已book咗三月一日至十五日到北海道遊玩，一共去十五天，諗起就開心到震
2007年2月23日星期五
2007年2月22日星期四
小食……
【莓一衣】是我在網上見好多網友推介話好正的食物，講到好似買唔到or 食唔到是一個憒憾，我咪第一天在機場售賣店舖內，訂了二盒大既，在回程時拿啦。這個【莓一衣】好巴閉架，一天是做好少，因賞味期有限(一天)，所以唔預訂，都幾難買到。
↑睇相便知是一粒士多啤梨被一塊糯米糍包住，起初食一兩粒就幾好食，再食又漏又滯，我竟然間衰到掉咗塊外皮淨食粒士多啤梨，唉…又被人鬧啦話我折墮嘥嘢，但佢咪同我一樣食到作嘔，你話係咪嘥錢，早知係咁，就買士多啤梨唔買佢啦，仲貴過盒士多啤梨呀…而芝士蛋糕就不過不失，當然同北海道比是冇得比的。
都係買士多啤梨比較穩陣D，又好食又甜，起碼唔漏唔滯又冇咁肥…
last 一日……
26/12/06(tue)
拉麵又唔好食，便走去香港都有既 Mos burger，不過香港暫時未有綠色標誌(有機)喱間店舖，我諗都好難有囉，有機食物好貴呀！
我叫咗匠味這個包，好味道，牛肉juice，唔錯…
回梅田，再逛過…
在神戶揾唔到，↑竟然間畀我在梅田百貨公司內Morozoff的counter找到的，唔好誤會唔係蛋撻係芝士撻，好好味呀。午飯時間又到，今次番兜食【一風堂】拉麵，冇相，睇番前面介紹！都係咁好食。
仲有大把時間，在梅田一帶再逛，我發覺Hep Five內的商場幾好逛，有好多流行的衣服賣，好多東西都好潮架，實啱逛喇，還有大觀覽車，又玩了一圈先走。
快樂時光好快到，返酒店攞齊行李搭JR回關西空港啦！拜拜大阪有機會再敍吧﹗
神座拉麵
26/12/06(tue)
食完唔好食兼唔抵食的【夫婦善哉】後，想去食【四天王】拉麵，但行到一半畀我見到另外一間大排長龍既【神座】拉麵喎，看見有位當然走入去一試啦…結果當然失望而回，都唔好食又話點樣出名啦，都係不外如是
激死……
我諗都冇人好似我倆個咁衰食一半剩一半，店舖師傅都抓頭，究竟乜原因會食剩咁多呢！
夫婦善哉
26/12/06(tue)
今日是最後一天在大阪，四天的行程差唔多可玩足三日半有多，真係都算抵玩！今天再到難波站的心齋橋筋逛過痛快。
在旅遊書上有介紹的一間糖水店，我諗唔駛我多講大家都知邊間啦！對這間店舖的評價，我在網上得出的結果是好壞參半，有D人話它的糖水甜到令人吃了恐怕會有糖尿病。而亦有D人問有乜好食推介，竟然間答案是介紹這間店舖是必去的！
可能我倆是第一個幫襯喇，而那鍋糖水還未煲夠火喉，完全唔覺得太甜，可以接受，但當然係唔好味啦。至於話必去我諗有商榷餘地喇…
其實大阪有【大阪廚房】之稱，幾好食既嘢都有，唔明點解乜都唔推介，只識推介這間給人囉，靠害咩！唉…究竟佢有冇去過架……
唔好人云亦云好喎…
我覺得它是走gimmick路線囉，甚麼將一客紅豆湯丸分成兩碗奉客，寓意兩夫婦共嚐一客甜品，有福同享、有難同當。如果換轉在香港已執了久年了。
一客紅豆湯丸要800 円，我睇旅遊書時是500円，加價既幅度都相當驚人，如果我們加薪是和它一樣就好囉﹖ 唉……真係去旅行先至會走去做這種傻事的
十番、魚心壽司
25/12/06(mon)
食完令人回味的但馬牛後，便繼續我們在神戶的行程，四週逛逛，又被我們發現一間吃神戶牛的燒肉飯名字叫【十番】，唔理三七廿一，即刻入去吃過夠，那裏祇是買一些利用神戶牛肋骨肉做出來的牛塊飯，所以價錢低廉，但又出奇的好味，而醬汁是韓式的，配合得可算天衣無縫，雖是下等貨式，但又唔差得那裏喎……好味道
沿途我們在神戶行了好多地方，但行極都好似行唔完啊！真係好多嘢行喎，百貨公司都有好幾間，但都冇時間入去逛逛，只在大街、小巷不斷來回穿梭，衫褲、飾物、化妝品等多的是，我們只有大半天時間，根本就唔可以逛完，希望下次有機會可再去啦！晚上在【魚心】食壽司，哈…諗唔到又真係幾好食喎，網友們都冇介紹錯。在晚上吃比較貴，上午時段有午餐選擇…
今天一日的行程都七七八八啦，在神戶又買了一些化妝品、幾件衫和兩個手袋，但都用了唔少錢，真係要宣佈破產
但馬牛------神戶
25/12/06(mon)
這個旅程好快到第三日，我們已預了一天時間到神戶玩的，但扣除食嘢的時間，真係唔係太多架。到達三宮站還要再轉乘portliner才可到達食但馬牛的地方啊！
這間餐廳名字叫【牛太郎】，位置雖不是繁忙鬧市，但這店卻標明是吃頂級神戶牛之一的但馬牛，所以冇理由遠些少都不走一趟掛！因為在午飯時段，所以亦要排隊，但當你嚐過那種令人再三回味的但馬牛，排一陣間隊又算得咩呢！但馬牛肉質鬆軟、牛味十足，真係一試難忘本人全力推介
訂閱：
文章 (Atom)
