22/Mar/2008 (sat)
喺復活假期去咗三日東京遊玩，可能你會諗三日可以去邊呀
頭尾唔見兩日，去嚟做乜，假期去又會比平日稍貴，係唔係嫌錢腥呢
非也，你精我都唔笨啊！！！
因為係零晨機去，所以掙咗唔少時間(玩盡三日)
好過你去五日架，絕對有 SO
(不過日元高企，乜都貴晒囉，真係冇乜購買意慾)
夜喇，機場唔係太多人，入閘完全唔需要排隊
超爽啊！
機場內新開咗一間"無印良品"，可以逛逛
消磨時間、唔會太悶
廿一號晚已出了機場，搭乘"零時十分"的日航班機到"羽田機場"
係咪覺得好怪呢，點解唔係去"成田"嘅
如果有留意旅遊資訊的，一定唔駛多講都知這條是新路線
我都算食頭啖湯喇(因還未正式開始架)
要在四月二日由 ANA 首航
依家去東京真係非常方便，喺"羽田"入東京(又有夜機去)
唔駛到"成田"咁山長水遠(天黑先去到咁滯)，真係慳番唔少時間架
超"正"
日航的飛機餐唔錯架
雖然已食過晚飯，還是把這個宵夜幹掉
每次必有的合桃酥，我好鐘意食
吃飽飽，想瞓覺都瞓唔著，一味眼光光
只聽到鄰座的一名男性旅客，他的鼻鼾聲好似豬叫咁
嘈到前後左右的旅客都四圍眼望望，不其然大家發出會心微笑(好醜啊)
四個零鐘嘅機程已到達"羽田機場"了
check in 相當緩慢，得一班機到着可能拖慢嚟做啩
攞個行李，出了機場，便搭 shuttle bus 到內陸機場再搭車到新宿去
由"京急空港線急行"到達"品川"駅
車程約廿四分鐘
再轉乘 "JR 山手線"到達新宿駅
約廿分鐘左右
在酒店放下行李
又出發到"築地市場"食一個豐富的早餐吧
在"松露"買了一個玉子燒吃
一路行一路食，跟住行去出名嗰幾間壽司店揾食喇
不過係冇一次可以食到啫
你睇幾鬼死多人排隊吖，我實唔會參與其中架
話知你幾出名幾咁好食，又唔係唔駛錢，咪攪我呀…
好…去第二間揾食
費事同人癲喇
"築地 すし一番"
點了兩 set 壽司同一客刺身
非常新鮮美味
真係飽到上心口呀…
食飽飽，再在築地逛逛
整個市場都很多很多人
尤其係好多香港人，仲以為去咗銅鑼灣呀
下一站"涉谷"
