李公館~

 

返工時間
真係好少會喺平日的下午
同老公一齊嘆茶啊 (笑)

 

座落灣仔區

皮唔夠薄兼唔夠熱
敗筆




" 削 " 咗啲

例牌‥冇驚喜

碧綠蝦餃皇
皮薄夠彈牙、蝦都算大隻

濃湯雙魚卷
唔好食的

綠茶黃金流沙包

味道怪怪
點解會有一陣咸魚味
何解呀﹖！
麻麻

鮑汁雞腳
腍係夠腍‥
可惜完全唔入味
呢間嘢都算幾貴架
老公話乜依家會有平嘢咩
食得又貴、唔食得又貴
打工仔真慘！

二食丸亀製麵~

 

又再食過
還有好幾款未試
今次再食好彩冇失望

牛蒡牛肉烏冬
呢個好食過上次叫的豚肉烏冬
湯汁香濃、烏冬煙韌
正‥

細釡揚烏冬

唔講喇
自己去食 lu
我覺好鬼好味道

話唔叫炸物
因見新鮮炸出
冇奶油唔要啫‥

 

我幾鐘意吃這個
所以又攞囉‥
今次因係新鮮
冇上次嗰啲嘢存在
好味)))))

海苔魷魚
這個一般咋
冇乜味道
好彩唔韌囉
晚上吃的，上次又係咁既時間，冇乜人
今次走時已大排長龍
咁‥下次再吃咪又要排
唉！唔好喇啩

一風堂~

拉麵雖不是我至愛
但有一兩間都係我心儀的
呢家都食過好幾次了
只是冇影相
見今次有啲 mood

 

特製赤丸
同普通有乜分別呢
又比普通貴廿蚊
哦‥原來多了紫菜、竹筍、半熟蛋、同义燒
义燒只多了些而已

我倆好鐘意吃這間
在大阪已一吃上癮了
嚟了香港亦已吃了無數次
味道都拍得住日本的

赤丸
只係沒有以上嗰幾種啫
豬骨湯底我幾 buy 架
我覺個湯底都幾鬼油膩
但都可以接受
老公話咁‥妳唔駛去豚王食喇
佢既湯底比起這個肥膩百倍‥
諗起都有啲驚！！！
嗰間嘢都還是有那麼多人排隊
我諗都冇諗過會去食喎‥
唔駛排先喇
要食‥都有好幾間等住喇

Sorriso ~ encore‥

 

上次吃過
印象唔錯，今次在平日吃

 

請不要誤會
我不是此女子的信徒才來吃呀
睇餐牌沒有啱心水
還是吃完沙律枱上的食物才作選擇吧

 

每枱梗有的包包

同上次一樣
半自助餐形式
不過上次週末吃
多好多嘢食的
今次少好多呀‥
攞嘢食的位置已唔同了
一張約坐八至十人的圓枱
鋪了好幾種各式沙律菜
少人攞食物時就不會有碰撞
多人就‥ no good

 我倆最愛吃這
 prama ham同蜜瓜係各顧各
沒有放在一起

食‥就自己執生喇
咁鬼懶‥

 

 

係呀‥沙律枱全部都係呢啲多
咁‥餐廳同唐小姐合作攪多菜少肉嗎﹖
原理係好架
食肉獸的
此處唔啱你囉‥

主菜
我揀了蘋果西芹湯
因冇樣啱
減肥嚟講幾好呀
清清哋
不過味道怪怪
我不太喜歡

意大利雞腿配薯蓉
老公話一般喎
冇計喇
都冇乜好選擇

飯後甜品
咁‥食法點可減肥呢﹖

 

 

甜品全部唔好食
我最鐘意吃的拿破崙都唔得
那杯芒果慕絲‥又係難吃

全場最好吃的
便是這個了
好似係"黑松露" tart
冇辦法喇
因食咗都幾鬼耐 lu
忘記都唔奇吖‥
都講過喇
第一次食 OK
第二次再吃、已覺麻麻喇
所以‥
又一間消失

凰朝麻辣火鍋~

 

早輪好興食雞煲
加上我倆很喜歡吃
立即訂位‥

麻辣的
叫了小辣，費事辣過頭
不能盡興
裏面一條粒狀啡黑色的物體係珍珠菇(如冇記錯)
店員推介‥另加的
份量唔多、都幾貴耶
因要一早加入同煲，如要請早揚聲
我覺普通料
可不加喇‥
不過出外吃，係貴架喇

