週日的早茶，我們都係喺"金悅軒"攪掂，費事諗去邊度食
因想試吓佢哋出晒名的沙皇包
係就喺做得好靚，但…真係太甜喇，如喜愛甜的朋友就啱晒喇
他們的服務真係一流，好有禮貌，絕對係禮多人不怪，香港真係要學吓喇
我諗佢哋都係做服務行業先至係咁咋
扮都好過唔扮嘅
珠海呢間的而且確係好食過深圳嗰間啊
如會去珠海的朋友，又諗唔到去邊度食，呢間係唔錯的選擇
不過最好訂咗位先
我哋坐的位置，係看見部份開放式廚房
望到一碟碟的食物好似迴轉壽司咁擺出嚟，你會見到邊啲多人叫嘅點心
發財蚝豉咸骨粥(都唔錯)
XO醬煎腸粉(好食過深圳嗰間)
鮑汁蒸鳯爪加兩籠出名的特色沙皇包
(鳯爪都唔覺有鮑汁味喎，唔好食)
沙皇包個餡流瀉晒，不過都係嗰句好甜好漏
魚趐灌湯餃(普普通通)
金蚝鮮蝦荷葉飯(好食夠乾身)
(同深圳嗰間完全唔同樣，呢個賣相幾靚，最緊要好食)
白灼本地生菜(幾清甜，唔加太多油會更好)
花生燜鮮鷄腳(我哋認為係最好味的一款，必叫)
叫咗一份，覺好食又再追加
四人一共點了十個點心，已覺很飽肚了
下次再到珠海，一定再食多次
晚上我們到珠海幾出名的"金悅軒"吃晚飯，好彩早到，因沒有訂位
大陸人真係好早食晚飯架，六時多鐘，差唔多全場爆滿
老友介紹話呢間"正"喎，當然又即管試試
服務唔錯，帳單清晰，每樣都跟到足，完全沒有漏單(同香港比，真係好好多)
真係冇浪得虛名，都算名符其實
呢餐整體上，都唔錯架
前菜兩碟(要畀錢)
四季豆做得好好食，而另一個好似係雞雜，又幾好味喎
老樹黃瓜排骨湯(煲得好清甜、又唔肥膩，好喝)
香菠生炒骨(尚算好味)
家鄉蒸清遠雞(呢個認真油麻哋)
梅菜蝦干蒸茄子盒(唔錯的一個，係多咗啲油，唔係就 good 囉)
雞湯魚滑雜菜煲(唔腥好味)
甜品送的
澳門其實完全冇變，最大的變化就係多咗好多賭場同大型酒店
週末(25/8)當天都有好多人，好彩食嘢，搭的士都好容易
唔係等咗好耐
以下係我隨隨便便拍下的
當天我們一行四人經"澳門"到拱北過關
"珠海"係我第一次到的地方，那天我膽粗粗做領隊帶着他們
現在想起，都覺得自己不自量力
好彩並沒有出錯，不然實給他們"炳鑊金"
下面就係拱北關閘邊境大樓
過咗關就係珠海
過咗關，就係珠海的"口岸廣場"
有啲似羅湖商業城，裏面好大，有好多嘢買，各式形式
有啲商舖所售賣的貨物唔"娘"架，似聯合廣場
當然係要自己慢慢摸索
可能會執到筍嘢
因時間唔夠，我都沒有仔細逛逛
週日回程時，在拱北就要用鐵馬分流
人群都唔少架，左兜右兜先至行到去入境處
行咗好多寃枉路(我就冇所謂，但同老人家去，會比較辛苦)
最麻煩係過大陸 e 道，明明已申請咗 e 道過關
但部機顯視唔到資料，問關員點解
佢話好多人都係咁喎，叫我再排去有人做的 counter
真係費時失事
成日只顧自己吃喝玩樂，實在好耐冇做孝順女喇
所以在週末、日聯同"姊姊"及"老媽子"，一行四人到澳門及珠海作 crossover 遊
而週末下榻嘅酒店係喺珠海的【凱迪克酒店】
屬於一間 hip hotel，設備尚算滿意和簡約，是我喜愛的一杯茶
這…咪就係選它的原因囉
如要挑剔，就係房間冷氣實在太凍
調節到最低，還是寒冷
我都因而病了
以下便是我們"覺覺豬"之地
是從浴室外拉開布簾(好似好冇私隱，由浴室外的人話事)
房間外的風景區
而另一個房間，都係大同小異，只係洗手間有少少唔同
比較大個另一間而矣
而房窗較為細小
