新年無所事事，當然逛吓街街
去親 Sogo，又見到佢，梗要破財
呢隻雖然唔係北海道直接製造入口
但材枓係喺北海道運嚟
由香港自家生產
都算做得唔錯…
"Milk Top"
食得太多賀年食物
點都要整番杯嘆吓先喇
"牛奶布甸"
鐘意佢有香香幼滑的牛奶味
有質感唔會水汪汪
最近有新產品出，"芝士"味布甸
試過麻麻哋，唔推介
曾嚐試過一隻係由日本製造的布甸
"森永"應該聽過啩
水汪汪不特止，味道好假，士多啤梨味簡直嚇人
完全對佢冇好感
又買了一啲啲返"閨"慢慢嘆
個人覺雪糕最好味道係牛奶味、石榴、生羗
是我必買的
(唔甜、唔漏，絕對唔嗆喉)
點解特別愛佢，當你食過後
必然明白箇中原因
以前覺幾好食的包包
現在一般
湯夠濃味，好 creamy，裏面有粒粒薯仔
但…又唔覺漏喎
"Papaya Salad"
自家製的木瓜沙律汁加在菜上撈嚟食，簡直非常好味
唔知點解木瓜好少既
食呢啲嘢，唔少得沙律，中和一下味蕾
冇咁飽飽滯滯
唯一最唔好食的，是菜上面的烤雞肉
又嚡又冇味，反而冇仲好
"Red Combo"
最主要係食Ribs，但又多心
最後咪叫咗有烤雞既 combo 囉
其實"骨骨"就同嗰幾間差唔多喇，不過件雞就真係差喇
又嚡又唔好食
咁少都食唔晒(其實係唔想食)
"KFC"既燒雞，好食個佢多多聲呀
雞又嫰又入味，一定要試吓啊！！！
大食後既結果，咪係咁囉，問妳屎未…
好耐冇 update個 blog 喇
唔係唔寫，係部電腦同人一樣要冬眠啫
********
本應唔係喺呢度食架，想試嗰間又未開門
唯有轉而其他地方
呢度唔係什麼高尚食府
只係尖咀一間熟食中心內的大排檔
都算幾出名架
"妹記"大排檔
朋友點的
炒米同碟頭飯，都可以食得下
"啫啫排骨煲"
呢兩個煲係我哋既
拎出嚟時，真係俾佢嚇屎架
冇色、香、味唔緊要喇，完全唔覺熱辣辣喎
只是微温
味道唔駛多講喇
"生炒骨"
睇個賣相，唔係即整，係番叮架
呢啲嘢咁整法，叫人點幫襯呀
"白飯"
最最激氣就係呢個飯
伙記拎出嚟時，完全唔熱，叫佢換過去
她好似好奇怪咁，拿走後
再次攞嚟咪又係同一碗
係唔係吹脹吖
只係扒了兩啖，便冇食落去喇
我倆即時賣單鬆人
咁既嘢都可以畀人食，真係好好檢討吓喇
其實想去呢間食
因它晏開門
我倆又終可一試
(同一個下午的午餐)
"新記餐廳"
貼鬼埋咁多呢啲相宣傳
出名吃芝士麵、魷魚鬚、瑞士雞亦
"豬頸肉芝士撈麵"
撈勻咗就見到豬頸肉個樣喇
豬頸肉入味、夠香好食
不過加埋啲芝士，真係唔係人人受得
我好鐘意食芝士和牛奶
都唔係太愛
因好鬼漏架
"餐肉、紅腸撈麵"
都係嗰句，麻麻哋咋
試一次夠皮喇，冇下次架
"蜜汁龍鬚"
店舖出名之作，咪試吓有幾好食
又唔夠稔同惹味
仲以為有幾咁巴閉
淨係呢餐兩個人都食咗我百多蚊
加埋之前不知所謂的"妹記"大排檔嗰餐
總數都二百蚊了
都未試過食晏會食到好似我咁架…
失望兼破財！！！
除咗愛食日本菜外，泰國菜亦是我所愛
但…不是每間都咁好味、正宗
路過又肚餓咪去食囉
都唔敢抱太大期望
位於銅鑼灣翡翠明珠廣場1/F
當天都很靜局
"Red Chili"
"青木瓜絲沙律"
食食吓都幾鬼辣，味道麻麻
"海南雞飯"
飯唔油唔腍幾好，雞就太差喇
完全冇食泰國嗰種感覺
大大件都唔係一條條咁既
我覺似食梗我哋香港人的白切雞多啲
係最差的一個
諗住會唔會好過"勝利"呢
唔係又要去幫襯佢吖
價錢比外面還要貴，最唔抵食
"冬蔭公金邊粉"
我好鐘意喝這湯，但唔係間間都啱口味
呢個幾好，沒有太多椰油味同酸
味道剛剛好，又唔太辣
唔錯
"青檸梳打"
呢處唔好飲啊
