竹炭 & 黑芝麻粉馬龍~

好耐冇整過竹炭同黑芝麻粉
今次唔用色粉
健康啲喇‥

 

哈！今次的竹炭特別出色
夠黑囉‥ i like it ~~~
不過黑芝麻粉就‥‥不太出)))))
唯有下次吧！！！

 

好多前輩講做馬龍要點、點、點‥
才能做到成功
我初初都有跟住規矩做
不敢越池半步 (笑)
加上而家有好多書籍教人如何做
又話蛋白不可入雪柜要放暖才可用
糖粉又要用那隻牌子
杏仁枌要用最糼細的啊
篩過的杏仁枌太粗的不要
以上種種我自己全犯了 (笑)
我曾經聽過某師傅講用某牌子的糖粉做會更鬆脆煙韌
但‥苦無機會

其實當初都唔係做過好多次
只是好彩‥
試了幾次便 OK 了！
便沒有太大興趣再繼續
因不是我杯茶

這個玩意真係停了很久呀
生疏了

 

直到今年
因有需要才攞起"架撑"
當時都恐怕遺忘架
畢竟都放下太久
好快‥都駕輕就熟了

 

今次做這兩個
冇得偷懶了
要完了一個還一個

 

我還在噚日做的
都有諗又落雨又潮濕
咪玩喇
好！又挑戰吓
夠竟 work  唔 work 先
咦！有幾大不了啫
結果係點‥
有眼見
一個好彩唔代表第二個都係啩
咪‥就係我要做兩隻既原因
等我再有時間試多次
係咪真係得。得。得喇
好多朋友做唔成功
唔緊要架
萬事起頭難
只要努力
一定得的‥‥
加油吧！
共勉之‥

食在台北 @ day 4~

 

終於寫第四日喇‥
好喇‥完囉)))
喺聖誕的第四天
亦即係最後一日留台
都講過每個旅程總有一日會下雨架！！！
點解唔可打破宿命呢！

 

當天都幾鬼大雨
好彩有帶
唔係又要買‥
第一餐不是喺附近吃
雖然下雨，都要去架喇‥

 

店子其貎不揚
哈！呢啲唔緊要
最緊要好吃啫

 

吃乜
咪呢啲囉

 

蛋包魚丸湯

 

有幾特別啫
唔明、普通

 

乾麵
睇人同旅遊書講到有幾好吃
咪又係不外如是
我唔會話人唔識食
而得罪人咁冇品
食呢家嘢真見仁見智架
碗底內已有調味油了

 

只要撈勻便可
另魚丸內裏有饀的
但‥麻麻哋好吃囉

其實都嘥時間走去揾架
唔近又加上下大雨

 

不過係咁架喇
無論喺邊度都係
食了咪安樂晒
唔駛回港時
見人介紹點好、點好吃
自己本應想吃的又無去到
而有遺憾
咪好囉‥又攪掂一間



@@@@@@@@@@@@@@@@@@@@@@@@@@@@@@@@


呢間又係要去吃的

 

既然在附近
當然去埋‥

 

食既嘢好像大同小異
唯一好就係唔貴 (笑)

 

控肉、魯肉飯

 

留台數日都好似食咗好幾餐呢個
同老公講唔係太想吃囉
但‥講到又係好鬼好味咁
唔食唔得喇
好彩！又真係好好味
沒有難聞的豬燥味
味道恰如其份，啱啱好‥正

 

唔嚡架、又係好味道

 

鳯梨苦瓜湯
未飲過加菠蘿喎

 

又幾清甜
甘甘哋唔苦喎

 

還有我最愛叫的青菜
唔知點解整得特別好吃的

 

咁‥呢間好吃過之前嗰間囉
雖然食物唔同(笑)

雨勢已停
又已準備出發往別處喇


************************************************************************************

其實我倆根本諗唔到去那的 (笑)
唔係奇怪架‥

我話不如去淡水喇
另一半唔想的
因幾鬼遠
而且又去過好幾次了
又冇乜嘢藉得再去‥
在冇得選擇下
都係我嬴

 

好耐冇去呢間話係原祖的食店了
在這間已吃過很多次喇

 

你會發覺喺淡水吃呢樣嘢
每店都話自己係始創
以前我真係好鐘意、好鐘意吃 " 阿給" 的

 

即係油豆腐粉絲
因兩樣東西都係我至愛
加了辣。。。真係好好味架
不過‥今次再吃
已沒有以前的感覺了
點解口味會變咗呢！！！

 

呢間的魚丸只是配角吧了
只係每次吃 " 阿給"，搭嚿骨叫埋囉
其實係難吃架
外圍白色部份又硬又嚡又冇味
都唔知係乜鬼嚟
好喇‥淡水我只掛住吃 " 阿給 "啫
而呢味嘢又已不是我杯茶了
仲駛乜再去呢﹖！


###################################################

離開淡水
又在台北車站逛來逛去
冇地方好去，係咁架喇‥

 

京站

 

都逛咗幾次了
冇乜啱行‥

 

