自己不嬲有食開日式魚罐頭
我敢講差唔多每隻有新出的，都會一嚐
除非在我寫這篇網誌時有新嘢出啫
否則喺香港有的，全部都給我試勻晒 lu
某日喺 super 買餸時
又畀我再遇"你"
"你"已很久冇喺我眼前出現了
曾在日本旅遊時遍尋不獲啊！
唯有一直等了又等．．．
二話不說
立即買了一箱回家
慢慢享用
一箱共有三十罐
應該會好快食晒架
點會慢慢吖！
"照燒三文魚骨"
其實我唔太愛照燒味的
但呢個完全沒有我唔鐘意嗰種味
味道不是太濃
啱晒我呀
一塊塊的魚骨
每塊都可以連骨都吞落肚
懶得買餸煮飯，呢個又可當一餐喇
慳番啲，又可打斧頭
唔貴架！
又好味喎！！
希望"你"唔好又再次失踪呀！！！
曾經講過，自己好口臭架
話親鐘意、喜歡，又或是好吃的
都會悄然消失的…
今次唔會啩！
呢間嘅"烏冬"想食好耐
今次終可一嚐
"牛肉湯烏冬"
牛肉同吉野家嗰啲一樣好味道
算唔錯
特別是烏冬話係"讚岐"的
算佢喇，真係煙煙韌韌，又彈牙好味
"天婦羅咖哩烏冬"
因自己成日掛住喺東京吃過"古奈屋"的咖哩烏冬，不能忘記
所以一見到，兩眼發光，又中計囉
個湯底梗係冇可能同人家相比
如有食過日本咖哩應該知道係乜味道嚟
咪好似用"日本磗"煮嗰種味
湯底味道只是一般咋
都係要讚的，便是"烏冬"了
同上面講的一樣，煙韌有彈性，正！
如要兩個比較，牛肉湯烏冬較為出色
起碼湯底冇咖哩嗰個咁差吖
天婦羅係新鮮炸的
不算油膩
終規終矩，可以的
"赤丸製麵所"
下次再去食的話，不會叫"咖哩湯"的
因唔太好吃啊！
喺沖繩三日，實在冇乜嘢好逛
唯有參加當地定期觀光巴士
當初係唔想去呢啲觀光地方，因知都幾鬼悶
(唔到過，又好似一場到了沖繩，連人地嘅景點都不知一、二，係咪幾笑話)
所以便預先一日報名參觀
對我倆嚟講，喺日本從未參加過
當然有新鮮感
日本啲交通配套真係相當完善，絕對毋須担心
懶得自駕、或冇車牌、又嫌的士費昻貴
唔駛愁喇、local tour ．一日遊，幫到忙喎…
唔錯架，又唔駛用腦，帶個殼去就得囉！
幾鬼正 (但香港跟團，就咪喇)
有 A, B,C 餐任揀
我哋選了 C 餐，較多幾個地方遊覽
@5,400 円一個人，包全日乘車兼一餐午飯
入場費就用者自付
早上八時半集合，參加人數唔多
除咗我倆外，還有兩個台灣人、三個外國人，餘下全是日本人
只得 13人左右，good 啊！
車廂內幾咁寧靜
準時 8:45 am 開車喇
第一個到的主題公園
當日天氣唔多好，落雨呀
好彩有帶遮咋
唔係變落湯雞…
一入門口已是這裏
有鮮艷"琉球傳統衣服"供遊客租借拍照留念
都未得閒細心欣賞
已給導遊小姐催促入去買了入場券才解散
有九折優惠的
售票員姐姐細心提示，外面有現場表演
愛看的大多是日本人
大多數喺一般食肆地方都會播放琉球音樂，又或是會有真人表演
音樂分古典同民謠兩種
話時話都幾好聽架
時間唔多，影了相便算
入場喇
係一個可以體驗"沖繩歷史文化"主題公園
回到昔日的沖繩
"石敢當"
唔係路牌
係用嚟辟邪之用
好多地方都會見有架