這煲有半隻雞份量
我倆只諗住吃麻辣雞煲
不是打邊爐
所以不會學人咁‥又加肥牛又乜乜物物喇
小辣、唔太辣
最慘係" 麻 "
辣都還可接受
" 麻 "就令人不太舒服
雙唇已變了孖潤腸了(笑)
雞的確很嫰滑
是新鮮雞啊‥沒有騙人

唔想嘥咗湯底
又叫了這個店舖出品的唔記得乜粉喇(笑)
本諗住叫薯粉的
唉！問多店員幾句啫
又推介叫了以上
價錢當然比薯粉貴
" 鈍嘟 "囉‥乜都聽人 up
麻麻))))))

唔係講笑
唔訂位
真想吃都幾難矣！
不過‥食一次夠喇
又不會令我有吃上癮之感‥
咪睇以上少少嘢
唔平囉‥
試了便算

碎蛋沙律白パン

 

whatsApp 同好友分享
佢哋話超正呀
自從有了這個功能
係就係好好多
乜都快人一步！！！
唉‥‥現在只愛做低頭族
連講話差唔多都唔太識
溝通技巧就嚟近乎零
遲啲可能同 bb一樣牙牙學語‥(笑)

碎蛋沙律
我話好鬼肥
好友話一次半次
冇相干喎
我時常食完啲肥膩好味嘢
都每日同自己講番同一說話 (笑)
自我麻醉

我覺似幾條白蘿蔔多(笑)

日本主婦群很愛弄白パン
我之前都有做過
不過唔係這款
食得多硬包、心思思又想吃軟的
唔係硬包唔好吃呀
自從自己識做後
覺硬包零捨不同囉
加了麥粉做的
特別能夠食出麵粉的味道
是我始料不及的
不日再戰

俺の大根糕~

從來冇整過蘿蔔糕
諗都冇諗過會自己動手做
因覺幾鬼麻煩
所以冇實行‥


諗吓‥諗吓‥冇奶油呢樣嘢會難到自己架
加上最近喺 " 八珍 " 買了一底吃
噢！已沒有從前好吃了
同朋友講
她說：不如自己做喇
起碼冇咁貴同會好吃啲
加上她的推波助瀾
便成事了‥(笑)

買了日本大根
立即開工
係呀‥
我做乜嘢都好鬼心急架 (笑)
一做便做了兩底喇
食譜喺係網上揾的‥
喺 you tube 見謝寧教過
有諗過用佢嗰個的
跟住又睇到史雲生喎
但‥都沒有跟以上兩個做
係咁多心架喇
最後喺睇到一個
佢嗰個係有啲怪
粟粉同粘米粉份量係剛剛相反
抱住"疑人勿用"的原則
結果都去馬‥

因之前買錯個刨刨
刨唔到絲
唉！咁鬼麻煩
咪全部將佢切晒粗條
乾手淨腳、快快趣趣，唔好咩！(笑)
簡直係零難度
比起做包包同蛋糕
之前係自己諗多咗囉

一絲絲架
絕對有口感
自己鐘意加乜咪乜囉
多多少少隨你鐘意
真材實料
尤如度身訂造
這個就是
 " 俺の大根糕 " 了 (笑)

人家的食譜都比我改至體無完膚
唔好意思呀！

嗯！好味吖
大根甜、臘腸正、瑤柱香
食譜冇問題喎
我只嫌略為淡口啲
老公話 ok
食佢我倆最愛加余均益辣椒醬拌吃
唔係真係失色好多！
還未過年
兩條友已 ko了三底‥
恐怖！！！

Champignon 蘑菇麵包~

雖然我懶
都仲有啲貢獻
見‥冇嘢做
雙手癢癢的
點都要諗吓有乜攪作(笑)
嗱)))只限做鐘意做既嘢咋
清潔家居、洗熨等等
唔好預我喎 (笑)


終日愛留連日本網站
不論什麼都會看餐飽‥
以前唔識做包包或甜品就話啫
現在點都要整嚟試吓喇
收收埋埋咁多(笑)
唔係點對得起自己

想做此包好耐喇
既然有機會
當然立即實行喇

唉！好可惜
做出嚟係失敗架(泣)