逛到超悶‥

 

聖誕節每個商場都有的佈置
我都冇睇過香港係點添‥
跟住又去火車站行囉
好悶呀‥
點解呢個旅程會咁鬼悶架
所以台北
我真係唔想再去遊玩住囉
除非‥


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


聖誕節在西門町街頭見到的

 

那天已沒有平安夜那麼凍了
每次見到這情景都令我倆停下腳步
盡少少綿力吧！
朋友話因住被人騙喎
算喇！係與唔係，自己出了一分力
已心安理得‥

 

好可憐啊！

 

眼神充滿憂鬱、祈盼
唔係人類才會識用眼神表達架！
你知道佢哋有多慘嗎﹖！


香港最近又有虐貓事件
唉！請停止這些暴行吧‥
點解可以做到這些行為呢﹖！
眾生人人平等呀

%%%%%%%%%%%%%%%%%%%%%%%%%%%

在2011年聖誕台北遊已完滿寫完
係就係耐咗啲
總算都寫晒‥
唔駛心掛掛囉)))))

下次要寫的係台中同釡山遊

 

南瓜包包~

整包包真係會上癮架對我嚟講
既然做得唔叻
當然要不斷嘗試
唔下過功夫點會進步
我明架！

 

今次做了南瓜包

雖然係冇南瓜味
冇所謂喇‥
最緊要成功啫
食到唔失禮人吖

組織好像唔錯‥

很軟熟啊！

鬆鬆軟軟
係我杯茶嚟
不過‥硬包我都鐘意做架

 

亞豹 )) 收貨喇 ~ yeah~~

 

 

 之前做始終覺唔像樣
我唔係要追求完美
既然做、咪做好去囉

今次真係收貨喇
唔係又再嚟過架喇‥(笑)

似嗎﹖！

朋友已一眼看穿了

我好懶呀
今次一份馬糊分了兩色做
當然快好多同唔駛洗多樣嗎！(笑)

又試吓其他整法

留待‥
咦！下次喇

狂野！
W~i~l~d ~
豹紋 (笑)

 

 

淪陷釡山 の 戰利品 ~

 

喺九月尾同十月尾去了兩個地方
一個和好友去的台中(話咗唔想去台灣，點知又去，仲係我最怕跟團嗰隻) (笑)
另一個同老公去的釡山遊
釡山之旅
主要係睇紅葉、食、食、食為首
點知今次買、買、買係變了首選‥(笑)
點解用 "淪陷" 這兩個字
因去程唔夠10 kg
回程 no eye see 竟然係66 kg
真係冇諗過會係咁架‥ (笑)
又唔係未出過門
好似餓咗好耐咁
一買便一發不可收拾的地步
我唔想架‥

朋友叫我幫她買 UGB
唔好意思呀
釡山沒有這隻貨
同妳講過喇
係跟圑，導遊帶圑友買的
好像首爾才有
我在網上見到都唔係好貴咋

好友話想睇戰利品先喎‥
我諗好多人都同感喇)))))))

 

零食只買了這些
有啲吃過、有些還未，所以無可奉告
其實香港好多都有售
有啲價錢仲還便宜過又或是差唔多
以上我最愛吃係 Market O 的芝士薯片
因在港吃過，所以買得最多
唔好同我講佢嗰隻 Brownie 得呀 (口味既嘢，實屬見仁見智)
不過收到 Sogo Thankful Week 仲平(激屎)

 

唔係好多咋‥
因要分散投資
一子錯、滿盤皆落索
唔想一鋪清袋啫‥(笑)

 

 

 Skin Food 呢只用過佢少許 mask
買了六個
算大手筆送了相片 mask 以下的samples 同一個化粧袋
個袋又幾鬼靚添

Etude House (香港已登陸喇)

呢間做功課時諗住會買幾多架
點知‥變咗係我老公
第一次逛了一圈就買了左邊的一 set，仲比了一張九折咭
咁‥第二次又路過，咪比多次機會佢同我囉
結果都係零
又係老公買了一罐面霜
付了錢已出了門口，比我看見 hand cream 買一送一
才買了(幾難為呀) (笑)
贈品都算幾好喇

 

It's skin 又係諗會買好多架
結果睇相就知喇
每次經過都冇行入去的衝動
可能我喺 屋企成日up 住佢個大名啩
老公每次經過都提住
唉！好喇就買一兩件當交差吧 (笑)
其實喺屋企做功課時都好辛苦架
睇佢官方網頁介紹同網上的評價
逐一 mark 低
我都唔知點解去到會唔同晒架‥
女人都係善變的動物
買得少，成正比架
samples 就係咁多喇)))
見香港圑購賣仲平呀‥

 

too cool for school (香港有店)
想入的，大多都買到
係有一兩隻唇膏 sold out
咪算囉‥慳番
贈品真少得可憐
就係得前面嗰幾粒喇
還有這間啲店員態度認真麻麻
我發覺好多間店都有售賣的泡泡 mask
其實大同小異
眼見差唔多間間都有售
所以都唔買太多