沖繩獨木舟
"紅瓦"係採用沖繩獨特工藝燒製的屋瓦
可以防風避雨、遮擋陽光直射
包含著先人的生活智慧
屋頂上的獅子
是由中國傳來用於辟邪的裝飾品
"祭神社"
藍染、紅型、紡織物
織布機
泡盛地方
睇完以前琉球嘅文化
悶都幾悶架，都算得個知字喇
又係我私人時間
如有呢家嘢，必玩的
明明係餵錦鯉架
無喇喇走出個不速之客，要分一杯羹
見過"水鴨"會為咗食物而擺尾未呢！﹖
可愛的"水鴨精"
又要為食，又怕死
唔敢落地攞食物，紮了很耐馬才敢跳落地
比佢笑屎
為咗佢共買了三包糧了
夠飽喇
只係零食咋喎…
應該都冇乜遊人會好似我咁買咁多餵你啊！
行到呢度
仲以為自己去咗泰國
呢部份係睇"蛇"的
好核突啊！
好大條蛇皮
貴唔貴呢！
----------------------------
陶藝等傳統工藝
------------------------
"水牛拖拉搾糖車"
製造黑糖時以水牛車作為動力搾甘蔗
喺呢度可盡情享受沖繩傳統文化！
的而且確悶架，作為遊客，又未見過，都可以一去嘅．．．
----------------------------
手信店
幾型吖！
夠鐘喇，又要到第二個景點
外面滂沱大雨
旅遊車駛出公園門外
驚見一架私家車，因天雨路滑，四輪朝天
等待救援
好彩司機吉人天相
"万座毛"
就係睇呢個沖繩首屈一指的名勝
話佢似一個隆起的象鼻在狂飲海水
似嗎！﹖
而"万座毛"名字由來，依書直說，18世紀初期琉球國王到北部視察，國王在這裏休息時，向侍從讚嘆到 [這裡可以容納萬人坐下]，[毛] 是沖繩方言，意思是遼闊的空地。因此起名叫 [万座毛]
"万座海濱渡假酒店"
繞場一圈，離遠影了這張相
好多旅人都愛到這間酒店渡假散心的
只得廿分鐘參觀，夠喇，都冇嘢睇又大雨喎
在万座毛車場兩旁
有售賣土產
我覺像極芭堤雅
真係邊樹似喺日本吖
值唔值得去，就見仁見智
如果要我搭公巴又或是自駕，咁遠都唔係太想到此一遊
只是今次參與觀光巴士遊
去吓亦無妨囉
好快又到了第三個景點
"御菓子御殿"
到埗後，有一位男性工作人員帶領我們入場
原來先上二階吃午飯
有一碗很少的 "沖繩 そば"
得 "一撮" 到，但幾好食
還有這個 set
喺沖繩冇食過佢哋啲特色地道食物
唔緊要，以上都有少少啊！
"水雲"係一種帶黏滑的海草，感覺有少少似"髮菜"，比"海葡萄"好吃
"紅芋 そば"又係幾好吃，用沖繩紅芋(番薯)製造的
又有苦瓜炒蛋等
呢餐都算唔錯好食
對住這個美麗海景吃，人都舒暢啲
可惜下雨，唔係出外走走
每位團友都會坐在這個一排類似 bar位既地方吃的，唔駛爭，座位已編排好，在椅背上已貼上閣下的尊姓大名
食飽飽後
在地下便是這個售賣土產地方
如果吃不飽，可在這裏食過夠啊…
因有很多試食的
唔怕醜，可吃晒人哋擺出嚟的食物，哈哈！
製造菓子工場亦在此
可以睇睇製作過程
可知產品相當新鮮！
其實呢個菓子場，喺國際通都有兩、三間
要買手信可留番回國際通時挑選
唔知點解會安排到此一遊呢！
難度就是為了吃它一頓對住海景的午餐