自己覺係一個硬法國包
都唔係champignon
覆蓋喺主體上面又唔夠"蹺"
只是微微向上
不是心中所想‥
超失望
雖然係做到上脆內軟兼煙靭
還好好吃添
不過‥對我嚟講仍然係失敗
呃到人呃唔到自己

~~~~~~~~~~~~


失敗乃成功之母
以我的性格
點會就此罷休
做唔到點都唔服氣架喇

睇相當然比第一次做好好多
都算叫做接近
起碼個蘑茹頂都似吖
同都尚算有飛起

哦‥可能你會認為成功 lu

 

未架‥
還未覺滿意
未逹到自己目標囉
還是要繼續努力
口感其實已做到了‥
唉！
只是‥‥外型)))
加油吧！！！

生記蟹粥~

知呢間食店出名吃蟹粥好耐
飲食雜誌同開飯都有推介

又加上看後街坊廚神
更加挑起了食筋
不吃不可(笑)
傳媒力量幾緊要‥
已在一星期前訂位了
週末天未夠六時已滿座
但‥我倆有訂位的
那個男的應該係老闆嚟
烚下烚下咁‥
一味up住X先生訂的枱兼四圍望
但‥又畀唔到我倆
一味拖‥鬼咩人哋唔訂枱，一窩蜂入嚟坐晒喺度
我見勢色唔對
近廚房有張放了很多雜物既枱
仲唔嗱臨座低咩‥
等佢揾喎‥邊有吖)))
嘥鬼氣

炸八爪魚丸
差唔多整間店啲人都係叫這個
一般咋‥
唔彈又太實
把鬼)))

又話點好吃喎
味道怪怪的
應該係啲豉油味
又冇鑊氣
超差的

呢個等咗好耐才出嚟的
唔好令我失望呀
好彩‥算一場嚟到
冇失望
蟹超新鮮兼多蟹糕
粥底又綿
唔錯
不過‥食至尾給我發現了少少拙憾
就係
我以為海底撈月有一粒蟹糕喇
放入口嗒清味道
已急不及待從口吐出
嘩‥乜咁鬼鹹架
原來係‥雞精嚟
咦！有冇攪錯，未溶
講到尾咪又係要靠師傅)))
不過‥偷食，唔識抹嘴啫(笑)

三個餸
最好味係蟹粥
當發現了這個瑕疵
係扣了分架！
食過一次就夠喇
冇話令我有再吃的衝動

其實佢哋已出名咗好耐喇
已知每日有很多人幫襯
加上運作已久、理應熟能生巧
但都攪到踢晒腳
唔明點解做嘢都係超低能
個老闆娘一味在舖內講東講西
指指點點、自言自語
所說的大多係廢話
又幫不上忙
堂上客人都鴉雀無聲
只等待食物的來臨
話之你齋 up
只知吃完就擝咋 

 

丸亀製麵~

新的一年
第一個網誌
祝自己同家人身體健康、心想事成‥
有綠看到的
攞隻手出嚟接住喇 (笑)
身體健康 (人人都想的)、笑口常開

又一間遠道由日本來開店的自助形式烏冬店
點都試試喇
自己超愛吃烏冬

豚肉超嚡
不吃也罷囉
烏冬好彩又滑又彈
正‥

雜菜餅
亦是一般
加上凍的、腍晒、又油膩
不甚喜愛
我知大多日本吃的烏冬連鎖店都係咁‥
但‥如好彩遇啱佢新鮮炸起
就另當別論了 (笑)
不過真係要好彩囉‥
繁忙時段會有機

這個係我的
大 size 嚟架
上面嗰個都係‥
只畀細多幾蚊雞咋
都算抵喇 (人哋) (笑)
温泉蛋就普普通通啫
烏冬就超正
最愛係可自助加蔥、加羌茸
愛幾多就攞幾多，超 like
可惜"蔥"不是日本蔥呢))))))
唔係‥就超正囉
不過我明嘅
咁鬼平的價錢
冇得要求
除非此店身在日本啫
物離鄉貴
明白

超難吃的茄子
又硬又冇味兼多油
你估天婦羅咁易整架
是但揾個二打六 "炸" 就可以咩))

唔係太高要求
呢間可以的
我已盤算緊下次吃‥點叫了
因還有好幾款未吃
只齋吃烏冬算把喇 (笑)