網站‥
都被它吸引住啊
睇吓人家做得幾鬼靚
唔得‥一於跟‥跟‥跟(笑)

唉！做咗喇
作個對比
高下立見‥
唉‥還差很遠啊！(泣)

一做就做了兩個
另一個送人的

幾勇呀！送人喎(笑)
(不自量力)

我覺似蛋糕多個似包
一啲都唔難做
可能自己不愛甜
總是覺很甜的
內饀有杏仁粉、溶朱古力液、麵包糠、核桃等材料混合而成
只是沒加肉桂粉 (不喜)
但‥已覺很多料了
混合一齊的內饀
只覺一般
不過‥有人話好食、有啲人話太多饀
但又沒有人話好甜喎
各樣客觀意見亦有
自己真不太愛這些饀料配搭
如果再做
我不會用這些了
今次忠於原著吧！

煙袋麵包~

自己很少會做這些包包
但‥見到又會手癢癢的‥
想一試架

這個是跟大師手感の麵包一書學的
都唔算難攪

人家係大師級
點同我呢啲小薯比

製成品實差天共地喇(笑)
比佢見到實笑屎

好友話乜個樣咁似貓頭鷹喎(笑)
外脆內軟又幾好食
我會再整架！
最緊要有人愛吃

 

全粒粉牛油卷~

 

好嘢‥放四日假 (*^.^*)
又可以返嚟呢個寧靜的窩居了
有好多嘢要寫呀
祝復活節放假快樂 (笑)
yeah~~yeah~~yeah~~~

想做牛油卷好耐
但‥冇一次實行到
大多忘記多
見有此機會‥加上又記得
仲唔快快攞嚟做實驗咩！

加了麥粉的包包
會健康啲
但‥可惜亦加多了牛油
咪又係嘥鬼氣 (笑)

日本網站很多主婦愛弄這款
成日想做
只係不斷咁忘記
未能實行啫
今次終有機會實踐

雖未如我意
我還會繼續努力的
加油吧！

Focaccia~

 

買咗本日本食譜
算冇嘥料
跟食譜都做個幾款

今次輪輪盡盡做的過程有些出錯
　都叫做整到出嚟 (笑)

賣相就一般喇
迷迭香只用了乾燥的
新鮮欠奉
下次再做應會好啲架喇
不會再失手喇(笑)

祥正海鮮飯店~

 

我同老公都好鐘意食嘢
癈話，有邊個唔愛呢(笑)
有架！厭食症咪唔鐘意囉‥

唉‥做人已咁辛苦囉
咪好好慰勞自己
唔係點啫)))

見隔離有兩枱
一枱一個男、另一枱一個女的
男的枱面叫了雞一碟(笑)
魚一條
之前好似還有的
又啤酒喇
以上啲嘢唔細碟架
而女的一隻乳鴿、加炒麵、炸魷魚鬚
各自揾食(笑)
有時真係未必揾到人一齊食囉
難道想食又冇得食咩。。。除非外賣
獨自去偷呢歡都唔錯架
辛苦得嚟志在食
不無道理啊！
老公話我八喎
四圍望、冇禮貌
咦！一入去已望到晒喇‥哼
我倆不期然諗同一樣嘢
一齊開口問會唔會好似嗰兩個咁‥
一條友咁去揾食‥呢！
答案係‥唔會囉(笑)
應該係買外賣回家多喇
食魚蛋粉之類嘢就會多囉
呢啲就。。。咪

雖係地踎格局
但‥都總算乾淨
我有一個不算叫做朋友嘅朋友
個人好鬼怪的
佢唔會踎大排擋
怕衞生問題同其他
我哋都好少理咁多喇

唔太離譜，都會去吃的

出名泥蜢粥
唔敢叫一窩呀
點知係咪堅料嚟架
叫了每人一碗
唓！仲以為有幾正喇
又唔入味兼冇味
點解會話係正架、R 頭

炒蜆
超級細粒肉
豉椒味又炒得唔夠香
又多沙
差囉！

這個很嫰滑
絕不嚡口
很好味
可以再叫
咪鬼下次吃又唔得呀

豉油王炒麵
麵真的佷少啊！
我一個都可吃晒
真架‥呢個我吃了八成呀
味道唔錯
如果可以再乾身啲就冇咁多油同濕
好好多

蛇王二~

另一半整日 up 住要去吃的
又加上近日很多老店相繼結業
所以‥

好多祖國人吃的店
好彩過年後才幫襯‥
一個都見唔到，一額汗（笑）
可能回鄉未返啩

 

老公想喺呢間店吃好耐的蛇羮
(啱喇‥成日蛇王，佢話啱我多啲喎) (笑)
他說：好好味呀！
呢啲不是我杯茶

 

膶腸飯
佢又話好好食喎
皮又夠脆
又入味
有冇真係咁鬼正呀
因我冇試

 

靚菜一碟
套餐就係咁多喇
另一半話真係好好吃
一定一定要再去吃過喎
有冇咁誇呀（笑）
費事佢結業排餐屎

蛇嗰味嘢唔啱我
惟有選擇燉湯

這個係豬肺湯
咦‥乜唔係白色咩
俾老公話，妳係咪傻傻哋呢
白汁才是嗎﹖﹖！
好似係喎！（笑）
湯頭幾清甜
算唔錯了

义燒飯
都算幾出名架
嘩！個义燒真係冇浪得虛名
又腍又好味
除再興外我覺呢間啲义燒真係好鬼正斗
好喇！
我又要學老公咁講
一定要去吃過‥(笑)

 

 

新滬點~

 

好耐冇入嚟蝸居逛逛喇
又積咗好幾篇未有閒寫‥
諗住寫吓旅遊網誌的
又的唔起心肝喎
其實真係有啲已遺忘了
要問問身邊人那個係點‥點‥點才可以執筆囉(笑)

