因愛食"泰國菜"，所以在幾天內又走去第二間擦過
放工後去咗又一城食的晚餐
當時餓到手軟腳軟，一見到食物好似餓鬼咁…
食得嘅都擺落口喇，初初嗰幾啖，覺幾好食
原來係"超級勁漏"加"勁滯"
但又唔覺飽喎，係還想食嘢嗰種 feel
實在落得太多椰油喇，食到人"反胃作嘔"
我好怕食椰油味的食物
又一次
冬蔭功
(超級勁漏、漏、漏、漏，太多椰油喇)
其實我好怕喝呢款湯，因好多地方都整得麻麻哋
唔係太酸就係太重椰油味
"私房窩"就對口味喇
柚子雞沙律
(又係唔好食，怪怪的味道)
清炒椰苗
(係最好味的一個，好鮮嫩的菜苗)
金邊粉
(未食過咁恐怖的金邊粉，又甜又漏)
整碟比番佢喇
紅咖喱燴羊肉
(頭嗰幾啖就好好食，但加埋啲汁撈飯食，真係殺死人，又係好"滯"兼好重"椰油"呀)
芒果椰汁西汁糕
(食完都唔知係有芒果味，好彩唔難食，但又唔係好食喎)
香芋南瓜湯丸
(其實甜品唔係好啱我，但又真係唔覺有南瓜味囉)
整體嚟講，全部都係太重椰油味喇
食到滿肚滿嘴都係嗰種感覺
勁麻麻哋
又一泰
(環境舒適，可惜食物…或者啱其他人口味，但可惜唔係我杯茶)
喜愛吃"牛"的朋友，呢間粉麵舖都應該啱你喇
它的"手打鮮牛肉餅"非常好食
唔知點做到會又"滑"又"爽"又"唔韌"兼又冇"羶"味呢
的而且確好好食
不過唔食"牛"的朋友，唔駛担心喎
佢哋亦有魚旦同樣出名，雖然當天我冇食過
但知口碑唔錯
潮苑
(銅鑼灣渣甸街內)
座落於尖咀幸福中心內的一間火鍋兼有泰國菜供應的食店
同一食店，在極速時間再度幫襯
因感覺非常"正斗" 又知它有火煱供應
但…兩者比較得出的結論，原來是"泰國菜"比"火煱"更勝
無論價錢、味道始終前者做出嚟係香口惹味
火煱材料雖然新鮮，但始終都係覺好一般罷了
還是愛"泰國菜"
冬蔭公
(係我飲過得出嚟的結果係最正嘅，因椰油味唔濃又唔太酸，做出嚟啱啱好，是我的一杯茶)
海南雞飯
(做得同樣出色，雞又滑又嫩，而飯又唔油)
是我繼"勝利小廚"後的摯愛
咸魚炒芥蘭
(炒得好香口好惹味，可惜實在太少喇)
泰式黑椒炒蟹
我就冇蟹不歡，無論如何做法，我都喜愛
(黑椒好香同蟹一齊的配搭，簡直做到相得益彰的效果，非常味美)
有好多蟹羔、蟹肉相當鮮滑
clear
呢餐泰國菜，係我覺得做到最啱我口味的
好快又走咗轉去食火煱喇
但…就真係好一般啫，如果再去食，只會揀泰國菜
有兩款唔同的老火湯底，讓你試過味道才挑選
雖然店舖其貎不揚，但都學酒樓一樣
放下一碟有幾片的飽魚(又要畀人掠$$)
鯊魚骨沙參玉竹豬骨湯
懶型咁，好似食梗 high tea
三寶丸
駝鳥肉
(要好識控制，唔係會韌)
手打蝦膠
(夠彈牙、有口感)
雪花肥牛
(普普通通，又少又貴)
反而放在肥牛上面，送嗰幾粒牛坑腩粒還好食
最後送的白飯
把湯舀在飯上吃的
食清乾喇
都係嗰句喇，又貴又唔抵食
(我指係火煱)