 

揾餐屎呀呢間嘢
都係自己錯囉
成日以為喺埋一堆
係呀‥所以我時常比老公話架(笑)

買得少
贈品當然少
試了 sample 既 Real face BB cream 原來好好用
飲恨呀‥冇買

洗頭水都有買呀
有乜辦法唔過重吖
因數年前去首爾時曾用過
一試難忘

 

Tony moly (香港有店)
相片底下便是贈品
話多唔多、少亦唔太少

Missha (香港有店)
冇用開，見香港旅遊書推介這隻蝸牛洗面幾好
又唔貴咪買兩枝玩吓
贈品都算多
店員態度很好

 

Apieu
買了蝸牛同蛇毒 3D 面膜各五張，因超平
兩個 lip cream 還買一送一
所送的贈品有一塊 mouse pad (我唔識佢哋係乜水呀) (笑) ，個 pad 又幾好用添
、皂、同一樽落粧液貨 size 嚟
算係咁喇，係咪

innisfree
呢間算買得最多喇
有啲贈品包埋落貨內
相片以下便是另外給的贈品了‥
最唔鐘意呢間啲嘢冇價錢牌囉
散一枝枝就有，但一大 pack 嗰啲完全冇架
下下都要問，好鬼煩
我覺這樣會有些騙人囉
尤其係遊客不知就裏
本應諗住買一樽 02 pore mask pack 試吓
店員話冇喎，只有三樽裝
答得幾悔氣呀

Nature Republic
又係買得最多架)))))
相片以下就係贈品
贈品算少了，問佢仲有冇多啲 (貪心)
個麻布袋都算係架喇 (對我嚟講都冇鬼用)
全部貨都係用佢裝走的
肥妹收銀很論盡，比晒錢已預備走人
竟然間漏了一枝 mask 未放入袋中
後尾才畀番‥

 

其實我都唔算買得多喇
我老公都唔執輸架

(驚屎蝕底) (笑)

 

Face shop (香港以前有，現在只有 colourmix)
係我買得最、最、最多的便是它
真係重鎚架
淪陷亦於此了
點解會買咁多呢
係我在網上 search 時睇了一個台灣人寫的 blog
她嫁了韓國，現做了代購
其實我不嬲都唔信架
尤其做 sales
但‥佢有些嘢又寫得很對
又不是只係齋"吹"
咁‥我都仲識分
加上我想用有漢方成份的護膚品
便一拍即合了
再者我想買埋另一隻品牌 "后"
話說它比雪花秀更勝
結果當然係冇米粥囉
點解)))))下回再說‥
相片下面就係贈品了
冇得數喇‥
淨係"美人圖"都有二百多枝
如果只係自己用
可用多久呢！﹖
(屎喇！都唔知好用否﹖)
男店員始終都係手鬆啲架


真真沒說錯
同網上朋友講所言非虛
已沒有以前那麼疏爽
給贈品亦孤寒了
尤記之前去過首爾所給的
已今非昔比
不過都係男店員囉

還有‥這個在機場免稅店買的
回港後
在 colourmix 逛了一轉
某些還做買一送一
最後都買了眼霜
仲比韓國平‥唉！
老公話好用喎隻 eye cream
洗面膏一百大元四枝
價錢又係差唔多，朋友買了
仲有係 paper mask 一百元兩 pack 共廿塊
唉‥唉‥唉‥想唔長嘆氣都唔得喇
有啲真係平過嗰度
都唔鬼駛拎得咁辛苦喇‥‥該煨

嗱‥嗱‥嗱我唔係講緊以上隻蝸牛 mask 呀

 那裏還未有售

這個係給我一個好友試用
佢話唔錯喎‥

 

很多人必買的
第一日經過屈記冇貨
諗住我哋有咁多日，會加貨啩‥
原來釡山真係冇乜屈記的
我只見過得兩大間
後尾在另一間買了
數唔到ing
話你知共有卅二枝
唔夠三打
送人作手信架我老公
真係乜得咁多人送咩！ (笑)

話時話吖
呢枝嘢都算幾好用
以咁親民之價
搽上手會有水珠的
好像六角水囉
太乾燥時就不可用喇
執生囉

另兩枝便是它了
見佢有 shea butter 買嚟一試囉

以上產品我真係冇乜嘢用過架
恕難奉告
因家中還有已用緊的
唔想開咁多呀
想用完先‥
不如有人用過話我知好過喇‥

喺韓國買護膚品
好多價錢真係好親民

好用與否
要試過才知一二
不過都輸得起嘅 (笑)

 

 

回港後
看了本雜誌
某人說：
[擁有，是一種負擔，擁有得愈少愈自由。但每個人都有欲望，而物質是虛無，滿足是短暫的，相反靈性滿足卻令人平安。]

睇完都有少少心虛、覺悟！
雖未有咁高竟界
儘量喇‥

yblog 點解攪到我啲字又大又細又粗
都唔知想點架‥
真係好鬼憎寫囉