最近愛上買圑購啊！
唔理佢係食得又好、唔食得都好
只要喜歡
都會‥‥下注(笑)

見佢介紹兼圖文並戌得咁吸引
一於去馬
呢間店舖逛街時常路過
都轉過很多手了
唔知點解做乜都冇乜生意
呢次都係

雞絲粉皮
細細碟、兩三下已吃掉
味道尚算可以

水晶肴肉
本身好喜歡吃這個
而它都做得很好吃‥
只嫌它實在太少
唔夠喉囉！

原盅蟲草花雲吞雞
都唔知乜鬼嘢嚟
水咁清，又冇乜味
雲吞同雞都唔得
最慘係唔夠熱
不過都預咗
唔通會有好嘢俾你食咩‥

海皇燕窩羮
好怕吃啲乜羮物羮之類嘢
通常都出事的
又杰又難吃
燕窩)))))諗‥都唔好諗喇

雙色小籠包(黑松露及清湯)兩款
全部食物只係呢個最‥最夠熱的‥
兩款同樣好吃
多汁液、皮都算薄

上海油淋雞
睇佢官方張相
隻雞好似炸子雞咁
但‥拎出嚟時，見到真唔太開胃架
隻雞了冇生氣，係呀！我係咁樣來形容
好像做了很久、似隔夜多
望見都唔想吃啊
加上完全沒有味兒
認真把鬼！

炒飯
做得唔錯好吃
沒有濕淋淋同多油
算叫做有鑊氣
可惜又係唔夠熱
份量又係少得可憐

乾燒蝦球
酸酸甜甜的
彈牙、好味‥

荔枝玫瑰糕
味道怪怪
當然係唔好味喇
不過‥算
又唔係食佢甜品

呢間食店當天六時鬆啲已到逹
一早訂了位
有卡位坐
坐得舒適
見其他人坐得都幾迫囉
唯一唔好食物好似打衝鋒咁
order 唔夠一陣
食物已拿拿臨擺在你眼前
可知佢好多嘢已一早整定好
咪唔夠熱囉
同有啲唔好味
可能做圑購恐怕做唔切
所以一早做好
服務尚算唔錯囉
賣單時‥會問你食物夠吃嗎之類‥
我都好老實反影意見
好喇‥用唔太多錢試過咪安樂晒囉
唔駛再有下次了

紅菜頭汁玫瑰花包包~

 

今日係白色情人節 White Day
唔講我諗好多人都唔知、唔理、唔在乎
不過冇所謂喇
呢個都冇乜人重視既
係呀！費事又俾啲商人製造揾錢技倆喇(笑)

上次做過花型
我覺唔太似
今次有大花花

發酵中
尚未入爐影張相先
老友要求
不過佢有一個怪論調
咁好心機做乜吖
整乜型都好
出咗爐咪係包一個
吹脹！無言
冇嚟情趣‥
做人做到咁‥冇乜意思！！！(泣)

我話佢‥妳又買咁多衫同鞋
咁‥衫同鞋都唔駛買乜嘢款架喇
著上身同腳
咪又係一樣‥
要各樣款嚟做乜
咁樣套用法
算唔算係一樣呢！﹖(笑)

亦都有細的
冇偏心

出爐嗰刻
咦！都係麻麻咋喎
(其實焗緊已不時留意住喇)
廢話！！！

係咁架喇
唔通你以為真係會變咗一朶真花咩！(笑)
做人唔好要求太高
乜都會開心啲架
現在盡量學緊(笑)
包包軟軟
略嫌淡口啲
唔搽嘢吃會太寡囉
整 pat  花生醬又或是芝士醬好正架(笑)

紅菜頭汁麵條~

 

一個紅菜頭可幫我完成三味
的確唔錯
抵到爛呀(笑)
部份煲湯喇
其餘用汁做包包同麵條
幾好呀！(笑)

其實係做了包包先
見有多餘汁液
冇奶油倒咗去架
又好耐冇做囉
攪攪佢喇
色澤相當漂亮
是我喜愛之色啊

取其色
冇其味‥
不嬲已知係咁架喇
冇所謂
最緊要攞佢啲色啫‥
但‥我覺做莧菜係有嗰種味架喎
求其過過冷河
夜啲才諗吓點食

山型牛奶吐司~

好耐冇做這款吐司
模具都發晒霉
平日冇時間
大多倚頼麵包機的幫忙
(大大話話都幫了我差唔多三個年頭了)
真係多得佢唔少架(笑)
多謝晒‥
佢‥現在才捨得喺香港有售
遲係遲咗啲
我啲朋友都買了

做得唔好‥

組織都唔錯

不日再戰‥

美味厨~

 

這間店在食街附近有唔少時間
廿多年實有喇
好耐以前吃過‥

某天經過
想回味一吓
睇吓有冇變到先 (笑)

出名吃排骨菜飯
當然一定要吃
排骨唔嚡入味好吃
菜飯自己稍嫌濕了點

點了套餐
酸辣湯
味道唔錯
不會太酸同太辣
恰如其份

燻魚菜飯
其實佢有冇諗過啲客點食架呢
一大嚿擺係個飯上面
分開上唔得既
完全唔夠細心、貼心囉
不在客人方面著想‥
另外畀隻碗又鬼咁細個
條魚又大又硬
幾難至拮開嚟食到
好狼狽
拍緊拖的女生們不要叫這個
一定出洋相的(笑)

魚夠濕潤、唔乾唔嚡
又入味
唔錯！

 

這個蟹肉瑤柱羮
蟹肉尚算多，不過還有些殼未清
味道麻麻
同太多芡‥
下次再吃，單點可以了

老公至愛吃這
一小碟都幾貴架
自己醃好喇(笑)